محسن عباس کوجواب جمع کروانے کا آخری موقع

لاہور: عدالت نے بچے کی حوالگی کیس میں اداکار محسن عباس حیدر کو آخری موقع دیتے ہوئے آئندہ سماعت پر ہر صورت جواب جمع کرانے کا حکم دیدیا ہے۔

لاہور کی گارڈین عدالت میں اداکار محسن عباس حیدر کی اہلیہ فاطمہ سہیل کی بچے کی مستقل حوالگی کی درخواست پر سماعت ہوئی۔ گارڈین عدالت کے جج سید نوید مظفر نے سماعت کی۔ دوران سماعت فاطمہ سہیل نے کہا کہ محسن عباس سے علیحدگی ہوچکی ہے، میں بیٹے کی بہتر انداز میں پرورش کرسکتی ہوں، لہذا بچے کی بہتر پرورش کیلئے اسے مستقل طور پر میرے حوالے کیا جائے۔

عدالت نے محسن عباس کو آخری موقع دیتے ہوئے پیش ہونے کا حکم دے دیا اورہر صورت جواب جمع کروانے کا حکم دیتے ہوئے سماعت 23 ستمبر تک ملتوی کردی۔ واضح رہے کہ فاطمہ سہیل نے گزشتہ برس اپنے شوہر محسن عباس حیدر پر تشدد اور بے وفائی کا الزام لگاتے ہوئے کہا تھا کہ محسن کے نازش نامی ماڈل سے ناجائز تعلقات ہیں جس کی وجہ سے شوہر ان پر تشدد کرتا ہے۔ بعد ازاں فاطمہ سہیل نے لاہور کی فیملی عدالت میں خلع کا دعویٰ دائر کیا تھا جس پر فیصلہ سناتے ہوئے جج نے ستمبر 2019 میں خلع کی ڈگری جاری کردی تھی۔ دونوں کا ایک بیٹا ہے جو فی الحال اپنی والدہ کے ساتھ ہی رہتا ہے۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.