عسکری قیادت سے ملاقات اب اعلانیہ ہوگی خفیہ نہیں رکھا جائیگا، نواز شریف

لندن: نواز شریف نے محمد زبیر کی عسکری قیادت سے خفیہ ملاقاتوں کی تصدیق کرتے ہوئے کہا ہے کہ آئندہ ہماری جماعت کا کوئی رکن عسکری قیادت سے ملاقات نہیں کریگا۔

ٹوئٹر اکاؤنٹ پر جاری بیان میں نواز شریف نے کہا ‏حالیہ واقعات سے ایک بار پھر ثابت ہوتا ہے کہ کس طرح بعض ملاقاتیں 7 پردوں میں چھپی رہتی ہیں اور کس طرح بعض کی تشہیر کرکے انہیں مرضی کے معنی پہنائے جاتے ہیں۔ یہ کھیل اب بند ہوجانا چاہیے۔

نواز شریف نے کہا کہ آج میں اپنی جماعت کو ہدایات جاری کررہا ہوں کہ آئندہ ہماری جماعت کا کوئی رکن، انفرادی، جماعتی یا ذاتی سطح پر عسکری اور متعلقہ ایجنسیوں کے نمائندوں سے ملاقات نہیں کرے گا، قومی دفاع اور آئینی تقاضوں کے لئے ضروری ہوا تو جماعتی قیادت کی منظوری کے ساتھ ایسی ہر ملاقات اعلانیہ ہوگی اور اسے خفیہ نہیں رکھا جائیگا۔

واضح رہے کہ چند روز قبل وزیر ریلوے شیخ رشید کی جانب سے انکشاف کیا گیا تھا کہ ن لیگ کے ایک رہنما نے نواز شریف کے نمائندے کی حیثیت سے عسکری قیادت سے 2 مرتبہ خفیہ ملاقاتیں کی ہیں، مریم نواز کی جانب سے اس کی تردید کے بعد ترجمان پاک فوج نے ان ملاقاتوں کی تصدیق کی تھی۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.