اہم خبرِیں

چینی برانڈ ‘شین’ کی جائے نماز کو سجاوٹی قالین فروخت کرنے پر معذرت

چین کی معروف برانڈ شین نے حال ہی میں جائے نماز کو بطور سجاوٹی قالین فروخت کرنے کا اعلان کیا تھا جس کے بعد مسلمانوں کی جانب سے غم و غصے کا اظہار کیا گیا۔

آن لائن چینی اسٹور شین نے اپنی ویب سائٹ پر مسلمانوں کی نماز پڑھنے کی جائے نماز کو بطور سجاوٹی قالین فروخت کے لیے پیش کیا تھا جس کے بعد سوشل میڈیا پر برانڈ کو شدید تنقید کا سامنا کرنا پڑا۔

سوشل میڈیا پر صارفین کی جانب سے نا صرف برانڈ پر تنقید کی جانے لگی بلکہ شین کو بائیکاٹ کرنے کا بھی مطالبہ کیا جا رہا تھا۔

شین نے جائے نماز کو بطور سجاوٹی قالینوں کے طور پر فروخت کرنے کو اپنی ’سنگین غلطی‘ قرار دیتے ہوئے معافی مانگی اور اپنی ایسی تمام مصنوعات کو ناصرف ویب سائٹ سے ہٹا دیا بلکہ دکانداروں کو بھی فروخت کرنے سے منع کردیا۔

بین الاقوامی چینی برانڈ ’شین‘ نے اپنے پیغام میں مزید لکھا کہ ہمیں اپنی اس غلطی پر دل سے افسوس ہے۔

ان کا مزید کہنا تھا کہ ایسی مصنوعات کی فروخت کے حوالے سے ایک کمیٹی بھی تشکیل دی جائے گی جو ایسی چیزوں کا جائزہ لے گی۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.