Daily Taqat

واٹس ایپ صارفین کا ڈیٹا فیس بک کو دینے پر قانونی کارروائی کا سامنا

سوشل میڈیا پر پیغام رسانی کی مقبول ترین ایپلی کیشن واٹس ایپ کو صارفین کی معلومات بغیر اجازت کے فیس بک کو فراہم کرنے پر فرانس میں قانونی کارروائی کا سامنا ہے۔فرانس کی ڈیٹا پروٹیکشن ایجنسی سی این آئی ایل نے واٹس ایپ انتظامیہ کو وارننگ جاری کرتے ہوئے کہا ہے کہ اگر واٹس ایپ نے ڈیٹا شیئرنگ بند نہ کی تو اس پر جرمانہ لگے گا۔فرنچ ڈیٹا پروٹیکشن اتھارٹی کے حکام کا کہنا ہے کہ واٹس ایپ نے ڈیٹا شیئر کرنے کے لیے صارفین سے اجازت نہیں لی اور نہ ہی ان کے پاس ایسا کرنے کا کوئی قانونی اختیار تھا۔فرانس کے بعد یورپین پرائیویسی واچ ڈاگ نے بھی واٹس ایپ کو خلاف قانون صارفین کا ڈیٹا شیئر کرنے پر تنبیہہ کرتے ہوئے کہا کہ واٹس ایپ نے معاہدے کی منظوری کے وقت ایسے کسی قانون پر دستخط نہیں کیے تھے کہ وہ پرائیویسی پالیسی کے خلاف لوگوں کا ڈیٹا شیئر کر سکیں گے۔جرمنی نے بھی اس حوالے سے فیس بک کو تنقید کا نشانہ بناتے ہوئے کہا کہ صارفین کا ڈیٹا جمع کرنے کے لیے اجازت درکار  ہوتی ہے۔ فیس بک انتظامیہ نے جرمنی کے موقف کو مسترد کرتے ہوئے اسے غلط قرار دیا ہے۔دوسری جانب واٹس ایپ انتظامیہ کا کہنا ہے کہ پرائیویسی ہمارے لیے بہت اہم ہے اس لیے ہم چھوٹے سے چھوٹے ڈیٹا اور میسج کو بھی اکٹھا کرتے ہیں۔یاد رہے کہ فیس بک نے واٹس ایپ کو 2014 میں 22 ارب ڈالر میں خریدا تھا اور واٹس ایپ نے صارفین کا ڈیٹا فیس بک کو فراہم کرنے کا آغاز گزشتہ برس کیا تھا۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »