Daily Taqat

مسلم لیگ (ن) کےدفترکے قریب دستی بم حملہ

خاران:مسلم لیگ (ن) کےدفترکے قریب دھماکہ ہوا ہے۔ جس کے نتیجے میں   مسلم لیگ ن کے  انتخابی دفتر کو نقصان پہنچا ہے، تاہم خوش قسمتی سے کسی قسم کا جانی نقصان نہیں ہوا۔واقعے کے فوری بعد پولیس جائے وقوعہ پر پہنچ گئی۔ تفصیلات کے مطابق بلوچستان  کے شہر خاران میں ن لیگ کے انتخابی دفتر پر حملہ ہوا ہے۔ خاران میں نامعلوم افراد نے ن لیگ کے انتخابی دفتر پر دستی بم سے حملہ کیا۔ذرائع کے مطابق   اس سے قبل 2 روز قبل وزیرستان میں تحریک انصاف کے انتخابی دفتر پر بھی دستی بم سے حملہ کیا گیا تھا۔ اس حملے میں تحریک انصاف کے کئی کارکن زخمی ہو گئے تھے۔ جبکہ یہ بات بھی واضح رہے کہ کچھ روز قبل نیکٹا کی جانب سے جاری کردہ الرٹ میں بتایا گیا تھا کہ دہشت گرد سیاسی جماعتوں کی قیادت کو انتخابی مہم کے دوران نشانہ بنا سکتے ہیں۔ اب 3 روز کے دوران ملک کی 2 بڑی سیاسی جماعتوں کے انتخابی دفاتر پر ہونے والے دستی بم حملوں نے خوف کی فضا پیدا کر دی ہے۔ تاہم سیکورٹی ادارے سیاسی جماعتوں کو ہر ممکن سیکورٹی فراہم کرنے کی بھرپور کوشش بھی کر رہی ہیں۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »