Daily Taqat

انتخابات میں مبینہ دھاندلی پر فضل الرحمان نے الیکشن کمشنر سے استعفےٰ کا مطالبہ کردیا

جمعیت علمائے اسلام (ف) کے سربراہ مولانا فضل الرحمان نے موجودہ حکومت کو جعلی قرار دے دیا اور انتخابات میں مبینہ دھاندلی پر چیف الیکشن کمشنر سے بھی مستعفی ہونے کا مطالبہ کردیا۔ مولانا فضل الرحمان نے کہا کہ تمام جماعتوں نے انتخابی نتائج پر تحفظات کا اظہار کیا اور اس انتخابات کے نتائج کو قبول نہیں کیا۔ لہٰذا اب بھی وقت ہے الیکشن کمیشن اپنی ناکامی تسلیم کرے اور چیف الیکشن کمشنر استعفیٰ دیں۔ انہوں نے کہاکہ ایم ایم اے عوام کو بیدار کرنے کے لیے مہم چلائے گی، اس وقت کی اکثریت کی حکومت جعلی ہے۔ اس وقت کے وزیراعظم اور وزیراعلیٰ جعلی ہیں، حکومت نے آتے ہی عوام پر مہنگائی کے پہاڑ توڑ دیئے۔

مولانا فضل الرحمان کا کہنا تھا کہ موجودہ حکومت سفارتی آداب سے عاری ہے، حکومت نااہلوں کے حوالے کردی گئی ہے۔ اب ملک کو بچانا ہے، قومی آزادی کے لیے سب کچھ قربان کرنے کو تیار ہیں۔ جے یو آئی کے سربراہ نے مزید کہا کہ موجودہ حکمران ملک کے دفاع کی اہلیت نہیں رکھتے، فوج ملک کے بھرپور دفاع کی صلاحیت رکھتی ہے، پاک فوج کو خراج تحسین پیش کرتے ہیں، قوم ان کے شانہ بشانہ ہے۔

ایک سوال کے جواب میں مولانا فضل الرحمان کا کہنا تھا کہ اپوزیشن میں فیصلہ ہوا کہ پی ٹی آئی کا مقابلہ کیا جائے گا۔ لیکن پیپلز پارٹی نے عین وقت پر شہباز شریف کو ووٹ دینے سے انکار کردیا، پیپلز پارٹی کے ووٹ نہ دینے کی منطق سمجھ نہیں آئی۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »