Latest news

حکومت سی پیک منصوبوں پر تیز تر اور موثر عملدرآمد کیلئے پرعزم ہے:فردوس عاش

اسلام آباد:  وزیر اعظم کی معاون خصوصی اطلاعات ڈاکٹر فردوس عاش اعوان نے کہا ہے کہ وزیراعظم عمران خان کشمیریوں کے لیے ہر محاذ پر ڈٹ کر کھڑے رہے ہیں۔ پاک چین دوستی خطے میں امن اور ترقی کی علامت ہے حکومت سی پیک منصوبوں پر تیز تر اور موثر عملدرآمد کیلئے پرعزم ہے۔

تفصیلات کے مطابق معاون خصوصی برائے اطلاعات ونشریات ڈاکٹر فردوس عاشق اعوان نے بدھ کے روز سماجی رابطے کی ویب سائٹ ٹوئٹر بیان میں کہا ہے کہ چین کے وزیراعظم لی کھ چیانگ اور وزیراعظم عمران خان کا گرم جوشی کا انداز آئرن برادرز کی عظیم دوستی کا مظہر ہے، یہ دوستی خطے اور دنیا میں ایک مثال اور امن وترقی کی علامت ہے معاون خصوصی نے مزید کہا کہ وزیراعظم عمران خان کا عظیم عوامی ہال آمد پر چین کے وزیراعظم کی جانب سے پرتپاک استقبال دونوں سدا بہار دوستوں کے لازوال اور گہرے رشتے کا افشاں ہے،ڈاکٹر فردوش عاشق اعوان نے کہاہے کہ دونوں رہنماﺅں کی ملاقات مختلف شعبوں میں دوطرفہ تعاون میں مزید وسعت کا باعث بنے گی، چینی وزیراعظم نے عمران خان کے سی پیک منصوبوں پر تیز رفتاری سے تکمیل کے عزم اور پیشرفت پر شکریہ ادا کیا اور سی پیک اتھارٹی کا قیام اس امرکا ثبوت ہے کہ حکومت سی پیک منصوبوں پر تیزتر اور موثر عمل درآمدکو یقینی بنانے کیلئے پرعزم ہے ،انہوں نے مزید کہا کہ وزیراعظم عمران خان کا ملاقات میں مقبوضہ کشمیر میں انسانی بحران پر گفتگو آئینہ دار ہے کہ عمران خان ہر محاذ پر کشمیریوں کے حق کیلئے ڈٹ کر کھڑے ہیں۔
فردوس عاشق اعوان


اپنی راہےکااظہار کریں

آپ کا ای میل ایڈریس شائع نہیں کیا جائے گا.