جعلی بینک اکاؤنٹس کیس میں مطلوب ملزم اسلم مسعود کا راہداری ریمانڈ منظور
جعلی بینک اکاؤنٹس کیس میں گرفتار اسلم مسعود کا 16 فروری تک کے لیے راہداری ریمانڈ منظور ہوگیا۔ ذرائع کے مطابق ایف آئی اے کی جانب سے اومنی گروپ کے چیف فنانشل افسر اسلم مسعود کے راہداری ریمانڈ کی استدعا منظور کر لی گئی ہے، ملزم کو ریمانڈ کے دوران کراچی کی متعلقہ کورٹ میں پیش کرنے کا حکم دیا گیا ہے۔
یاد رہے کہ گذشتہ روز اومنی گروپ کے چیف فنانشل افسر اسلم مسعود کو سعودی عرب سے ڈی پورٹ کیا گیا تھا، جس کے بعد انٹرپول نے اسلم مسعود کو گرفتار کرلیا، گرفتاری کے بعد ملزم کو پاکستان لایا گیا۔
ذرائع کے مطابق اسلم مسعود منی لانڈرنگ کیس کے حوالے سے اہم معلومات رکھتے ہیں، انور مجید کی کمپنی کیم کراؤن کے تمام معاملات اسلم مسعود دیکھتے تھے، منی لانڈرنگ کے لیے کیم کراؤن کا پلیٹ فارم استعمال ہوتا تھا۔