Daily Taqat

بجلی کا طویل بریک ڈاؤن، بنگلادیش تاریکی میں ڈوب گیا

ڈھاکا: بنگلادیش کے دارالحکومت سمیت تمام بڑے شہر اچانک تاریکی میں ڈوب گئے۔

عالمی خبر رساں ادارے کے مطابق بنگلادیش میں پٹرولیم مصنوعات کی بڑھتی ہوئی قیمتوں کے باعث بجلی پیدا کرنے کی استعداد میں کمی کے نتیجے میں تمام پاور پلانٹس ٹرپ کرگئے جس سے 14 کروڑ کی آبادی بجلی سے محروم ہوگئی ہے۔

حکومتی ترجمان کا کہنا ہے کہ بجلی بریک ڈاؤن کی وجہ نیشنل پاور گرڈ میں خرابی ہوسکتی ہے جب کہ ملک کے مشرقی حصے کی ٹرانسمیشن لائن میں بھی خرابی پیدا ہوئی۔

حکومت کی جانب سے ڈیزل کے پاور پلانٹس بند کرنے کے فیصلے کی وجہ سے بنگلادیش کو پہلے ہی 1500 میگا واٹ بجلی کی کمی کا سامنا ہے جس کے سبب دارالحکومت سمیت تقریباً تمام ہی بڑے شہر تاریکی میں ڈوبے ہوئے ہیں جب کہ پہلے ہی متعدد علاقوں میں 15 سے 20 گھنٹے کی لوڈ شیڈنگ کا سلسلہ جاری ہے۔

قبل ازیں بجلی کی کمی پوری کرنے کے لیے بنگلادیش میں اسکول اور سرکاری دفاتر میں ہفتہ وار 3 دن چھٹیوں اور اوقات کار میں کمی کی گئی تھی۔ اسی طرح بینک بھی 10 سے 6 کے بجائے 9 سے 4 بجے تک کھلے رکھنے کا حکم دیا گیا تھا۔

خیال رہے کہ درآمدی لاگت میں کمی لانے کے لیے حکومت نے ڈیزل پر چلنے والے تمام پاور پلانٹس بند کردیئے تھے جس سے پہلے ہی بجلی کی قلت کا سامنا ہے۔ معاشی مشکلات کو دور کرنے کے لیے بنگلادیش کی حکومت نے آئی ایم ایف کو بھی قرض پروگرام شروع کرنے کی درخواست دی ہے جس پر تاحال کوئی فیصلہ نہیں ہوسکا۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »