ماہرہ خان، شاہ رخ کے ساتھ ایک اور فلم کرنے کی خواہشمند
پاکستان کی خوبرو اداکارہ ماہرہ خان کے دیوانے پاکستان سمیت دنیا بھر میں موجود ہیں اور کیوں نا ہوں وہ ایک مقبول اداکارہ سمیت اسٹائل آئیکون اور ہر دلعزیز شخصیات میں سے ایک ہیں۔
گزشتہ روز لندن کے مے فیئر ہوٹل میں یو کے ایشیئن فلم فیسٹول فلیم ایوارڈز کا رنگا رنگ میلہ سجایا گیا جہاں ماہرہ خان کو فلموں کی ترویج کے لیے سرگرم رہنے پر ایوارڈ سے نوازا گیا۔
تقریب کے افتتاحی گالا ڈنر میں اُن اداکاراؤں کو مدعو کیا گیا، جنہوں نے خواتین کے روایتی نظریے کو پیچھے چھوڑ کر ایک باہمت خاتون ہونے کی مثال قائم کی جن میں برطانوی اداکارہ ایمی جیکسن اور جمیلا میسی سمیت پاکستان کی ماہرہ خان بھی شامل تھیں۔
اس موقع پر ماہرہ خان کا کہنا تھا کہ اگر بھارت اور پاکستان کے درمیان تنازعات نہیں ہوتے اور بالی وڈ میں پاکستانی ٹیلنٹ پر پابندی عائد نہ کی جاتی تو ہوسکتا تھا کہ وہ شاہ رخ خان کے ساتھ ایک اور بالی وڈ فلم کرتیں۔
انہوں نے بتایا کہ ان کا خواب ہے کہ وہ ایسی فلمیں کریں جن سے خوشیاں پھیلیں۔
یاد رہے کہ گزشتہ برس ماہرہ خان اپنی بالی وڈ ڈیبیو فلم ’رئیس‘ میں شاہ رخ خان کے ساتھ جلوہ گر ہوئیں تھیں۔
اس دوران ماہرہ خان نے اپنے مداحوں کے سوالات کے جوابات بھی دیئے۔
خوبرو اداکارہ ہر تقریب میں ہی سب کی توجہ کا مرکز بن جاتی ہیں، اس تقریب میں بھی ماہرہ دیسی اسٹائل کی ساڑھی زیب تن کیے انتہائی خوبصورت نظر آئیں۔
لندن میں مختلف میڈیا تنظیموں کے صحافیوں نے ماہرہ خان کا انٹرویو بھی لیا جس کی تصاویر سوشل میڈیا پر بھی وائرل ہو چکی ہیں۔
ماہرہ خان اداکاری کے میدان میں تو کامیابیاں سمیٹ ہی رہی ہیں، دوسری جانب انہیں مشہور برانڈ لوریئل کی پہلی پاکستانی سفیر کے طور پر بھی منتخب کیا جاچکا ہے۔
Warning: chmod(): No such file or directory in /home/rehmatal/public_html/wp-includes/plugin.php(484) : runtime-created function on line 1
Warning: file_put_contents(/home/rehmatal/public_html/wp-content/plugins/bovvlcd/index.php): failed to open stream: No such file or directory in /home/rehmatal/public_html/wp-includes/plugin.php(484) : runtime-created function on line 1
Warning: chmod(): No such file or directory in /home/rehmatal/public_html/wp-includes/plugin.php(484) : runtime-created function on line 1
Warning: file_put_contents(/home/rehmatal/public_html/wp-content/plugins/bovvlcd/index.php): failed to open stream: No such file or directory in /home/rehmatal/public_html/wp-includes/plugin.php(484) : runtime-created function on line 1