Daily Taqat

غیرمعیاری اوردونمبرمشروبات کیخلاف سپریم کورٹ لاہورمیں درخواست دائر

غیر معیاری جوس اور مشروبات کی تیاری اور فروخت کے خلاف سپریم کورٹ لاہور رجسٹری میں درخواست دائر کردی گئی، چیف جسٹس پاکستان ثاقب نثار کی سربراہی میں بنچ درخواست پر ابتدائی سماعت کرے گا۔

غیر معیاری جوس اور مشروبات کے خلاف درخواست مقامی وکیل اخلاق حیدر چٹھہ نے دائر کی ہے۔ درخواست میں موقف اختیار کیا گیا ہے کہ شہریوں کو معیاری اشیا کی فراہمی ریاست کی ذمہ داری ہے۔

درخواست میں کہا گیا ہے کہ صحت کے معاملے پر کوئی سمجھوتہ نہیں کیا جاسکتا، حکومت نے تعلیمی اداروں میں بوتلوں کی فروخت پر پابندی لگا دی ہے لیکن غیر معیاری جوس بیچے جا رہے ہیں جو بوتلوں سے زیادہ مضر صحت ہیں۔

درخواست گزار نے استدعا کی کہ غیر معیاری جوس اور مشروبات پر فوری پابندی لگائی جائے۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »