ملک کا پورا نظام ایلیٹ طبقے کو سپورٹ کرتاہے: جسٹس عمر عطا بندیال

سپریم کورٹ میں پاکستانیوں کے بیرون ملک بینک اکاؤنٹس اوراملاک سے متعلق ازخود نوٹس کی سماعت کے دوران جسٹس عمر عطا بندیال نے ریمارکس دیتے ہوئے کہا کہ ہرلیکس میں آتاہے کہ پاکستانیوں کی کتنی جائیدادیں باہرہیں،ملک کاپورانظام ایلیٹ طبقے کوسپورٹ کرتاہے،حکومت کو اب تک ایکشن لیناچاہئے تھا۔
تفصیلات کے مطابق چیف جسٹس ثاقب نثار کی سربراہی میں 3 رکنی بنچ نے پاکستانیوں کے غیرملکی بینک اکاو¿نٹس اوراملاک سے متعلق ازخود نوٹس کی سماعت کی ، سپریم کورٹ نے گورنراسٹیٹ بینک کے پیش نہ ہونے پراظہاربرہمی کیا۔
چیف جسٹس ثاقب نثار نے ریمارکس دیتے ہوئے کہا کہ عدالت گورنراسٹیٹ بینک پرانحصارکررہی ہے،انہیں موجود ہوناچاہئے، ایڈیشنل اٹارنی جنرل نے کہا کہ عدالتی حکم پربنی کمیٹی نے سفارشات پیش کردی ہیں،فارن کرنسی کی منتقلی سے متعلق قوانین میں ترمیم کی سفارش کی گئی،ایڈیشنل اٹارنی جنرل نے کہا کہ چیک اینڈبیلنس کیلئے قوانین میں ترمیم درکار ہے، دوسرے ممالک کےساتھ معاہدوں کے مسائل بھی ہیں۔
چیف جسٹس ثاقب نثار نے ریمارکس دیتے ہوئے کہا کہ کمیٹی کی تجاویزمتاثرکن نہیں،یہ تو ہم بھی لکھ سکتے ہیں،کمیٹی کومستقل کردیتے ہیں،کمیٹی پیسہ واپس لائے،اس پر سیکرٹری خزانہ نے کہا کہ قانون سازی کیلئے پارلیمنٹ سے منظوری درکارہے، چیف جسٹس پاکستان نے ریمارکس دیئے کہ حکومت آرڈیننس بھی جاری کرسکتی ہے،کیوں نہ روزانہ کی بنیادپرکیس کوسن لیں؟۔
چیف جسٹس ثاقب نثار نے کہا کہ ایف بی آر نے اب تک کیاکیاہے،ان کا کہناتھا کہ ملک کاپیسہ باہر جانے سے تباہی ہوتی ہے،آئندہ سماعت پرگورنراسٹیٹ بینک بھی پیش ہوں،چیف جسٹس پاکستا ن نے استفسار کیا کہ پاکستان کے شہریوں کی بیرون ملک کیاجائیدادیں ہیں؟۔انہوں نے کہا کہ آئندہ روزانہ کی بنیادپرکیس کوچلائیں گے،سپریم کورٹ نے ازخود نوٹس کی سماعت 20 مارچ تک ملتوی کردی۔