Latest news

کشمیریوں سے اظہار یکجہتی کا دن، وزیراعظم عمران خان کا بڑا فیصلہ

کشمیریوں سے اظہار یکجہتی کا دن، وزیراعظم عمران خان کا بڑا فیصلہ

اسلام آباد: وزیراعظم عمران خان نے  5 فروری کو آزاد کشمیر میں بڑے عوامی جلسے کا فیصلہ کرلیا ہے ، عمران خان  میرپور میں عوامی جلسے سےخطاب کریں گے ، چیف آرگنائزر پی ٹی آئی سیف اللہ نیازی کوتیاریوں کی ذمےداری دےدی گئی ہے۔

تفصیلات کے مطابق وزیراعظم  عمران خان نے کشمیریوں سے اظہار یکجہتی کے دن 5 فروری کو آزاد کشمیر میں بڑے عوامی جلسے کا فیصلہ کرلیا ، فیصلہ گزشتہ روزصدر آزاد کشمیر سردارمسعودخان اورپی ٹی آئی رہنماسلطان محمود سے ملاقات میں کیا گیا۔

وزیراعظم میرپور میں عوامی جلسے سےخطاب کریں گے، اس سلسلے میں چیف آرگنائزر پی ٹی آئی سیف اللہ نیازی کوتیاریوں کی ذمےداری دےدی گئی ، جس کے بعد سیف اللہ نیازی نے  پارٹی ذمہ داروں سے رابطے شروع کر دیئے ہیں  اور جلسے کے انتظامات اور مقام کے تعین کے لیےمشاورت جاری ہے۔

یاد رہے وزیراعظم عمران خان نے  کورکمیٹی کے اجلاس میں  5فروری کوکشمیرڈےبھرپوراندازمیں منانے کی ہدایت کرتے ہوئے کشمیریوں سے اظہار یکجہتی کے لئے ملک بھرمیں تقریبات کا فیصلہ کیا   اور کہا تھا کہ کشمیری بہن بھائیوں کی آوازدنیابھرمیں اٹھائیں گے، آرایس ایس نظریےکوعالمی سطح پربےنقاب کرناہوگا۔

اس سے قبل وزیراعظم عمران خان کی زیرصدارت مقبوضہ کشمیر سے متعلق اہم اجلاس ہوا تھا ، اجلاس میں مقبوضہ کشمیرسےمتعلق بھارتی اقدامات کی مذمت کرتے ہوئے کہا گیا مودی سرکارکی ہندووتوااورمسلم کش پالیسیاں خطےکی سلامتی کیلئےخطرہ ہیں ، خطےکی سلامتی اورسیکیورٹی پرکسی قسم کاسمجھوتہ نہیں کیاجائے گا۔

واضح رہے کہ جرمن میڈیا کو انٹرویو میں وزیراعظم عمران خان کا کہنا تھا کہ ایٹمی ہتھیاروں کے حامل ملک بھارت کو انتہا پسند چلا رہے ہیں، بھارت پر ایک خاص انتہا پسندانہ نظریاتی سوچ ہندووتوا غالب آچکی ہے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.