Daily Taqat

اسلامی نظریاتی کونسل کااجلاس کل بدھ کوطلب، 3 طلاقوں کامعاملہ زیربحث لایاجائےگا

اسلام آباد : اسلامی نظریاتی کونسل کا اجلاس کل بروز بدھ 26ستمبر کو طلب کرلیا گیا، جس میں بیک وقت 3طلاقوں پر سزا تجویز کیے جانے اور لڑکیوں کی کم عمری میں شادی کے معاملہ پر غور کیا جائیگا۔تفصیلات کے مطابق اسلامی نظریاتی کونسل کا اجلاس کل بروز بدھ 26ستمبر کو طلب کرلیا گیاہے ،جس میں بیک وقت تین طلاقوں پر سزا تجویز ہونے کا امکان ہے۔ اس ضمن میں چیئرمین اسلامی نظریاتی کونسل کا کہنا تھا کہ طلاق یافتہ خواتین مسائل کا شکار اور بے گھر ہو جاتی ہیں، سزا پرعلمائے کرام کو اعتماد میں لیں گے۔انہوں نے کہاکہ بیک وقت 3طلاقوں پر 6 ماہ قید، ایک لاکھ جرمانہ یا دونوں سزائیں بیک وقت دینے کی سفارش کی ہے۔ علما کے پاس بیک وقت تین طلاقوں کے بہت کیسز آتے ہیں، طلاق دینے والے کہتے ہیں کہ غصے میں 3طلاقیں اکٹھی دیں، ہم 3 طلاقیں بیک وقت دینے کو جرم قرار دینے کی سفارش کر چکے ہیں، سفارش کے جواب میں کہا گیا کہ سزا کا تعین بھی آپ کریں۔چیئرمین اسلامی نظریاتی کونسل قبلہ ایاز نے کہا کہ کم عمری میں لڑکیوں کی شادی کا معاملہ بھی اجلاس کے ایجنڈے میں شامل ہے۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »