عرب پائپ لائن کمپنی ’پیپکو‘ کے وائٹ آئل پائپ لائن موگس کے پراجیکٹ کا آج افتتا ح کیا جائےگا

وزیر اعظم شاہد خاقان عباسی آج 22 دسمبر کو پاک عرب پائپ لائن کمپنی ’پیپکو‘ کے وائٹ آئل پائپ لائن موگس کے پراجیکٹ کا افتتاح کریں گے، گراونڈ بریکنگ افتتاحی تقریب کا انعقاد پورٹ قاسم اسٹیشن پر کیا گیا ہے۔

پیپکو کا مقصد اس پراجیکٹ کے ذریعے اپنی موجودہ 26 انچ قطر کی 786 کلو میٹر طویل وائٹ آئل پائپ لائن (WOP) کو کئی مصنوعات کے استعمال کے قابل بنانا ہے۔

یہ منصوبہ اسٹریٹیجک نوعیت کا ہے جس میں موگس اسٹوریج ٹینکوں اور نئے HSD  گینٹریوں سے مصنوعات کی فراہمی اور ٹرانس مکس پراسسنگ فیسیلیٹی کے متعلقہ کام جیسے سول، میکینیکل، الیکٹریکل، آلات اور کنٹرول ورکس درکار ہوں گے۔

ڈبلیو او پی موگس پراجیکٹ کی تکمیل کے بعد 2 لاکھ 55 ہزار ٹن فیول جمع کرنے کی گنجائش سسٹم میں شامل ہوگی اور اس منصوبے کے ملک اور انرجی شعبے کے لیے کئی اہم فوائد ہیں۔

کراچی سے محمود کوٹ موگس کے لیے ٹرانسپورٹ کی لاگت کم ہوگی ،جو تقریباً 50 فیصد تک کی کمی ہے جبکہ اس سے کارکردگی میں اضافہ، محفوظ سپلائی، یقینی فراہمی اور لوجسٹکس سسٹم کی بہتری شامل ہے، اس سے پورے ملک کو فائدہ ہوگا اور ملک کے روڈ انفرا اسٹرکچر کی حالت خراب نہیں ہوگی۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.