Daily Taqat

اگر حکومت میں آئے تو عمران خان سے اتحاد کر سکتے ہیں، آصف علی زرداری

سابق صدر آصف علی زرداری ںے ضرورت پڑنے پر عمران خان کے ساتھ اتحاد کا عندیہ دے دیا۔ سابق صدر آصف علی زرداری لاہور میں ثمینہ خالد گھرکی کی والدہ کے انتقال پر اظہارِ تعزیت کے لئے ان کی رہائشگاہ پہنچے۔ ان کا کہنا تھا کہ نواز شریف نے ہمیشہ جمہوریت کو نقصان پہنچایا اور ہم نے قربانیاں دیں۔ جمہوریت کے لیے ذوالفقار علی بھٹو اور بے نظیر بھٹو نے اپنی جانیں قربان کیں۔ میں نے گیارہ سال تک جیل کاٹی۔ شریف برادران نے چھانگا مانگا کی سیاست کی اور مغل شہزادوں کی طرح جمہوریت کا خاتمہ کیا۔ ایک سوال کے جواب میں ان کا کہنا تھا کہ خلائی مخلوق کی تعریف میاں نواز شریف سے پوچھنی چاہیے، وہ پہلے بھی خلائی مخلوق کے ساتھ چلتے رہے ہیں۔ ہم نے تو وزیرِاعظم بن کر دیکھ لیا، یہ بھی اپنا شوق پورا کر لیں۔ انہوں نے کہا کہ ہم اپوزیشن اور حکو مت دونوں میں بیٹھنے کو تیار ہیں۔ ہم کمزور جمہوریت لے کر چل رہے ہیں، ایسے وقت میں کچھ بھی ہو سکتا ہے۔ پیپلز پارٹی کے شریک چیئرمین کا کہنا تھا کہ ضرورت ایجاد کی ماں ہے، ضرورت پڑی تو عمران خان سے اتحاد کر لیں گے۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »