لاہور(انٹرویو عامر اسماعیل)سابق ایڈیشنل ڈائریکٹر ایف آئی اے سجاد مصطفی باجوہ نے روزنامہ طاقت کو خصوصی انٹرویو دیتے ہوئے وزیر اعظم پاکستان پر براہ راست الزام عائد کیا ہے کہ انہوں نے شوگر مافیا کی پشت پناہی کے ذریعے 400 ارب سے زائد قومی خزانے کو نقصان پہنچایا ہے، چینی کی قیمتوں میں اضافہ کی تحقیقات پر بنایا گیا کمیشن محض ڈرامہ تھا، وزیراعظم پاکستان عمران خان کی پارٹی کے رہنماو¿ں سمیت اتحادی جماعتوں کے سربراہان شوگر مافیا کے سرغنہ ہیں، الائنس شوگر مل میں خسرو بختیار اور مونس الہی کے شئیرز ہیں، جہانگیر ترین نے بھی اربوں کا فائدہ کیا، میں جس طریقہ کار کے تحت شوگر مافیا کے خلاف کام کررہا تھا اس کے تحت ملک بھر کی شوگر ملز کا ڈیٹا جمع کرکے قومی خزانے کو نقصان سے بچایا جاسکتا تھا، دوران تحقیقات مجھے کمیشن ممبر ایف بی آر بشیراللہ خان نے بذریعہ میسج تھریڈ بھی کیا، شفاف تحقیقات کے طریقہ پر کمیشن ممبران پر پریشر تھا، چینی ایکسپورٹ کے حوالے سے ڈی جی ایف آئی اے کو ٹرکوں کا ڈیٹا حاصل کرنے کیلئے خط لکھا مگر ایک ماہ تک کوئی جواب نہیں آیا، حیرت انگیز طور پر 70 فیصد چینی صرف افغانستان بھیجی جارہی تھی جبکہ 30 فیصد صرف باقی دنیا میں، میرے وضع کردہ طریقہ پر ڈی جی ایف آئی اے کی طرف سے داد دی جارہی تھی اور کمیشن کی باقی ٹیموں کو طریقہ کار فالو کرنے کا کہا گیا مگر اچانک میری معطلی سمجھ سے بالاتر ہے، میری معطلی سے متعلق مکمل طریقہ کار بھی فالو نہیں کیا گیا انکوائری آفیسر نے سنے بغیر میرے خلاف فیصلہ سنا دیا، انہوں نے سوال کیا کہ کیا ابوبکر خدا بخش کے علاوہ ایف آئی اے میں کوئی قابل آفیسر نہیں جسے ہر بار میری انکوائری کیلئے آفیسر لفا دیا جاتا ہے، ڈی جی کو خط لکھا کی میرا انکوائری افسر تبدیل کیا جائے اس پر مجھے اعتبار نہیں،ابوبکر خدا بخش مشیر وزیراعظم شہزاد اکبر کے کہنے پر میرے خلاف لکھ رہے تھے، انہوں نے معطلی کے الزامات پر حیرت کا اظہار کرتے ہوئے کہا کہ دو مل ملازمین سے روابط کے الزام میں مجھے معطل کیا گیا، مل ملازمین سے رابطہ ریکارڈ کی دستیابی کیلئے کیا مزید کسی قسم کا ذاتی فائدہ لیا تو اسے پبلک کیا جائے، دو ملازمین سے رابطے کے الزام میں مجھے معطل کردیا گیا تاہم شوگر مافیا کے سرغنہ وزیراعظم کے کابینہ ممبر اور دائیں بائیں موجود ہیں، شوگر کمیشن کی تحقیقات کیلئے بنائی گئی ٹیم میں شامل دو لوگ خود نیب کے کیسز بھگت رہے ہیں ایسے میں انصاف کی توقع کیسے کی جاسکتی تھی، انہوں نے کہا کہ شوگر مافیا نے انکے خلاف میڈیا ٹرائل کا آغاز کرایا جسکی بعد میں تردید کردی گئی، اسلام آباد ہائی کورٹ نے شوگر مالکان سے چینی 70 روپے فی کلو خریدنے کے احکامات دئے تو حکومت نے مالکان سے ساز باز کرکے عدالت کو دھوکہ دیا، اگر عدالت کے وضع کردہ ریٹ مان لئے جاتے تو بحران پیدا نہ ہوتا، اسلام آباد ہائی کورٹ نے وزیراعظم اور حکومت کو ایکسپوز کیا، چینی 70 روپے فی کلو نہ خریدنے کے براہ راست احکامات وزیراعظم نے دئے جبکہ وزیر اعلی سردار عثمان بزدار نے وزیراعظم کے کہنے پر چینی سبسڈی دیکر شوگر مافیا کو اربوں کا فائدہ پہنچایا، وزیراعظم چینی سبسڈی کیلئے درخواست کرنے والے لوگوں کے نام بتائیں، ستر سال سے سول اداروں کو آزادانہ کام نہیں کرنے دیا گیا شوگر مافیا کی تحقیقات کروا کے مثال قائم کی جاسکتی ہے، پاکستان میں چینی وافر مقدار میں موجود ہے، چینی کے ذخیرہ کی موجودگی میں قیمتوں میں اضافہ کا جواز نہیں بنتا، انہوں نے ایک سوال کے جواب میں کہا اگر انہیں سیاسی بنیادوں پر نوکری دی گئی تو جس جماعت سے انکا تعلق جوڑا جاتا ہے وہ پیپلز پارٹی ہے تو خورشید شاہ کے نیب ریفرنس میں ایف آئی اے کی نمائندگی پر اعتراض کیوں نہیں اٹھایا گیا، آئی پی پی کیس میں بھی بطور ممبر شامل رہا اسوقت حکومت کو اعتراض کیوں نہ ہوا، خورشید شاہ میرے خلاف عدالت میں گئے چاہیے تو یہ تھا کہ حکومت میرے خلاف عدالت میں جاتی، اپوزیشن کے خلاف کیسسز کے جواب پر انہوں نے کہا ہمارا کام میرٹ پر کام کرنا ہے ادارہ جس کے خلاف تحقیقات کا حکم دیتا ہے کرتے ہیں، آئی پی پی انکوائری میں فراڈ ثابت ہو چکا تھا جس پر کریمنل انکوائری کی سفارش کی مگر وزیراعظم نے رد کردی اب وزیراعظم اور ندیم بابر اس کا دفاع کررہے ہیں، سچ سامنے لانے پر میری فیملی کو ہراساں کیا جارہا ہے، انٹیلیجنس بیورو کے کچھ افسران میرے خلاف ہیں کیونکہ میں نے فیصل آباد میں آئی بی کے لوگ گرفتار کئے جو کڑوڑں روپے بھتہ وصول کرتے تھے اور انہیں بعد ازاں عدالت نے سزا بھی دی، سجاد باجوہ نے کہا 1996 میں نصیر اللہ بابر کی قیادت میں چینی کی قیمتوں میں اضافے کیلئے پنجاب میں آپریشن مجھے سونپا گیا تو 48گھنٹوں میں چینی کی قیمت 13 روپے پر واپس آگئی جو19روپے پر جاپہنچی تھی، انہوں نے چئیرمین نیب سے اپیل کی وہ شوگر کمیشن کی تحقیقات پر کمیٹی بنائیں تاکہ سچ سامنے اسکے، انہوں نے انکشاف کیا کہ کمیشن میں شامل دیگر اداروں کے لوگ میری تحقیقات سے مطمئن تھے مگر اب کون وزیراعظم کا سامنا کرے، سابق آفیسر نے کہا کہ چئیرمین نیب شوگر کمیشن کی تحقیقات پر کمیٹی تشکیل دیں تو دودھ کا دودھ پانی کا پانی ہوجائے گا، مشیر وزیر اعظم شہزاد اکبر اور وزیراعظم کے پرنسپل سیکرٹری اعظم خان شوگر مافیا کو بچانے اور مجھے معطل کروانے میں براہ راست شامل ہیں، سجاد باوجوہ نے ڈرامائی انداز میں اپنی معطلی کے خلاف عدالت جانے فیصلہ کیا ہے انکا کہنا تھا کہ آو¿ٹ آف دی لاءمعطلی کے خلاف اپیل میرا حق ہے، عدالت جاکر ثابت کرونگا کہ حکومت شوگر مافیا کو تحفظ دی رہی تھی، عدالت کے سامنے احتساب کے نام پر ہونے والے ڈرامے کو ثبوتوں کے ساتھ بے نقاب کرونگا۔

تحریر: سہیل عباس
ابو کے پاس کمپنی کی گاڑی ہے۔ وہ ہمیشہ اس کا موبل آئل اپنے شہر آکر تبدیل کرواتے ہیں۔ ان کا فرمانا ہے کہ قیمت تو ہر شہر میں برابر ہی پڑتی ہے لیکن جو چار پیسے بچت کے اپنے قریبی دوکان دار کو دیے جا سکتے ہیں وہ پردیس میں کیوں دیےجائیں۔یوں اپنے علاقے کا کاروبار کو زیادہ فروغ ملتا ہے اور آپ کا پڑوسی ترقی کرتا ہے تو آپ کا علاقہ ترقی کرتا ہے۔
اس کے بعد ہم نے یہ بھی مشاہدہ کیا کہ اپنے شہر میں کاشت کردہ سبزی کم قیمت پر اور تازہ ملتی ہے جبکہ دور دراز سے آنے والی سبزی نہ صرف دوردرازی کی مسافت کے دوران باسی ہوتی ہے بلکہ نقل و حمل کے اخراجات کی وجہ سے مہنگی بھی پڑتی ہیں۔
نبی اکرم صلی اللہ علیہ واٰلہ وسلم کی توہین کے باعث ہم نے فرانس کی مصنوعات کا بائیکاٹ تو کیا۔ لیکن اس امر پر بھی توجہ کی ضرورت ہے کہ کیا کسی بھی ملک کی درآمد شدہ مصنوعات خریدنا ضروری ہی کیوں ہے۔ اکثر اوقات آپ کو نظر آئے گا کہ وہی مصنوعات بیرون ملک کمپنیوں کے لائسنس پر مقامی سطح پر تیار ہو جاتی ہیں لیکن رائلٹی بیرون ملک بھیجی جاتی ہے۔ اگر انہی مصنوعات کو مقامی برانڈ کے طور پر بنایا جائے تو بلا شبہ کثیر زر مبادلہ بچا کر ملکی صنعت اور معیشت کو استحکام دیا جا سکتا ہے۔
ہمیں اپنی معمول کی زندگی میں اس اصول کو اپنانے کی ضرورت ہے کہ ہم مقامی مصنوعات کے استعمال کو فروغ دیں۔ درآمد شدہ مصنوعات کا استعمال ہر ممکن حد تک ترک کریں۔ سادہ زندگی گذاریں تاکہ اخراجات میں کمی کر کے وسائل بڑھا سکیں ورنہ ہم وسائل بڑھانے کے لیے زیادہ دن رات کام کر کے پیسہ کمانے میں لگے رہیں گے۔ ایک حدیث کا مفہوم ہے کہ اخراجات میں میانہ روی آدھی معیشت ہے۔ اس حدیث کو عملی جامہ پہنا کر ہم اپنی اور اپنے ملک و قوم کی معیشت کو سنوار سکتے ہیں۔ اللہ نے ہر علاقہ میں اس کی آب و ہوا کی مناسبت سے نہ صرف پھل اور سبزیاں بلکہ دیگر اشیائے ضرورت بھی پیدا کی ہیں۔ گرم علاقوں میں دودھ نسبتاًجلدی پھٹ جاتا ہے لہٰذا لسی بنانا مجبوری بھی ہے اور گرمی کا علاج بھی۔ سرد علاقوں میں زیادہ اون والے جانور باآسانی پلتے ہیں اور اس علاقے کے انسان سستا اونی لباس تیار کر سکتے ہیں جبکہ کپاس کے پیداواری علاقوں میں نسبتاً زیادہ گرمی کی وجہ سے سوتی لباس کی ضرورت ہوتی ہے۔ یہ اللہ کی تقسیم ہے اور ہمیں اس کی رضا کو پہلے تسلیم کرنا چاہیے اور اپنی پسندیدگی کو بعد میں اہمیت دینی چاہیے۔
کوشش کیجیے کہ اپنے دوستوں کو تیس روپے کی 250 ملی لیٹرغیر ملکی کولڈ ڈرنک کی بجائے پچیس روپے کا 250 ملی لیٹر خالص دودھ پلایا جائے۔ برانڈڈ چیز کے پیزا کی بجائے اپنے ملک کے کھانے کھائیں۔ ہمارے ملک سے معاہدے کر کے غیر ملکی برانڈ کمپنیاں ملبوسات تیار کروا کر دوسرے ممالک میں فروخت کرتی ہیں اور ہمارے ملک میں دوسرے ممالک سے وہی برانڈ امپورٹ کر کے بیچا جاتا ہے۔ جبکہ ہمارے ہی ملک میں بننے والے اس برانڈ کی فروخت ہماری سرزمین پر غیر قانونی قرار دی جاتی ہے۔امپورٹڈ اشیا ئ کا استعمال فخر نہیں بلکہ تکبر کے لیے کیا جانے لگا ہے۔ کپڑے بدن کوڈھانپنے کی بجائے دولت کی دھونس کے لیے پہنے جاتے ہیں۔ یوں ہم کردار کے حسن کی بجائے دستار کے ح±سن تک محدود رہ گئے ہیں۔ ہن سب لوگ اندر ہی اندر ان باتوں کے خلاف خلش تو پالتے ہیں لیکن اپنی حد تک اس پر عمل یہ سوچ کر نہیں کرتے کہ اکیلے میرے ٹھیک ہو جانے سے کیا فرق پڑتا ہے۔
آخر میں ایک ذاتی تجربہ آپ کی خدمت میں پیش کرتا ہوں۔ میرے مطالعہ میں حدیث کی یہ تعلیم آئی کہ جو چیز مہنگی ہو رہی ہو اس کا استعمال ترک کر دو وہ سستی ہو جائے گی۔ میں نے مختلف پھلوں، سبزیوں اور دیگر اشیاءپر تجربہ کیا۔ بات سوفیصد درست ثابت ہوئی۔ جب احباب سے ذکر کیا تو اکثر کا یہ گمان تھا کہ صرف میرے ترک کرنے سے کیا ہو گا لیکن میں نے عرض کی کہ اگر سب کے مل کر ترک کرنا ضروری ہوتا تو اس کا حکم حدیث میں بھی ہوتا۔ لیکن حدیث صرف میرے اوپر انفرادی ذمہ داری ڈالتی ہے لہٰذا میں خود کو اکیلا ذمہ دار سمجھ کر عمل کرتا رہا ہوں اور اس کا صلہ پاتا رہا ہوں۔ آپ بھی کوشش کیجیے یقیناً کامیابی ہو گی۔

تحریر: فرازالحق
کوووڈ-19 کے خلاف لڑائی میں شن چن جی چرچ نے 4،000 صحت یافت لوگوں سے پلازما عطیات کا آغاز کیا۔
جنوبی کوریا میں شن چن جی چرچ نومبر میں تین ہفتوں سے زیادہ عرصے میں 4،000 پلازما عطیات کی توقع کرتا ہے۔
جنوبی کوریا میں قائم ایک مذہبی گروہ ، شن چن جی چرچ آف جیزز ، نے پلازما کی ریکارڈ توڑ مقدار میں عطیہ کرتے ہوئے کووڈ۔19 کے خاتمے کی حمایت کی ہے۔
گذشتہ ماہ ، کوریائی بیماریوں کے کنٹرول اور روک تھام ایجنسی نے شنین جی چرچ سے پلازما کے عطیہ کے لئے درخواست کی کہ “کوویڈ 19 کی موجودہ صورتحال میں جس کا کوئی موثر علاج نہیں ہے ، پلازما کے بڑے پیمانے پر عطیہ کے ذریعہ پلازما دوائی کی تیاری کی ضرورت ہے”۔
پچھلے جولائی اور ستمبر میں ، شن چن جی چرچ نے بڑے پیمانے پر پلازما عطیہ کیا۔ ابھی تک ، 2030 افراد پلازما کاعطیہ کرچکے ہیں۔ ان میں ، تقریبا 1700 افراد شن چن جی چرچ کے جماعت کے ارکان ہیں۔ 312 افراد نے دو بار عطیہ دیا ہے۔
3 نومبر کی سہ پہر کو منعقدہ ایک بریفنگ میں ، کورین سنٹرل ڈیفنس کاو¿نٹر میجر ہیڈ کوارٹر کے نائب سربراہ کوون جون ووک نے بیان کیا کہ نومبر میں 3 ہفتہ تک شن چن جی کے کل 4000 ممبر زیادہ پلازما عطیات میں حصہ لیں گے۔ کوون نے مزید کہا ، “میں شن چن جی کا پلازما کے عطیہ میں فعال طور پر حصہ لینے پر ان کا شکریہ ادا کرنا چاہتا ہوں ، اور میں کوریائی ریڈ کراس اور ڈیوگو شہر کے مابین تعاون کرنے پر دل سے شکر گزار ہوں۔”
تیسرا اجتماعی پلازما عطیہ ڈیوگو ایتھلیٹکس سنٹر انڈور سٹیڈیم میں ہوگا۔ حکومت کے لئے بوجھ کو کم کرنے کے لئے ، مخیر حضرات نقل و حمل کی فیس (ہر ایک کے لگ بھگ 200 ڈالر) وصول نہیں کریں گے جیسے انہوں نے پہلے اور دوسرے پلازما عطیہ میں وصول نہیں کئے۔
شن چن جی چرچ کے ایک متعلقہ شخص نے کہا “ہمیں یہ سن کر بہت خوشی ہوئی اور شکرگزار ہوں کہ گرین کراس کے ذریعہ تیار کردہ پلازما کا علاج عملی طور پر ہسپتالوں میں استعمال ہورہا ہے۔ علاج شدہ افراد کی حیثیت سے ، یہ سب سے قیمتی کام ہے جو ہم کر سکتے ہیں”۔ انہوں نے کہا کہ “پلازما کے عطیہ کے ذریعے ، جماعت کے تمام اراکین کو یہ اندازہ ہوا ہے کہ کوویڈ۔19 پر سالمیت ، محبت اور اتحاد سے قابو پایا جاسکتا ہے۔ ہم پوری کوشش کریں گے تاکہ کوریا پلازما کے علاج سے کوویڈ 19 پر قابو پا سکے۔اور انہوں نے مزید کہا کہ”ہم جانتے ہیں کہ شہریوں کو پریشانی لاحق ہے کیونکہ چرچوں کا لاک ڈاو¿ن ہٹایا جارہا ہے۔ انہوں نے کہا کہ”سہولیات کی منسوخی اور اجتماع پر پابندی کے حکم کے خاتمے سے قطع نظر ، ہم آن لائن عبادت کی خدمت کو جاری رکھنے کا ارادہ رکھتے ہیں جب تک کہ کویڈ۔19 جماعت کے ممبروں کے تحفظ اور برادری کی صحت کے استحکام کے لئے مستحکم نہ ہوجائے۔”

(تحریر: اکرام سہیکل)
سال کے آغاز میں جب کورونا وائرس کی وبا پھوٹی تو اندازے یہی تھے کہ اس سے بین الاقوامی تعلقات جمود کا شکار ہوجائیں گے۔ بعض لوگوں کو توقع ہوچلی تھی کہ عالمی معیشت اور سیاست میں قائدانہ کردار کی جانب چین کے بڑھتے قدم رُک جائیں گے، اسی طرح چین اور روس کا اتحاد بھی وبا سے پیدا شدہ حالات کو سہار نہیں پائے گا۔ لیکن حالات ان توقعات کے برعکس ثابت ہوئے۔ وبا سے پیدا ہونے والے بحران میں امریکا کی ناکامی اور چین کی سرخروئی کے ساتھ معاشی بحالی نے ایک بار پھر اس تاثر کو پختہ کردیا کہ دنیا کی سیاسی و اقتصادی قیادت اب یوریشیا یا مشرق کی جانب منتقل ہورہی ہے۔
پاکستان اپنے محل وقوع اور کسی حد تک اقتصادی شناخت کے حوالے سے گومگوں کا شکار رہا ہے۔ جغرافیائی اور تاریخی اعتبار سے یہ جنوبی و وسطی ایشیا اور مشرق وسطی کا حصہ ہے۔ یوریشیا میں شامل خطہ بحرالکاحل کے ساحلوں سے اٹلانٹک تک پھیلا ہوا جس میں مشرقی ، جنوب مشرقی ایشیا اور یورپ بھی شامل ہیں۔ سو برس قبل یہ پیش گوئی کی گئی تھی کہ یہ خطہ تاریخ کا محور بننے جارہا ہے اور آج ہم اسے حقیقت ہوتا دیکھ رہے ہیں۔ دوراندیشی پر مبنی چین کا بیلٹ روڈ انیشی ایٹیوو اس طویل و عریض خطے کو سڑکوں، ریل ، پائپ لائن اور بحری راستوں کے ذریعے باہم مربوط کرنے لیے شروع کیا گیا ہے۔ ققنس کے مانندسوویت یونین کی راکھ سے جی اٹھنے والا روس نہ صرف مختصر وقت میں اس قابل ہوگیا کہ مغرب کی آنکھوں میں آنکھیں ڈالے کھڑا ہے بلکہ اب مشرق میں چین سے ٹھوس اتحاد کی تشکیل کے بعد جنوب میں بحیرہ ہند پر اس کی نگاہیں جمی ہیں۔ شنگھائی تعاون تنظیم اور دیگر ایسی ہی اقتصادی تنظیمیں اسی یوریشیائی رشتے کو مضبوط کرنے کے لائحہ عمل کی جزئیات طے کرنے کے لیے بنائی گئی ہیں۔ اس میں کئی تند موسم اور مسائل حائل ضرور ہوئے لیکن سیاست و معیشت کے میدان میں استوار ہونے والے اس نئے عہد کے لیے عزائم کو کمزور کرنے کی کوششیں بری طرح ناکام رہی ہیں۔ اس اتحاد میں ترکی اور ایران نیا اضافہ ہیں۔ نیٹو میں شامل ہونے کے باوجود مغرب اور امریکا کی بے اعتنائی کے زخم سہنے والا ترکی ایک ابھرتی ہوئی علاقائی طاقت ہے جسے یوریشیا کا زمینی پُل تسلیم کرنا چاہیے۔ چار دہائیوں تک بے رحم معاشی پابندیاں اور قدغنیں برداشت کرنے والا ایران بدلتے حالات میں دوبارہ اپنی تمام تر قوت بروئے کار لانے کے لیے پُرعزم ہے۔ یوریشیائی برادری کی تشکیل کے ساتھ ہمارے حالات بھی مزید بہتر ہوں گے۔
عالمی اقتصادی فورم کاروبار، سیاست، فن اور میڈیا کے ایسے نمایاں افراد کی بین الاقوامی کمیونٹی ہے جو عالمی سطح پر ہونے والے سیاسی و اقتصادی فیصلوں پربراہ راس اثر انداز ہوتے ہیں۔ دنیا جس طرح کثیر القطبی ہوتی جارہی ہے ، قائدین اور ماہرین کو علاقائی، سیاسی اور قومی سطح پر باہمی تعاون کے لیے فوری سر جوڑ کر بیٹھنا ہوگا۔ یہ عالمی سطح پر جیواسٹریٹجک تعاون کا ایسا پلییٹ فورم ہے جہاں تحقیق اور حقائق کی بنیاد پر افہام و تفہیم کو فروغ دیا جاتا ہے۔ اس اہم تنظیم میں پاکستان کی نمائندگی کئی پاکستانی بزنس گروپ کرتے ہیں اور اپنی متحرک شرکت سے اس عالمی کمیونٹی کو اپنے ملک کی نمائندگی احساس دلاتے ہیں۔ پاکستان ابھی تک اس فورم کے مشرق وسطی اور شمال افریقا گروپ (MENA) سے منسلک ہے۔ عالمی سطح پر بننے والے نئے اتحاد اور تعلقات اس بات کا تقاضا کرتے ہیں کہ بین الاقوامی روابط کو ایک نئے زاویے سے دیکھا جائے۔ ہماری موجودہ خارجہ پالیسی خطوط مشرقی وسطی اور خلیج میں سامنے آنے والی حالیہ پیش رفت کے لیے پوری طرح موزوں نہیں رہے۔ اس لیے MENAخطے کے ممالک اور پاکستان کی ایک دوسرے پر توجہ کے ارتکاز کی وہ سطح نہیں رہی۔ جنوبی اور وسطی ایشیا میں آنے والی تبدیلیاں ہمارے لیے زیادہ اہمیت رکھتی ہیں۔ مشرقی وسطی اور شمالی افریقا کے تناظر میں پاکستان صرف حاشیے پر ہے۔ چین کے بی آر آئی منصوبے میں ہماری بڑھتی حصے داری اور سی پیک کی بنا پر ایران اور وسطی ایشیا پاکستان کے لیے زیادہ اہم ہوچکے ہیں۔
بی آر آئی کے بنیادی جزو سی پیک کی وجہ سے اقتصادی تعاون تنظیم پھر توجہ کا مرکز بنی ہے۔ ای سی او 1985میں قائم ہوئی تھی، یہ بنیادی طور پر امریکا اور برطانیہ کی ایما پر بننے والی اور ایران، پاکستان ، ترکی پر مشتمل علاقائی تعان تنظیم (آر سی ڈی) کی بنیاد پر تشکیل دی گئی تھی جس نے خطے میں ہونے والے کمیونسٹ مخالف بغداد پیکٹ اور سینٹو کی جگہ لی۔ 1992میں ای سی او میں سات ممالک ؛ افغانستان ، آذر بائیجان، قزاقستان، کرغزستا، تاجکستان، ترکمانستان اور ازبکستان شامل ہوئے۔ اس تنظیم میں شامل ممالک کا مجموعی رقبہ یورپ سے دگنا ہے، یہ دنیا کے کام یاب ترین علاقائی صف بندیوں میں شمار ہوتی ہے، 80لاکھ مربع کلو میٹر پر پھیلے اس خطے کی آبادی(2013کے اعداد و شمار کے مطابق) 44کروڑ ہے جو دنیا کی آبادی کا 6فی صد سے زائد بنتا ہے۔ اس خطے کی حدود روس، چین، بحیرہ ہند، خلیج فارس اور بحر گیلان کی ترائیوں سے متصل ہیں۔ 2015 میں اس خطے کا تجارتی حجم 68ارب ڈالر سے زائد اور مجموعی جی ڈی پی تقریبا 2ارب ڈالر تک رہا۔ اس خطے کا اوسط فی کس جی ڈی پی 4300 امریکی ڈالر تھا۔ 2015میں خطے میں ہونے والی بیرونی براہ راست سرمایہ کاری 37ارب ڈالر سے تجاوز کرگئی تھی۔ چین کے بی آر آئی منصوبے کا محور اور مرکزی انحصار بھی اسی خطے پر ہے۔ سی پیک کے بانی کے طور پر چین نے پاکستان کے معاشی مسائل دور کرنے میں مدد کی اور روس ان حالات میں ایک نئے اتحادی کے طور پر سامنے آیا۔ یہ حالات آج ہماری خارجہ پالیسی کی صورت گری کررہے ہیں۔
یورپ اور ایشیا کے مابین پل کی حیثیت رکھنے والے ای سی او ممالک میں ریل کی نقل و حمل کے لیے 55ہزار کلو میٹر طویل پٹڑیوں کا جال ہے۔ اس میں پاکستان، ایران اور ترکی کا سہ فریقی نیٹ ورک ہے جس میں سڑک، ریل، فضائی اور آپٹک فائبر کے ذرائع مواصلات شامل ہیں۔ اسلام آباد سے براستہ تہران استنبول کا ساڑھے چھے ہزار کلومیٹر طویل فاصلہ 14سے 16دنوں میں طے کیا جاسکتا ہے۔ اس کے مقابلے میں کراچی سے ترک بندرگاہوں تک بحری سفر میں چالیس سے پینتالیس دن لگتے ہیں۔ سوئفٹ ٹرین کا ایک معاہدہ تقریبا طے پاچکا ہے جس سے یہ سفر پندہ سے دس دن کم ہوجائے گا۔ ترکی، ایران، ترکمانستان، ازبکستان، قزاقستان کو باہم مربوط کرنے والے ریل پٹڑیوں کے جال سے خلیج فارس، خلیج عمان، ایشیائی ممالک ، چین ، روس ، ترکی اور یورپ کے فاصلے سمٹ جائیں گے۔ اس سے قزاقستان کے ساتھ ترکمان اور ازبک بارڈر سے ایران تک کے سفر میں 600کلو میٹر کمی آئے گئی اور دو دن کا سفر کم ہوجائے گا۔ قزوین سے رشت تک کا ایران و آذر بائیجان کا 164کلو میٹر کا حصہ پورا ہوچکا ہے جس کے بعد قزوین، رشت اور استرا کی شاہراہ 60فیصد مکمل ہوچکی ہے۔ ایران کے ذریعے خلیج فارس کو وسطی ایشیا سے جوڑنے کے لیے قزاقستان، ترکمانستان اور ایران کے مابین بننے والے ریلوے نیٹ ورک سے خطے کی بندرگاہوں تک رسائی بڑھ جائے گی۔ اس طرح خلیج فارس کی بندرگاہوں سے یورپی ممالک تک براہ راست ریلوے راستہ بن جائے گا۔
طوالت میں نہر سوئز سے تین گنا چھوٹی کئی یوریشیائی راہداریاں کیسپین سے قزاقستان تک کاروباری و سماجی مواقعے اور ماحول کے امکانات پیدا کرسکتی ہیں۔ اس خطے میں بننے والے راستے اقتصادی تعاون کی ٹھوس بنیادیں فراہم کرتے ہیں۔ یہ خطہ قدرتی گیس، معدنیات، تیل اور وسائل سے مالا مال ہے، اس کی جغرافیائی اہمیت اپنی جگہ ہے۔ اس اعتبار سے یورپ تا افریقا ذرائع مواصلات اور رسل و رسائل کو فروغ دینے کے لیے اس سے بہتر زمین کوئی نہیں۔ ای سی او میں پائے جانے والے کئی قدرتی وسائل ابھی تک دریافت بھی نہیں ہوئے۔ ان چھپے ہوئے خزانوں کی وجہ سے یہ خطہ عالمی ترقی کا انجن ثابت ہوگا۔
ان حقائق کا ادراک کرتے ہوئے عالمی اقتصادی فورم نے پاکستان کو یوریشیا گروپ میں شمولیت کی دعوت دی ہے۔ یہ وہ کمیونٹی ہے جو بے یقینی اور بحرانوں کے اس دور میں شراکت اور باہمی تعاون کے لیے علاقائی قربتوں پر مو¿ثر انداز میں کام کررہی ہے۔ یہ گروپ یوریشیائی خطے میں ترقی کے نئے تناظر اور یوریشیا کی ڈیجیٹل میدان میں نئی صورت گری کے لیے مسلسل رابطے میں رہتا ہے۔ دسمبر میں اس گروپ کی ہونے والی ورچوئل میٹنگ میں پاکستان بھی شریک ہوگا۔ امریکا کے ساتھ پاکستان کی دیرنہ وابستگی مدہم پڑ رہی ہے، ہم اپنے پڑوسی ایران اور خود انحصاری کی جانب گامزن ترکی کے زیادہ قریب ہورہے ہیں ایسے حالات میں پاکستان کے لیے یہ غیر معمولی پیش رفت ہے، جس کے طویل عرصے سے ہمیں ضرورت بھی تھی۔
تحریک انصاف کی حکومت میں پاکستان نے معیشت اور ادارووں کی بہتری کے لیے اصلاحات کا طویل اور صبر آزما راستہ چنا ہے۔ ہمارے تباہ حال انتظامی اداروں، بیورکریسی ، نظام تعلیم اور دیگر مسائل کے لیے یہ ضروری تھا۔ اس جانب پہلا قدم بڑھایا جاچکا ہے لیکن ابھی طویل سفر باقی ہے۔ دنیا بھر کی طرح کورونا وبا نے ہماری معیشت کو بھی ڈگمگا دیا لیکن اپنے کمزور نظام صحت کے باوجود ہم اس بحران سے کام یابی سے نکل گئے ہیں۔ حال ہی میں سی این این کے معروف صحافی و تجزیہ کار فرید زکریا سے بات کرتے ہوئے امریکا کے سابق سیکریٹری خزانہ، ہارورڈ یونیورسٹی کے صدر اور مایہ ناز ماہر اقتصادیات لارنس سمر نے کہا کہ اگر امریکا پاکستان کی طرح کورونا وائرس وبا سے نمٹتا تو کھربوں ڈالر بچائے جاسکتے تھے۔ مشکلات اور مسائل اپنی جگہ لیکن ہم نے ان حالات میں ایسی کامیابیاں حاصل کی ہیں جن سے گپ اندھیرے میں کئی چراغ روشن ہوئے ہیں۔
اگرچہ یہ محض ابتدا ہے لیکن پاکستان کو یوریشیا کی اہمیت کا ادراک کرنے اور عوام کو اسے باور کروانے کے لیے بہت کچھ کرنے کی ضرورت ہے۔ ترکی اس کی بہترین مثال ہے جو بدلتے حالات کے مطابق اپنے قومی مفاد میں اپنی معاشی پالیسیاں اور مستقبل کی راہیں متعین کررہا ہے۔ اسی طرح ہمیں بھی اپنے لیے آزادی اور اعتماد کے ساتھ اپنے راستے تلاش کرنا ہوں گے۔ اس سلسلے میں پاکستان کی یوریشیا گروپ میں نمائندگی درست جانب اٹھنے والا قدم ہے۔
(فاضل کالم نگار سیکیورٹی اور دفاعی امور کے تجزیہ کار ہیں)

باب العلم سیّدناحضرت علی رضی اللہ عنہ کافرمان ذیشان ہے ،”میں نے ربّ کو اپنے اِرادوں کے ٹوٹ جانے سے پہچانا“۔اِنسان کیلئے اپنے”اِرادوں“کوبنانااوربگاڑنا بہت آسان ہے لیکن”اداروں“کے قیام ،دوام اوراستحکام کیلئے اقوام کو دوررس” فیصلے” اور طویل”فاصلے“طے کرناپڑتے ہیں۔ معاشرے کیلئے”کرداروں“میں ضرورت اور سہولت کے تحت کسی وقت بھی تبدیلی ہوسکتی ہے لیکن اس کے باوجود ان کی اہمیت بارے کوئی دورائے نہیں تاہم متمدن اورخوشحال ریاست کیلئے فعال “اِداروں “کاکوئی متبادل نہیں۔ قیام پاکستان کاکریڈٹ اس کے معماروں یعنی تحریک آزادی میں شریک “کرداروں “کوجاتا ہے لیکن استحکام پاکستان اوراس کی بقاءوبہبود کیلئے ہم “اداروں ” پرانحصار کئے بغیر نہیں رہ سکتے ۔قدرت نے جس طرح انسانیت کی فلاح اوراصلاح کیلئے اپنے محبوب، رحمت دوجہاں سرورکونین حضرت سیّدنامحمدرسول اللہ خاتم النبیّن صلی اللہ علیہ وآلہ واصحبہٰ وسلم کومنتخب کیا، اس طرح قیام پاکستان کیلئے قائداعظم محمدعلی جناح ؒ جبکہ استحکام پاکستان کیلئے ڈاکٹرعبدالقدیرخان اورافواج پاکستان کا انتخاب کیا،یقینا اللہ رب العزت کا ہر انتخاب لاجواب ہے۔فرانس میں خاکے بنانیوالے حقیر ترین بلکہ دنیا جہان کے بدترین لوگ تاجدارانبیاءحضرت محمد مجتبیٰ صلی اللہ علیہ وآلہ واصحبہٰ وسلم تودرکنارآپ کے نعلین پاک کی خاک کی شان سے بھی نابلدہیں اوراس میں ذرہ برابر کمی نہیں کرسکتے ۔میںموضوع کی طرف واپس آتاہوں ،پاکستان کوایٹمی طاقت بنانے کیلئے ذوالفقارعلی بھٹو اور ڈاکٹر عبدالقدیر خان سمیت ہمارے انتھک ایٹمی سائنسدانوں کی صورت میں” کرداروں” نے جو اپنا اپنا رول پلے کیا وہ قابل قدربلکہ قابل رشک ہے لیکن اگر اِن تاریخی”کرداروں” کوریاست کے حساس اورفرض شناس “اداروں” کی طرف سے مسلسل اورانتہائی پیشہ ورانہ مہارت کےساتھ پشت بانی اورنگہبانی حاصل نہ ہوتی توخدانخواستہ یہ کہانی ادھوری رہ جاتی۔بھارت کواس کی اوقات میں رکھنا ہمارے قابل فخر کرداروں اورقابل رشک اداروں کی پاکستانیت کاغماز ہے ۔دشمن قوتوں نے کئی بار پاکستان کے ایٹمی اثاثوں کیخلاف سازشوں کاجال بنالیکن ہمارے مستعد اداروں نے ہرباران کی مذموم سازش ناکام بنادی۔
