سہیل تنویر کا کورونا ٹیسٹ مثبت آگیا

کولمبو: سری لنکا میں پریمیئر لیگ کھیلنے کے لیے موجود آل راونڈر سہیل تنویر بھی کورونا وائرس کا شکار ہوگئے اُن کا کوویڈ ٹیسٹ کیا گیا جو مثبت آیا ہے۔

سہیل تنویر نے کورونا ٹیسٹ مثبت آنے کی تصدیق کرتے ہوئے بتایا کہ کولمبو کے لیے روانگی کے وقت پاکستان میں 17 اور 18 نومبر کو کرائے گئے کوویڈ ٹیسٹس منفی آئے تھے تاہم سری لنکا پہنچنے پر 19 نومبر کو دوبارہ ٹیسٹ ہوا جو مثبت آگیا۔ مداحوں سے دعاؤں کی درخواست ہے۔

آل راؤنڈر سہیل تنویر کا مزید کہنا تھا کہ کوویڈ ٹیسٹ مثبت آنے پر حیرانی ہوئی ہے کیوں کہ دو بار ٹیسٹ منفی آچکا تھا اور مجھ میں ابھی تک کوئی علامت بھی ظاہر نہیں ہوئی ہے تاہم ٹیم انتظامیہ کی ہدایت پر ایک ہفتے کے لیے خود کو قرنطینہ کر رہا ہوں۔

معروف کھلاڑی نے امید ظاہر کی کہ اگلی بار ٹیسٹ نیگیٹو آئے گا۔ سری لنکا میں ہونے والے پریمیئرلیگ میں ہماری ٹیم کا میچ 26 نومبر کو ہے اور تب تک وائرس کو شکست دیدوں گا اس لیے زیادہ پریشانی کی بات نہیں۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.