اسلام آباد: صدر مملکت ممنون حسین نے کہا ہے کہ دہشت گردی کے خلاف ہمیں قومی بیانیہ مرتب کرنا ہوگا۔

اسلام آباد میں سیرت النبی کانفرنسﷺ سے خطاب کرتے ہوئے صدر ممنون حسین نے کہا کہ شدت پسندی ناسور اور قومی ترقی کے لیے زہرقاتل ہے، آج دنیا پیچیدہ مسائل کا شکار ہے اور ان پیچیدہ مسائل کےحل کے لیے سیرت نبویﷺ سے رہنمائی بہترین راستہ ہے۔

انہوں نے کہا کہ ہماراخطہ بھی اس بےچینی سے محفوظ نہیں جس کے اثرات نظر آتے ہیں۔

صدر مملکت نے پشاور حملے کا ذکر کرتے ہوئے کہا کہ عید میلادالنبیﷺ کے موقع پر بدبختوں نے پشاور میں حملہ کیا، حملہ کرنے والوں کا کسی مذہب سے تعلق نہیں۔

صدر ممنون حسین کا کہنا تھا کہ دہشت گردی کے خاتمے کےلیے  قومی اتحاد وقت کی ضرورت ہے اور قوم دہشت گردی کے خاتمے کے لیے پرعزم ہے، ہمیں دہشت گرد کے خلاف قومی بیانیہ مرتب کرنا ہوگا۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.