مردان کی اسماءکےقاتل 11 روز بعد بھی قانون کی پکڑمیں نہ آسکے

مردان :  اسماءقتل کیس 11 ویں روز میں داخل ہوگیا لیکن ملزم قانون کی گرفت میں نہ آسکا۔ فرانزک رپورٹ تاحال موصول نہ ہوئی۔ آئی جی خیبرپختونخوا نے پنجاب حکام  سے رابطہ کر لیا جبکہ جے آئی ٹی میں ایک ماہر نفسیات کو بھی شامل کر لیا گیا ۔ زینب کیس کے ملزم کی گرفتاری کے بعد اب اسماءکیس کے فرانزک رزلٹ کا شدت سے انتظار کیا جا رہا ہے۔ دوسری طرف 230 سے زائد افراد سے تفتیش کا پہلا مرحلہ مکمل ہو گیا ۔ ابتدائی پوچھ گچھ اور ڈی این اے کے نمونے حاصل کرنے کے بعد تمام زیر حراست افراد کو چھوڑ دیا گیا ۔ ذرائع کے مطابق فرانزک رپورٹ آنے کے بعد مشکوک افراد کے نمونے کراس میچ کے لئے بجھوائے جائیں گے ۔ ڈسٹرکٹ پولیس آفیسر ڈاکٹر میاں سعید احمد کی طرف سے جاری کردہ ایک مختصر پریس نوٹ میں کہا گیا ہے کہ جے آئی ٹی میں ایک ماہر نفسیات کو بھی شامل کر لیا گیا ہے اور فرانزک رپورٹ آنے کے بعد مقتولہ بچی سے جنسی زیادتی کا حتمی فیصلہ کیا جائے گا۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.