Latest news

وزیراعظم نے بجلی چوروں کیلئے خطرےکی گھنٹی بجا دی

آنے والے دنوں میں عوامی ریلیف کیلئے اہم فیصلے کروں گا

اسلام آباد : وزیراعظم عمران خان نے بجلی چوروں کیلئےخطرےکی گھنٹی بجا دی اور کہا بڑے بجلی چوروں کو کسی صورت نہ چھوڑا جائے ، آنے والے دنوں میں عوامی ریلیف کیلئے اہم فیصلے کروں گا۔

تفصیلات کے مطابق وزیراعظم عمران خان کی زیر صدارت اعلیٰ سطح اجلاس ہوا ، جس میں توانائی شعبے میں عوامی ریلیف کے لئے حکومتی اقدامات کا جائزہ لیا گیا اور بجلی کی قیمتیں کم،چوری کی روک تھام سے متعلق رپورٹ پیش کی گئی۔

بریفنگ میں بتایا گیا کہ سابقہ دورحکومت میں بجلی چوری کرنیوالوں سےرعایت برتی گئی، چند ہزار روپے بل دینے والےبجلی چوروں سے کروڑوں روپے ریکور کر لئے گئے ،ب کریک ڈاؤن جاری ہے،ہزاروں افرادکیخلاف مقدمات درج ہیں۔

وزیراعظم نے کریک ڈاؤن تیز سمیت بلاتعطل کارروائیاں جاری رکھنے کا حکم دیتے ہوئے کہا بجلی چوری کاخمیازہ غریب عوام کسی صورت برداشت نہیں کرے گی اور ہدایت کی بڑے بجلی چوروں کو کسی صورت نہ چھوڑا جائے، سیاسی مفاد کو بالائے طاق رکھ کر غریب کا تحفظ کریں اور فوکس سیاسی نہیں عوامی مفاد پررکھیں۔

عمران خان کا کہنا تھا کہ سیاسی طور پرنقصان برداشت کرسکتےہیں غریب کےتحفظ پرسمجھوتہ نہیں، آنے والے دنوں میں عوامی ریلیف کیلئے اہم فیصلے کروں گا۔

وزیراعظم نے بجلی چوروں کے خلاف فیصلہ کن کارروائی کا عندیہ دیتے ہوئے کہا بڑے بجلی چوروں پر ہاتھ ڈالیں گے تو بجلی سستی کرنے کاموقع ملےگا، یقینی بنایا جائے بجلی چوری کی قیمت غریب عوام کونہ دینی پڑے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.