Daily Taqat

متحدہ قومی موومنٹ پاکستان کے سربراہ فاروق ستار اور ڈپٹی کنوینر عامرخان کے درمیان اجلاس کے باوجود بھی اختلافات

متحدہ قومی موومنٹ پاکستان کے سربراہ فاروق ستار اور ڈپٹی کنوینر عامرخان کے درمیان طویل اجلاس کے باوجود بھی اختلافات برقرار ہیں تاہم دونوں رہنماؤں نے ایک دوسرے کے خلاف بیان بازی سے گریز کرنے پر اتفاق کیا ہے۔

فاروق ستار نے اراکین رابطہ کمیٹی کو ہدایت کی کہ پارٹی میں تنظیم سازی کا عمل 31 دسمبر سے پہلے تک مکمل کرلیا جائے۔

اس سے قبل متحدہ قومی موومنٹ پاکستان کے سربراہ فاروق ستار کی زیر صدارت رابطہ کمیٹی کا اجلاس ہوا، اجلاس میں تنظیمی نظم و ضبط اور انتخابی مہم کے حوالے سے اہم فیصلے کیے گئے۔

فاروق ستار نے رابطہ کمیٹی کو ہدایت کی کہ 2018 کے اہم انتخابات کے لئے منشور تیار کیا جائے، جبکہ اراکین قومی و صوبائی اسمبلی اپنے حلقوں کا دورہ بھی کرتے رہیں۔

رابطہ کمیٹی کے اجلاس میں فاروق ستار اور عامر خان کے درمیان اختلافات کے خاتمے پر پیش رفت بھی ہوئی، تاہم معاملات مکمل طور پر طے نا ہو سکےاور دونوں رہنماؤں کا ایک دوسرے کے خلاف بیان بازی نا کرنے پر اتفاق کیا ہے۔

دونوں نے اتفاق کیا ہے کہ اختلافی امور مل بیٹھ کر طے کیے جائیں گے۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »