Daily Taqat

بے نظیربھٹو کو ہم سے بچھڑے آج 10 سال بیت گئے

سابقہ وزیراعظم شہید بے نظیر بھٹو کی دسویں برسی کے سلسلے میں گڑھی خدا بخش میں مرکزی تقریب کی تیاریاں مکمل کرلی گئی ہیں۔ کارکنان اور رہنماؤں کی آمد کا سلسلہ بھی جاری ہے۔چیئرمین پیپلز پارٹی بلاول بھٹو زرداری اور آصف علی زرداری جلسے سے خطاب کریں گے۔

گڑھی خدا بخش میں محترمہ شہید بے نظیر بھٹو کی دسویں برسی کی تقریب میں شرکت کیلئے مختلف شہروں سے کارکنان پہنچنا شروع ہوگئے ہیں۔

آج بی بی کی برسی کے سلسلے میں مرکزی تقریب کا باضابطہ محفل مشاعرہ سے ہوگا۔ شام یہ مشاعرہ تعزیتی جلسے میں تبدیل ہوجائے گا۔

برسی کے موقع پر سیکیورٹی کے سخت انتظامات ہیں، 7ہزار سے زائد پولیس اور رینجرز اہلکار فرائض انجام دیں گے۔

ٹریفک کو رواں رکھنے کیلئے بھی عملہ تعینات ہوگا، گڑھی خدا بخش میں 60 سے زیادہ سی سی ٹی وی کیمرے لگائے گئے ہیں۔

برسی کی تقریب شرکت کیلیے آنے والے تمام افراد کو واک تھرو گیٹ پر جامع تلاشی کے بعد مرکزی پنڈال تک جانے کی اجازت دی جائے گی۔

یاد رہے کہ بے نظیر بھٹو 27 دسمبر 2007ء کو راولپنڈی کے لیاقت باغ میں بم دھماکے میں جاں بحق ہوگئی تھیں۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »