ایون فیلڈ ریفرنس، جے آئی ٹی رپورٹ ریکارڈ نہ کرنے کی مریم نواز کی استدعا جزوی منظور

احتساب عدالت نے ایون فیلڈ ریفرنس میںجے آئی ٹی رپورٹ ریکارڈ نہ کرنے کی مریم نوازکی استدعا جزوی طور پر منظورکر لی۔
عدالت نے اپنے ریمارکس میں کہا ہے کہ جے آئی ٹی کا تجزیہ عدالتی ریکارڈ کا حصہ نہیں بنے گا اور ریکارڈ گواہوں کے بیانات عدالت میں قلمبند نہیں ہوں گے،عدالت کا کہنا تھا کہ نواز شریف کا واجد ضیاکے بیان پراعتراض بھی نوٹ کیا جائے گا۔
واضح رہے کہ مریم نواز نے جے آئی ٹی کی مکمل رپورٹ کو عدالتی ریکارڈ کا حصہ بنانے کو چیلنج کیا تھا، مریم نوازکے وکیل نے موقف اختیار کیا تھا کہ جے آئی ٹی کے 6 والیم غیر متعلقہ ہیں،والیم 3،4،5 میں سے کچھ شواہد عدالتی ریکارڈ کا حصہ بن سکتے ہیں،ان کا کہنا تھا کہ جے آئی ٹی کاتجزیہ اورگواہوں کے بیانات ریکارڈ کا حصہ نہیں بن سکتے۔
اس پر نیب پراسیکیوٹر نے کہا کہ جے آئی ٹی رپورٹ ہماری پبلک دستاویزات ہیں،جے آئی ٹی رپورٹ ہمارااہم ترین ثبوت ہے،عدالت سے استدعا ہے کہ رپورٹ عدالتی ریکارڈ کا حصہ بنایا جائے۔
عدالت نے محفوظ فیصلہ سناتے ہوئے ایون فیلڈ ریفرنس میںجے آئی ٹی رپورٹ ریکارڈنہ کرنے کی مریم نوازکی استدعا جزوی طور پر منظورکر لی۔
عدالت نے اپنے ریمارکس میں کہا ہے کہ جے آئی ٹی کا تجزیہ عدالتی ریکارڈ کا حصہ نہیں بنے گا اور ریکارڈ گواہوں کے بیانات عدالت میں قلمبند نہیں ہوں گے،عدالت کا کہنا تھا کہ نواز شریف کا واجد ضیا کے بیان پراعتراض بھی نوٹ کیاجائے گا۔
دوران سماعت کمرہ عدالت کو اندر سے بند کر دیا گیا،واجد ضیا کے بیان پڑھ کر ریکارڈ کرانے پر وکلا نے اعتراض کرتے ہوئے کہا کہ واجد ضیا پیپر بک کھول کرپڑھ رہے ہیں،یادداشت سے بیان لکھوائیں،اس پر نیب پراسیکیوٹر سردار مظفر عباسی نے کہا کہ میموری ریفریش کرنے کیلئے پیپربک دیکھنا ضروری ہے،عائشہ حامد نے کہا کہ یہ بات ریکارڈپرلے آئیں کہ گواہ نے پیپربک پڑھ کربیان قلمبند کرایا۔
دوران سماعت واجد ضیا کا بیان ریکارڈکرانے میں ترتیب درست نہ ہونے پرمشکلات پر عدالت نے جے آئی ٹی سربراہ کو ہدایت کی کہ پہلے اکٹھے کئے گئے شواہد بیان میں ریکارڈ کرائیں،عدالت نے کہا نیب واجد ضیا کو شواہد کی ترتیب کیلئے تیاری کرائے۔احتساب عدالت نے سماعت میں 30 منٹ کاوقفہ کردیا۔