Latest news

نیوزی لینڈ میں آتش فشاں پھٹنے سے جاں بحق افراد کی لاشیں نکالنے کیلئے منصوبہ بندی شروع

نیوزی لینڈ پولیس نے کہا ہے کہ پیر کے روز ایک جزیرے وائٹ آئی لینڈ میں پھٹنے والے آتش فشاں سے کم از کم آٹھ افراد جاں بحق ہوئے ہیں۔ جزیرے سے لاشیں نکالنے کا عمل جمعہ کو شروع کیا جائے گا۔

پولیس کے مطابق جزیرے پر ایک اور آتش فشاں پھٹنے کے خطرے کے باوجود ریسکیو مشن آگے بڑھایا جائے گا۔

ذرائع کے مطابق آٹھ افراد کی ہلاکت کی تصدیق پہلے ہی ہو چکی تھی جبکہ 20 افراد تشویشناک حالت میں زیرعلاج ہیں۔

Image result for new zealand volcano pics death

جمعرات کو نیوزی لینڈ کے جیولوجیکل معلومات سے متعلق سائٹ جیونٹ کی جانب سے بتایا گیا کہ اگلے 24 گھنٹوں کے دوران ایک اور آتش فشاں پھٹنے کے 50 سے 60 فیصد امکانات موجود ہیں۔

سائٹ کے اعدادوشمار کے مطابق پچھلے چند دنوں سے ایک اور آتش فشاں پھٹنے کے خطرے میں مستقل اضافہ دیکھا گیا ہے۔

پولیس نے بتایا ہے کہ متاثرہ افراد کے اہل خانہ لاشوں کی بازیابی کے لیے بےتاب ہیں لہذا جلد از جلد آپریشن شروع کرنے پر غور کیا جا رہا ہے۔

Image result for new zealand volcano pics death

اس سے قبل جمعرات کو ایک نیوز کانفرنس میں ڈپٹی پولیس کمشنر کا کہنا تھا کہ پولیس اس خطرناک آپریشن کو انجام دینے کے لیے متعدد طریقوں پر غور کر رہی ہے۔

 

 

 

اس کے ساتھ ساتھ یہ خدشات بھی موجود ہیں کہ جزیرے کی ہوا میں سانس لینا خطرناک ثابت ہو سکتا

ہے۔

حکام کی جانب سے جزیرے پر بھیجے گئے ڈرون کی مدد سے زہریلی گیس کی موجودگی کا پتا لگانے کی کوششیں جاری ہیں۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.