Daily Taqat

خاشوگی کے قتل کے واقعےسے اعلیٰ سعودی حکام آگاہ تھے، ترکی

ترکی حکام نے دعویٰ کیا ہے کہ سعودی قونصل خانےمیں صحافی جمال خاشقجی کےقتل کےثبوب مٹانےکی کوشش کی گئی ۔غیر ملکی ذرائع  نے ترکی کے ایک اعلیٰ سرکاری اہلکار کا حوالہ دیتے ہوئے کہا ہے کہ سعودی عرب نے جمال خاشقجی کی ہلاکت کے بعد کیمسٹ احمد عبد العزیزاورٹوکزیکالوجسٹ خالد یحییٰ ال زہرانی پرمشتمل ٹیم یعنی زہریلی اشیاء اور کیمیائی اشیا کے دو ماہرین کو استنبول میں اپنے قونصلیٹ میں بھیجا تھا تاکہ وہ وہاں موجود ثبوت مٹا دیں۔رپورٹ کے مطابق ترک اہلکار کا کہنا ہےکہ اس کامطلب ہےواقعےسے اعلیٰ سعودی حکام آگاہ تھے اور ٹیم کوترک تفتیش کاروں کےچھاپےسےپہلےثبوت مٹانےکاکہاگیاتھا۔رپورٹ میں الزام لگایا گیا ہے کہ یہ ٹیم ملک چھوڑنے سے پہلے 12 اور 17 اکتوبر کے درمیان ہر روز اس عمارت میں گئی۔ اس سے قبل ترکی نے دعویٰ کیا تھا کہ جمال خاشقجی کو گلا دبا کر ہلاک کرنے کے بعد ان کی لاش کے ٹکڑے ٹکڑے کر دیے گئے۔ ان کے دو بیٹوں کی طرف سے اپنے والد کی میت ان کے حوالے کرنے کی اپیل کی گئی ۔یاد رہے سعودی صحافی جمال خاشقجی کو دو اکتوبر کو استنبول میں سعودی قونصلیٹ میں قتل کیا گیا تھا جہاں وہ اپنی دوسری شادی سے پہلے ضروری کاغذی کارروائی کے لیے گئے تھے۔

Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »