Daily Taqat

بھارت سے جنگ کا آپشن نہیں، صرف مذاکرات کے ذریعے مسائل حل ہوسکتے ہیں، شاہ محمود قریشی

وفاقی وزیر خارجہ شاہ محمود قریشی نے کہا ہے کہ تسلیم کرتے ہیں کہ امریکا ایک اہم عالمی طاقت ہے، پاکستان چاہتا ہے کہ امریکا دوست رہے۔ تفصیلات کے مطابق پاکستانی وزیر خارجہ شاہ محمود قریشی کہا ہے کہ بھارت سے جنگ کا آپشن نہیں، مسائل صرف مذاکرات کے ذریعے حل کیے جاسکتے ہیں۔ بھارت سے امن کی بات کرنے کی دعوت دینا درست تھا۔

شاہ محمود قریشی نے غیر ملکی ذرائع سے گفتگو کرتے ہوئے کہا ہے کہ پڑوسی جو جوہری طاقت ہیں، کیسے معاملات درست کریں گے، متنازع مسائل کا فوجی حل نہیں۔ پاکستانی وزیر خارجہ کا کہنا تھا کہ پاکستان چاہتا ہے کہ امریکا دوست رہے، لیکن امریکا خطے میں نئے دوست تلاش کررہا ہے، یہ یاد رکھنا چاہیے کہ دوست تبدیل بھی ہوجاتے ہیں۔

وزیر خارجہ شاہ محمود قریشی نے کہا کہ امریکا سے سپر پاور کے ناطے خصوصی برتاؤ کی توقع رکھتے ہیں۔ تسلیم کرتے ہیں کہ امریکا ایک اہم عالمی طاقت ہے۔ ان کا کہنا تھا کہ طالبان کو کس نے سپورٹ کیا اور ٹریننگ بھی فراہم کی، جنہیں شدت پسند کہا جاتا تھا کیا انہیں وائٹ ہاؤس نہیں بلایا گیا۔ وزیر خارجہ کا  کہنا تھا کہ گزشتہ چند برسوں میں پاکستان پر بہت قرضہ چڑھ گیا ہے، قرضوں کی ادائیگی میں ہمارے کافی ذرائع استعمال ہوچکے ہیں۔

یاد رہے کہ گذشتہ روز سارک ممالک کے وزرائے خارجہ کی سائیڈ لائن کانفرنس سے خطاب کرتے ہوئے وفاقی وزیرِ خارجہ شاہ محمود قریشی کا کہنا تھا کہ بھارت سارک ممالک کی ترقی میں ایک بڑی رکاوٹ ہے۔ شاہ محمود نے بھارت کے رویے کو نا مناسب قرار دیتے ہوئے کہا تھا کہ بھارت کے 1 ارب 80 کروڑ عوام کو فیصلہ کرنا ہے کہ انھیں خطے میں امن چاہیے یا نہیں۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »