مزدوروں کا کردار معاشرے میں ریڑھ کی ہڈی کی مانند ہے ،عامرسلطان

فورٹ عباس : نومنتخب پاکستان ینگ ورکرزویلفیئرآرگنائز یشن کے مرکزی جنرل سیکرٹری نے کہا مزدوروں کے حقوق حصول کی جدوجہد اور اسکا پیغام گھر گھر پہنچائینگے۔

تفصیلات کے مطابق پاکستان ینگ ورکرز ویلفیئر آرگنائزیشن کے نومنتخب مرکزی جنرل سکیرٹری عامر سلطان کا کہنا تھا کہ مزدوروں کا کردار معاشرے میں ریڑھ کی ہڈی کی مانند ہے ۔

مزدوروں کے حقوق اور انکے مسائل کے حل کیلئے آواز بلند کرینگے اور مزدوروں کے حقوق کے حصول کیلئے ہر فورم پر جدوجہد کرینگے ۔

ان خیالات کا اظہار گذشتہ روز میڈیا نمائندگان سے گفتگو کرتے ہو ئے کہا کہ ہماری وآرگنائزیشن مزدوروں کی بہود مفت علاج معالجہ ،مزدوروں اور ان کے بچوں کیلئے مفت تعلیم کا بندوبست کرینگی۔

انکا کہنا تھا کہ ہمارے منشور میں مزدوروں کی سوشل سیکورٹی وبیمہ پالیسی کا بندوبست کرنا،مزدوروں کی قانونی امداد اور ان کے حقوق کی آگہی کرنا ،چائلڈ لیبر ، غریب و مستحق مزدورخواتین کی شادی کیلئے مالی امداد کرنا ، مریضوں کی بہوداور علاج معالجہ ومناسب امداد کرنا ہماری آرگنائزیشن میں شامل ہیں ۔