Daily Taqat

احسن اقبال نے عوام کا اعتماد بحال کرنے کیلئے سروسز اسپتال کا انتخاب کیا

لاہور کے سروسز اسپتال میں زیر علاج وفاقی وزیر داخلہ احسن اقبال تیزی سے صحت یاب ہو رہے ہیں، اُنہیں ڈسچارج کرنے کا فیصلہ پیرکو گیارہ رکنی میڈیکل بورڈ کرے گا، احسن اقبال کے صاحبزادے احمد اقبال کا کہنا ہے کہ احسن اقبال نے سروسز اسپتال کا انتخاب کیا تاکہ عوام کا سرکاری اسپتالوں پر اعتماد بحال ہو۔

سروسز انسٹی ٹیوٹ آف میڈیکل سائنسز کے پرنسپل ڈاکٹر محمود ایا ز نے میڈیا کو بتایا کہ احسن اقبال کے زخم تیزی سے ٹھیک ہو رہے ہیں، ان کے پیٹ میں انفیکشن کی باتوں میں کوئی صداقت نہیں، اگلے چند روز میں انہیں محدود ملاقاتوں کی اجازت بھی دیدی جائے گی جبکہ ڈسچارج کرنے کافیصلہ پیر کو 11 رکنی میڈیکل بورڈ کریگا ۔

احمد اقبال کا کہنا تھا کہ کل ڈاکٹرز ان کے والد کا معائنہ کریں گے، اب وہ کمرے میں چہل قدمی کر رہے ہیں، کل چیدہ چیدہ لوگوں سے ملاقات کی اجازت ملے گی۔

آئی جی ریلوے پولیس ڈاکٹرمجیب الرحمٰن نے سروسز اسپتال میں احسن اقبال کی مزاج پرسی کی اور ان کی جلد صحت یابی کےلیے دعا کی۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »