نیب ہیڈکوارٹر کے بعد تمام ریجنل بیوروز میں بھی بدعنوانی کی شکایات سننے کیلئے کھلی کچہریوں کا فیصلہ

گزشتہ دو ماہ میں دو کھلی کچہریوں میںہرماہ کی آخری جمعرات کو نیب ہیڈ کوارٹرز میں جسٹس جاوید اقبال نے عوام کی بدعنوانی سے متعلق شکایات خود  مقررہ وقت سے تقریباً 5 گھنٹے وقت زیادہ وقت میں انتہائی اطمینان ، تحمل اور انتہائی توجہ کے ساتھ سنی جس کو عوام نے اپنے خطوط اور ذاتی طور پر ای میلز میں بے حد سراہا۔ قومی احتساب بیورو کے چیئرمین  جسٹس جاوید اقبال نے ہر ماہ کی آخری جمعرات کو عوام کی بدعنوانی سے متعلق شکایات نیب ہیڈ کوارٹرز میں خود سننے کا فیصلہ کیا تھا۔
چیئرمین نیب جناب جسٹس جاوید اقبا ل نے یہ فیصلہ کیا ہے کہ اب نیب ہیڈ کوارٹرز کے علاوہ نیب کے تمام ریجنل بیوروز میں متعلقہ ڈی جی عوام کی بدعنوانی سے متعلق شکایات 2 بجے سے سہ پہر 3 بجے تک ہر ماہ کی آخری جمعرات کو سنیں گے اور جو درخواستیں ان کے دائرہ کار میں آتی ہوں گی ان کو وہ خود قانون کے مطابق منطقی انجام تک پہنچائیں گے جبکہ دیگر درخواستیں ،شکایات ، نیب ہیڈ کوارٹرز کو قانون کے مطابق کارروائی کے لیے بھجوائیں گے ۔
چیئرمین نیب نے ہدایت کی کہ ہر درخواست دہندہ کو اس کی درخواست کے بارے میں تحریری طور پر آگاہ  کیا جائے اور جب وہ اپنی شکایات لے کر نیب کے دفاتر میں آئیں تو ان کی عزت نفس اور وقت کا خیال رکھا جائے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.