Daily Taqat

تمام اکائیاں خوش ہوں تو وفاق مضبوط ہوتا ہے: عمران خان

چیئرمین پاکستان تحریک انصاف عمران خان کا کہنا ہے کہ پاکستان کو ایک قوم بنانا ہے، بیس بیس سال اقتدار میں رہنے والے ابھی بھی کہتے ہیں کہ وہ انقلاب لائیں گے، تمام اکائیاں خوش ہوں تو وفاق مضبوط ہوتا ہے، لوگوں کو گورننس ملے گی جب نیچے تک اختیارات دیے جائیں گے۔

جنوبی پنجاب محاذکےرہنماؤں کے ہمراہ پریس کانفرنس کرتے ہوئے عمران خان نے کہا کہ خیبرپختونخواکےلوگوں کوپانی، بجلی اور گیس پر پوراحصہ نہیں ملتا، جنوبی پنجاب میں احساس محرومی بڑھتی گئی ہے، لاہور میں اتناپیسا خرچ کرکےقریب کےشہروں کوکمزورکیاجارہاہے ، تین صوبے مل بھی جائیں تو پنجاب ان تینوں سے بڑا ہے،مشرقی پاکستان کے عوام میں بھی احساس محرومی تھا۔

ان کا کہنا تھا کہ فیڈریشن کے لیے ضروری ہے کہ اختیارات منتقل کیے جائیں، جنوبی پنجاب صوبے کا قیام تحریک انصاف کا مقصد ہوگا، فاٹاکوخیبرپختونخوامیں ضم کرائیں گے۔

چیئرمین تحریک انصاف کا کہنا تھا کہ اراکین قومی اورصوبائی اسمبلی کا کام ترقیاتی کام کرانا نہیں،اراکین اسمبلی کو ترقیاتی فنڈزملنے سے کرپشن شروع ہوتی ہے، مقامی مسائل کو مقامی حکومت ہی جانتی ہے۔

کراچی کے حوالے سے عمران خان کا کہنا تھا کہ کراچی کا میئر بے اختیار ہے اس لیے کراچی کسی کا نہیں ہے۔

عمران خان کا کہنا تھا کہ خلائی مخلوق کا پتا چلانا ہے تو اصغرخان کیس کھلوادیں جو کھل گیا ہے، غریب میاں نوازشریف کو اس دور میں 35 لاکھ روپے ملے،اصغر خان کیس میں یہ بھی پتا چل جائیگا کہ لاڈلا کون ہے، جس طرح نوازشریف بزنس مین سے سیاست دان بنے ہیں وہ سمجھتے ہیں سب ایسے ہی سیاست دان بنے ہیں۔

انہوں نے کہا کہ فاٹاکےعوام پرمصیبتیں آئی ہیں انھیں پوچھنے والا کوئی نہیں ہے، فاٹا کے عوام کراچی اور لاہور جاتے تھے تو پولیس انھیں پکڑتی تھی، جنوبی پنجاب کے عوام کو پتا ہے کہ انھیں پیسا نہیں مل رہا،ان کاپیسالاہور میں لگ رہاہے۔

عمران خان نے کہا کہ ہمارا کسی جماعت سے اتحاد کا کوئی ارادہ نہیں، مولاناسمیع الحق کےعلاوہ کسی جماعت سےاتحادکاارادہ نہیں، انتخابات وقت پر ہونگے، وقت پر ہونے چاہئیں، 25 جولائی کے لیےمکمل تیار ہیں،پارٹی ٹکٹس میرٹ پر دیے جائیں گے، فائنل فیصلہ میں کروں گا۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »