مسجد وزیرخان میں گانے کی عکس بندی، منیجر اوقاف معطل

لاہور: سیکریٹری اوقاف پنجاب نے مسجد وزیر خان میں گانے کے سین کی عکس بندی کے معاملے پر منیجرسرکل4اشتیاق احمد کو معطل کرتے ہوئے آج حکام کے سامنے پیش ہوکر وضاحت کرنے کی ہدایت کی ہے۔

نوٹیفکیشن کے مطابق جمیل اخترکو سرکل 4کا اضافی چارج دیدیا گیا۔ ادھر صوبائی وزیر اوقاف ومذہبی امور سید سعیدالحسن شاہ نے کہا ہے کہ مساجد اور مقدس مذہبی مقامات کا تقدس ہر قیمت پر برقرار رکھا جائے گا۔

انھوں نے سیکریٹری اوقاف ڈاکٹر ارشاد احمد کو ہدایت کی کہ سخت ایکشن لیتے ہوئے 7 روز کے اندر انکوائری رپورٹ بھیجیں، ذمے دار اہلکاروں یا پروڈکشن فرم کی طرف سے خلاف ورزی پر قواعدو ضوابط کے تحت انضباطی کارروائی کی جائے۔ سیکریٹری اوقاف نے ڈائریکٹر فنانس عبدالوحید کو انکوائری آفیسر مقرر کر دیا ہے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.