Daily Taqat

رحیم یارخان اوربہاولپوربھی سیزنل انفلوئنزا کی لپیٹ میں

جنوبی پنجاب کے شہرملتان کے بعدرحیم یار خان اور بہاول پور میں سیزنل انفلوئنزا کا مرض پھیل رہا ہے ۔

ملتان میں 24گھنٹوں کے دوران 4 نئے مریض سامنے آئے ہیں ،رحیم یار خان میں بھی ایک مریض میں وائرس کی تصدیق ہوگئی ہے۔رواں سیزن میں سیزنل انفلوئنزا سے خواتین سمیت 18افراد انتقال کرگئے ہیں ۔

ترجمان محکمہ صحت کے مطابق 24 دنوں میں 120 افراد کو سیزنل فلوکے شبہ میں اسپتال لایا گیا جن میں سے 60 افراد میں سیزنل فلو کی تصدیق ہوئی جبکہ 8 مریضوں کی رپورٹ کا انتظار ہے۔

رحیم یارخان کے شیخ زید اسپتال میں زیر علاج مریض میں سیزنل انفلوئنزا کی تصدیق ہوگئی ہے،ایم ایس شیخ زید اسپتال ڈاکٹرغلام ربانی کے مطابق مریض کو انتہائی نگہداشت کے شعبے میں رکھا گیا ہے ۔

بہاول پور کے بہاول وکٹوریہ اسپتال میں بھی سیزنل انفلوئنزا کے شبے میں مریض رپورٹ ہونا شروع ہوگئے ہیں ۔ مریضوں کے اہل خانہ کا کہنا ہے کہ اسپتال میں دواؤں کی کمی کی وجہ سے پریشانی کاسامناہے۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »