ضمانت پر رہائی کے بعد سے اب تک مریم نوازمنظر عام پر نہیں آئیں, افواہوں کی تردید کردی گئی

لاہور : سابق وزیراعظم نوازشریف کی صاحبزادی مریم نواز جیل سے ضمانت پر رہائی کے بعد سے اب تک منظر عام پر نہیں آئی ہیں۔ سوشل میڈیا پر افواہیں زیر گردش تھیں کہ مریم نواز 12 اکتوبر کو لاہور میں جلسہ کریں گی تاہم اب ایسی خبروں کی تردید کردی گئی ہے۔یاد رہے کہ 12 اکتوبر 1999 کو آمر پرویز مشرف نے اقتدار پر شب خون مارا اور نواز شریف کی جمہوری حکومت کا تختہ الٹا تھا۔ اس دن کو لیگی کارکنوں سمیت تمام جمہوریت پسند یوم سیاہ کے طور پر مناتے ہیں۔جیل سے رہائی کے بعد تاحال مریم نواز کی جانب سے کوئی سیاسی سرگرمی دیکھنے میں نہیں آرہی ، ان کے ٹوئٹر اکاﺅنٹ پر بھی خاموشی چھائی ہوئی ہے لیکن اب سوشل میڈیا پر یہ افواہ تیزی سے پھیل رہی تھی کہ مریم نواز 12 اکتوبر کو لاہور میں جلسہ کریں گے ایک لیگی کارکن زاہد لائلپوری کی جانب سے ٹوئٹر پر مریم نواز کے جلسے کے حوالے سے اشتہار شیئر کیا گیا اور مریم نواز کے جلسے پر اظہار مسرت کیا گیا ۔ زاہد لائلپوری نے اپنے ٹویٹ میں مریم نواز کے انتہائی قریب سمجھی جانے والی لیگی رکن صوبائی اسمبلی ثانیہ عاشق کو بھی ٹیگ کیا گیا ۔ثانیہ عاشق نے جیسے ہی یہ اشتہار دیکھا تو فوری طور پر اس کی تردید کردی اور کہا کہ مریم نواز کے جلسے کی خبروں میں کوئی صداقت نہیں ہے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.