شادی کی تقریب میں ہوائی فائرنگ بیٹے کی گولی سے باپ شدید زخمی

لودھراں: شادی کی تقریب میں بیٹے کی ہوائی فائرنگ کی زد میں آکر باپ شدید زخمی ہوگیا۔

پولیس رپورٹ کے مطابق یہ واقعہ لودھراں کی تحصیل کہروڑ پکا کے علاقے موضع گول میں پیش آیا جہاں محمد اکبر نامی دولہے کی بارات میں اس کے کزن محمد اسماعیل نے ہوائی فائرنگ کی جس کی زد میں آکر اس کا اپنا ہی والد شدید زخمی ہوگیا۔

واقعے کے بعد فائرنگ سے زخمی شخص کو اسپتال منتقل کردیا گیا جب کہ پولیس نے دولہے سمیت 8 نامزد اور 2 نامعلوم ملزمان کے خلاف مقدمہ درج کرکے دولہے محمد اکبر سمیت 5 ملزمان کو گرفتارکرلیا۔



اطلاع پر پولیس نے چھاپہ مار کر دولہا کے بھائی سمیت 9 ملزمان کو گرفتار کرلیا جب کہ دولہا فرار ہونے میں کامیاب ہوگیا۔

پولیس کے مطابق گرفتار ملزمان سے مختلف رائفلیں اور پستول برآمد کرکے مقدمہ درج کرلیا گیا ہے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.