Daily Taqat

عمران خان کی رہائش گاہ کے باہرپی ٹی آئی کارکنان کی لڑائی

اسلام آباد میں عمران خان کی رہائش گاہ کے باہرموجود ٹکٹوں کی تقسیم پراحتجاج کرنے والے پی ٹی آئی کارکن آپس میں لڑ پڑے۔

عمران خان کی تسلی سے بھی کارکن مطمئن نہ ہوئے،ٹکٹوں کی تقسیم پر ان کااحتجاج اور دھرنا جاری ہے۔صبح ہوتے ہی ناشتے کے لیے دیگیں چڑھائی گئیں اور ناراض کارکنوں نے ناشتہ کیا۔

ذرائع کے مطابق ملتان سے آئےکارکنان کی جانب سےڈنڈوں،لاتوں اورمکوں کااستعمال کیا گیا تاہم مظاہرے میں آئے دیگر ساتھیوں نے بیچ بچاؤ کرایا۔

کچھ مشتعل کارکنوں نے عمران خان کے دفتر کے اندر گھسنے کی بھی کوشش کی جس پر سیکیورٹی گارڈز نے انہیں دھکے دے کر اندر جانے سے روکا۔

عمران خان کا کہنا ہے کہ ٹکٹوں کی تقسیم سے متعلق شکایات پر وہ جلد فیصلہ کریں گے۔ تحریک انصاف کی جانب سے قومی اور صوبائی اسمبلیوں کے بقیہ امیدواروں کا اعلان متوقع ہے۔

ذرائع کا کہنا ہے کہ کارکنوں کے مسلسل احتجاج کے باعث بنی گالہ میں پولیس کی نفری بڑھا دی گئی اور عمران خان کی رہائشگاہ پر نجی سیکیورٹی گارڈز بھی منگوا لیے گئے ہیں،پولیس نے بنی گالا جانے والے راستے بند کر دیئے،


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »