شہباز شریف کی درخواست پر پیر حمید الدین سیالوی نے احتجاجی تحریک ختم کردی

سرگودھا: وزیراعلی پنجاب شہباز شریف کی درخواست پر پیر خواجہ حمید الدین سیالوی نے احتجاجی تحریک ختم کردی۔وزیراعلی
پنجاب شہبازشریف نے پیر خواجہ حمید الدین سیالوی سے ملاقات کی، راولپنڈی سے پیر ریاض الدین اور تونسہ شریف سے پیر مدثر تونسوی سمیت داتا دربار لاہور کے خطیب رمضان سیالوی بھی ملاقات میں موجود تھے۔شہبازشریف نے پیر خواجہ حمید الدین سیالوی سے ملاقات میں ان سے احتجاج کی اپیل واپس لینے کی درخواست کی جس پر انہوں نے احتجاجی تحریک ختم کردی۔ملاقات کے بعد شہبازشریف نے کہا کہ رانا ثنا اللہ کے استعفے کے مسئلے پر کمیٹی بنادی ہے، جن اراکین اسمبلی نے استعفے دیئے ان کا فیصلہ بھی کمیٹی اجلاس میں ہوگا جب کہ کمیٹی کا پہلا اجلاس اگلے ہفتے لاہور میں ہوگا۔وزیراعلی پنجاب کا کہنا تھا کہ حمید الدین سیالوی کی مسلم لیگ کے لیے قربانیاں لازوال ہیں، سیاسی مخالفین نے دوریاں پیدا کرنے کی کوشش کی۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.