Daily Taqat

یوتھ لون سکیم کی چیئرپرسن کا نوٹیفکیشن مریم نواز کے نام سے ہوا، استعفیٰ مریم صفدر نے دیا،ہائی کورٹ میں اپیل

لاہور ہائی کورٹ نے یوتھ لون سکیم کی چیئرپرسن مریم نواز کے استعفیٰ کو جعلی قرار دلوانے کے لئے دائر انٹرا کورٹ اپیل کی سماعت کے لئے 5مارچ کی تاریخ مقرر کردی ہے ۔جسٹس فرخ عرفان خان اورجسٹس چودھری محمداقبال پرمشتمل ڈویژن بنچ سید اقتدار حیدر کی طرف سے دائر اس کیس کی سماعت کرے گا۔انٹرا کورٹ اپیل میں موقف اختیا رکیا گیا ہے کہ وفاقی حکومت نے مریم نواز کو یوتھ لون سکیم کی چیئر پرسن تعینات کیا تھا۔عدالتی حکم پرمریم نواز کی بجائے مریم صفدر کی جانب سے دستخط شدہ استعفیٰ عدالت میں بھجوا دیا گیا اورمریم نواز کے استعفیٰ میں مریم صفدر کے دستخط کئے گئے ہیں ،درخواست گزارکا مذید کہنا ہے کہ مریم صفدر نے جعلی استعفیٰ کی کاپی فراہم کر کے عدالت کو گمراہ کرنے کی کوشش کی۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »