Daily Taqat

سیاستدانوں کی حب الوطنی پر شک کرنا افسوسناک ہے، آفتاب شیرپاﺅ

اسلام آباد :  قومی وطن پارٹی کے سربراہ آفتاب احمد خان شیرپاﺅ نے کہا ہے کہ سیاستدانوں کی حب الوطنی پر شک کرنا افسوسناک ، چیئرمین نیب نواز شریف پر 4.9بلین ڈالر منی لانڈرنگ کے ذریعے بھارت بھیجنے کے بیان کی وضاحت کریں،سپریم کورٹ نے اصغر خان کیس میں حکومت کو مشکل میں ڈال دیا، خود کوئی فیصلہ کر ے تو بہتر ہوگا۔بدھ کو پارلیمنٹ ہاﺅس کے باہر ذرایع  سے گفتگو کرتے ہوئے آفتاب احمد خان شیر پاﺅ نے کہا کہ سیاست میں خطرات بہت بڑھ گئے ہیں۔ انہوں نے کہا کہ سیاستدانوں کی حب الوطنی پر شک کرنا افسوسناک ہے جس کی مذمت کرتے ہیں۔ انہوں نے کہا کہ چیئرمین نیب نے پہلے بھی کہا کہ مشرف دور میں 4ہزارپاکستانی امریکہ کے حوالے کئے گئے جس کی بعد میں تردید کی گئی۔ اب نواز شریف پر الزام لگانا کہ انہوں نے بھارت 4.9بلین ڈالر منی لانڈرنگ کر کے بھارت بھجوائے اور بعد میں اس کی تردید کرنا قوم کےساتھ بھونڈا مذاق ہے۔چیئرمین نیب اس کی وضاحت دیں ۔انہوں نے کہا کہ اداروں کو ایسے معاملات میں احتیاط برتنی چاہئے۔ انہوں نے کہا کہ اصغر خان کیس میں سپریم کورٹ نے حکومت کو مشکل میں ڈال دیاہے، بہتر ہوتا اگر سپریم کورٹ اس حوالے سے خود کوئی فیصلہ کرتی ۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »