پنجاب کی ترقی میں اہم پیش رفت، لیہ میں تمام ترقیاتی منصوبے مکمل, وزیر اعلیٰ پنجاب

لیہ ، لاہور: پنجاب کی ترقی میں اہم پیش رفت، لیہ میں تما م ترقیاتی منصوبے مکمل ، ان منصوبوں کا افتتاح آج وزیر اعلیٰ شہباز شریف کریں گے۔شعبہ تعلیم ، شعبہ صحت سمیت دیگر شعبہ جات میں نمایاں تبدیلیاں رونماں ہوئی ہیں۔ لیہ کے ترقیاتی منصوبوں کے افتتاح کے لئے وزیر اعلیٰ شہباز شریف لیہ پہنچ گئے ہیں۔ لیہ میں ہونے والے تعمیراتی منصوبوں میں ہسپتال، تعلیمی ادارے، سڑکیں شامل ہیں۔
بہتر مواصلات کے لئے 350 کلو میٹر طویل سڑکوں کی توسیع و مرمت کے ساتھ ساتھ نئی سڑکوں کی تعمیر بھی مکمل لر لی گئی۔ اٹھارہ ہزاری تا فتح پور نئی سڑک تعمیر کی گئی جبکہ گڑھ مہاراجہ تاجھنگ روڈ، اور گڑھ مہاراجہ تا امیر کلاسراہ سڑکوں کی تعمیر و توسیع کی گئی۔

لیہ شہر میں چار بائی پاس سڑکوں کی تعمیر بھی ان ترقیاتی منصوبوں کا حصہ ہے۔ لیہ ڈی ایچ کیو ہسپتال کی ازسر نو تعمیر بھی مکمل ہوگئی،ہسپتال میں سی ٹی سکین مشین کی تنصیب کی گئی جبکہ بچو ں کے لئے علاج و نگہداشت کے لئے خصوصی چلڈرن راوڈ اور آئی سی یو بلاک قائم کیا گیا ہے۔ ہسپتال میں علاج و معالج کی جدید سہولیات موجود ہیں۔ جبکہ جدید کلینکل اور پتھالوجی لیب کی سہولت بھی ہسپتال میں موجود ہے۔ پاکستان صحت کارڈ کے ذریعے لیہ میں بھی مستحق افراد کا بالکل مفت علاج کیا جا ئے گا۔اس سے پہلے یہ سہولت پنجاب کے متعدد علاقوں میں موجود ہےجبکہ شعبہ تعلیم میں متعدد اصلاحات متعارف کرائی گئی ہیں ۔ بہاؤالدین زکریا یونیورسٹی کا سب کیمپس لیہ میں تعمیر کیا گیا ہے ۔ جبکہ خواتین کالج چوبارہ اور ڈیجیٹل بہادر لائبریری کیمپلکس کی تعمیر مکمل ہو چکی ہے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.