Latest news

ایف اے ٹی ایف کا اجلاس، چین ،ملائیشیاء اور ترکی کا پاکستان کے اقدامات پر اطمینان کا اظہار

پیرس : فرانس میں فنانشل ایکشن ٹاسک فورس کا اجلاس جاری ہے جس میں چین ،ملائیشیاءاور ترکی نے پاکستان کے اقدامات پر اظہار اطمینان کیاہے۔ذرائع  کے مطابق پاکستان نے 8ماہ کے دوران ایف اے ٹی ایف کے اہداف پر توجہ سے کام کیا ہے جس کے نتیجے میں پاکستان کا نام بلیک لسٹ میں جانے کے خدشات نہ ہونے کے برابر رہ گئے ہیں۔ ذرائع  کے مطابق چین ، ترکی اور ملائیشیاءنے پاکستان کے اقدامات پر اطمینان کا اظہار کرتے ہوئے حمایت کی، پاکستانی وفد نے انسداد منی لانڈرنگ کےاقدامات سے آگاہ کیا، دہشتگردوں کی مالی امداد کے خاتمے سے متعلق اقدامات پر بھی آگاہی فراہم کی۔ وفد نے بتایاکہ پاکستان نے 27 میں سے 20 نکات پر مثبت پیش رفت کی ہے ۔ پاکستانی وفدد کی قیادت وفاقی وزیر حماد اظہر کر رہے ہیں ، اجلاس سے متعلق حتمی رپورٹ 18 اکتوبر کو جاری کی جائے گی ۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.