Daily Taqat

چین امریکا میں ہونے والے انتخابات میں مداخلت کر رہا ہے، ٹرمپ

امریکی صدر ڈونلڈ ٹرمپ نے الزام عائد کیا ہے کہ چین مجھے اور امریکا کو کامیاب ہوتا نہیں دیکھ سکتا، اس لیے وسط مدتی انتخابات میں مداخلت کی کوشش کر رہا ہے۔ تفصیلات کے مطابق امریکی صدر ڈونلڈ ٹرمپ نے تجارتی حریف چین کے خلاف بیان دیتے ہوئے کہا ہے کہ چین متحدہ ہائے امریکا میں ہونے والے وسط مدتی انتخابات میں مداخلت کی کوشش کررہا ہے۔

غیر ملکی ذرائع کے مطابق ٹرمپ کا کہنا ہے کہ چین نہیں چاہتا کہ میں وسط مدتی انتخابات میں کامیاب ہوں، کیونکہ میں پہلا امریکی صدر ہوں جس نے چین کو تجارتی مسئلے پر چیلنج کیا ہے۔ اقوام متحدہ کے سلامتی کونسل کے اجلاس میں خطاب کرتے ہوئے ڈونلڈ ٹرمپ کا کہنا تھا کہ چین مجھے اور امریکی انتظامیہ کو سیاسی طور پر نقصان پہنچانا چاہتا ہے۔

دوسری جانب سے چینی سفارت نے اجلاس سے خطاب کرتے ہوئے ڈونلڈ ٹرمپ کے دعوؤں کو مسترد کرتے ہوئے کہا ہے کہ کسی ملک کے اندرونی معاملات میں مداخلت نہ کرتے ہیں اور نہی کریں گے، چین کے خلاف عائد کیے گئے تمام الزامات مسترد کرتے ہیں۔ چینی سفارت کار کا کہنا تھا کہ چین دوسرے ممالک سے بھی گزارش کرتا ہے کہ وہ اقوام متحدہ کے چارٹر کے تحت دوسرے ممالک کے اندورونی معاملات میں مداخلت کرنا بند کریں۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »