Latest news

ملک دشمنوں نے پی آئی سی واقعے کو سانحہ ماڈل ٹاؤن بنانے کی کوشش کی: فیاض چوہان

 وزیر اطلاعات پنجاب فیاض الحسن چوہان نے گزشتہ روز  پاکستان انسٹیٹوٹ آف کارڈیالوجی (پی آئی سی) میں ہونے والے واقعے کو  سانحہ ماڈل ٹاؤن بنانے کی کوشش قرار دیدیا۔

 فیاض الحسن چوہان نے اپنے ایک بیان میں کہا کہ ملک دشمن طاقتوں نے واقعے کو سانحہ ماڈل ٹاؤن جیسی صورتحال بنانے کی کوشش کی ہے۔

انہوں  نے کہا کہ سوشل میڈیا نے ان عناصر کو بے نقاب کیا جن کا تعلق بیگم صفدر اعوان اور حمزہ شہباز سے ہے لیکن بزدار حکومت نے صورتحال کو مزید خراب ہونے سے بچا لیا۔

ذرائع کے مطابق آج وزیر اعظم عمران خان نے فیاض الحسن چوہان کو ٹیلی فون بھی کیا اور پی آئی سی میں ہونے والی ہنگامہ آرائی کو رکوانے کے لیے ان کے کردار کو خوب سراہا۔

خیال رہے کہ گزشتہ روز فیاض الحسن چوہان پنجاب انسٹیٹیوٹ آف کارڈیالوجی میں وکلاء کی جانب سے ہنگامہ آرائی اور توڑ پھوڑ کے واقعے کے بعد جائے وقوع پر پہنچے تو مشتعل وکلاء کی جانب سے انہیں تشدد کا نشانہ بنایا گیا تھا۔

اس واقعے پر ردعمل دیتے ہوئے فیاض الحسن چوہان نے کہا کہ اسپتال جا کر پولیس کی شیلنگ اور پتھراؤ رکوایا، 10 وکیلوں کو میں نے عوام کے تشدد سے بچا کر گرفتار کرایا۔

Image result for fiaz ul hassan chohan fight lawyers

انہوں نے الزام عائد کیا کہ وکلاء کی جانب سے مجھے اغوا کرنے کی کوشش کی گئی اور جب میں جان بچا کر گیا تو میرے پیچھے فائرنگ بھی کی گئی۔

صوبائی وزیر اطلاعات کا کہنا تھا صورتحال کی ذمہ داری وکلا اور ان کے ذمہ داروں پر ہوتی ہے، وکیلوں کے لیڈروں کو پکڑیں گے اور ان کے خلاف ایف آئی آر ہو گی۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.