بانی پاکستان محمدعلی جناحؒ اور محسن پاکستان ڈاکٹرعبدالقدیرخان دونوں بینظیر شخصیات کی گرانقدر قومی خدمات اوران کے اوصاف حمیدہ سے کوئی انکار نہیں کرسکتا۔ قادروکارساز اللہ رب العزت کی خاص رحمت اورعنایت سے مادروطن پاکستان کی زندہ ضمیر شخصیت ڈاکٹر عبدالقدیر خان کی تدبیر سے پاکستان کی تقدیرسنور گئی۔قلم قبیلے کے سرخیل اورمحسن پاکستان ڈاکٹرعبدالقدیرخان نے دشمن ملک بھارت کی جارحیت کاناطقہ بندکرنے کیلئے پاکستان کو ایٹمی طاقت بنادیا ۔بھارت نے اپنے مسلمان ایٹمی سائنسدان کو صدرمنتخب کرلیاجبکہ ہم نے اپنے ایٹمی سائنسدان کو ایوان صدر میں مسندصدارت پرمتمکن کرنے کی بجائے ان کی رہائشگاہ کوان کیلئے زندان بنادیا۔ ڈاکٹرعبدالقدیرخان کو آزادانہ اپنے مداحوں سے ملنے اور ایک شہرسے دوسرے شہرجانے کی اجازت نہیں،اگرصدرمملکت اوروزیراعظم سکیورٹی کے حصار میں کسی بھی مقام پرآجاسکتے ہیں توپھر ڈاکٹرعبدالقدیرخان پرقدغن کیوں ۔پاکستان اورپاکستانیوں کی آزادی کودرپیش خطرات دورکرنیوالے ڈاکٹرعبدالقدیرخان کی آزادی کیوں سلب ہے۔وہ ضمیر کے قیدی کی حیثیت سے اپنے گھر پر نظربندی کی کیفیت میںپاکستانیت کی قیمت چکارہے ہیں۔ ڈاکٹرعبدالقدیرخان کے شایان شان انہیں سکیورٹی کی فراہمی ہمارے قومی اداروں کافرض اوران پرقرض ہے کیونکہ انہیں گھر تک محدودیاگھر میںمحصوررکھنا ہرگز مناسب نہیں۔ڈاکٹرعبدالقدیرخان ریٹائرمنٹ کے باوجود آج بھی ملک وقوم کی خدمت کررہے ہیں ۔شہرلاہورمیں مینار پاکستان کے سایہ تلے ڈاکٹراے کیوخان ہسپتال کاقیام ڈاکٹرعبدالقدیرخان کی اِسلامیت ،اِنسانیت اورپاکستانیت کاآئینہ دار ہے۔مجھے تعجب ہے عمران خان کوشوکت خانم کینسر ہسپتال کی تعمیر کیلئے توسرکاری اراضی دے دی گئی جبکہ اوقاف کے سابقہ چیئرمین صدیق الفاروق نے ڈاکٹر عبدالقدیرخان اوران کے معتمدڈاکٹرشوکت ورک کو ڈاکٹراے کیوخان ٹرسٹ ہسپتال کے قیام کیلئے بھاری رقم کی فراہمی پرمجبور اوران کاقیمتی وقت بھی برباد کیا۔16کینال اراضی پرمحیط ڈاکٹراے کیوخان ہسپتال معاشرے کی ثروت مند اور دردمندشخصیات کے عطیات سے معرض وجود میں آیااور صلہ رحمی کے تحت انسانیت کی انتھک خدمت کررہا ہے۔ڈاکٹرعبدالقدیرخان اور ڈاکٹرشوکت وِرک دونوں Trustworthy” ” اوران کی خدمات سودوزیاں سے بے نیازہیںاِسلئے ڈاکٹراے کیوخان”Trust” کی کامیابی وکامرانی اورنیک نامی نوشتہ دیوار ہے۔جس بھی ثروت مندشخص کوڈاکٹراے کیوخان ہسپتال کی مختلف ضروریات بارے معلومات ملی ہیں وہ عطیہ دینے میں پیچھے نہیں رہا۔ڈاکٹر اے کیوخان ہسپتال کے مختلف شعبہ جات کوڈونرز یاان کے پیاروں کے نام سے منسوب کردیا جاتاہے۔مینار پاکستان،راوی پارک اوراس کے مضافات میں آباد لوگ ڈاکٹراے کیوخان ہسپتال کی مفت طبی سہولیات سے مستفیدہورہے ہیں،ان لوگوں نے ڈاکٹر عبدالقدیرخان اوران کے ڈونرز کواپنی وفاﺅں اوردعاﺅں کامحورومرکز بنالیا ہے،زیرتعمیر ڈاکٹر اے کیوخان ہسپتال کی تکمیل کیلئے مزیدڈونرز کوآگے آناہوگاکیونکہ کثیرفنڈز کی مسلسل فراہمی کے بغیر یہ ہسپتال اپنی تاثیر اور اپنا وجود برقرار نہیں رکھ سکتا ۔ اوورسیز پاکستانیوں کے دل بھی ہم وطنوں کے ساتھ دھڑکتے ہیں اورانہوں نے ہردورمیں زمینی وآسمانی آفات کے دوران مصیبت زدگان کی بحالی وآبادکاری کیلئے اپنے وسائل نچھاور کئے ہیں ۔اوورسیزپاکستانیوں کوبھی ڈاکٹراے کیوخان ہسپتال کی تعمیروتکمیل اوراسے آپریشنل رکھنے کیلئے اپنے عطیات کارخ اِس کی طرف موڑناہوگا۔پچھلے دنوں ڈاکٹراے کیوخان ہسپتال کے سی ای او،سینئر صحافی اورمنفرداسلوب کے کالم نگارