Latest news

مریم نواز کو بیرون ملک جانے کی اجازت ملی تو سپریم کورٹ سے رجوع کریں گے، وزیر قانون

مریم نواز کو بیرون ملک جانے کی اجازت ملی تو سپریم کورٹ سے رجوع کریں گے، وزیر قانون

لندن: وفاقی وزیر قانون فروغ نسیم نے کہا ہے کہ مسلم لیگ ن کی نائب صدر مریم نواز کو ہائی کورٹ سے بیرون ملک جانے کی اجازت ملی تو سپریم کورٹ سے رجوع کریں گے۔

لندن میں میڈیا سے گفتگو کرتے ہوئے ان کا کہنا تھا کہ حکومت کے جانے کی افواہوں میں کوئی صداقت نہیں ہے۔

ایک سوال کے جواب میں انہوں نے کہا کہ موجودہ حکومت  شوگر اور آٹا مافیا کے خلاف بھرپور کارروائی عمل میں لائے گی۔

Image result for maryam nawaz in london

یاد رہے اس سے قبل وفاقی وزیر سائنس اینڈ ٹیکنالوجی فواد چودہدری نے بھی مریم نواز کو باہر بھجوانے کی مخالفت کی تھی۔

انہوں کہا تھا کہ موجودہ ماحول میں مریم نواز کو باہر جانے کی اجازت دینا احتساب کے بیانیے کو ناقابل تلافی نقصان پہنچائے گا۔

وفاقی وزیر فواد چوہدری نے کہا کہاگر مریم نواز پلی بارگین کے بغیر باہر جاتی ہیں تو پاکستان میں جیلوں کے دروازے کھول دینے چاہئیں۔

خیال رہے کہ نواز شریف کے ذاتی معالج ڈاکر عدنان کی جانب سے سابق وزیراعظم کی صحتیابی کو مریم نواز کی لندن میں موجودگی سے مشروط قرار دیا تھا۔

نواز شریف کے ذاتی معالج نے کہا تھا کہ سابق وزیر اعظم کی خواہش تھی کہ معائنے کے وقت مریم نواز اسپتال میں ساتھ ہوں لیکن مریم نواز کو بیرون ملک سفر کرنے کی اجازت نہیں دی گئی۔ ان کے موجود نہ ہونے کی وجہ سے نواز شریف کے معائنے کو اگلی تاریخ تک ملتوی کر دیا گیا ہے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.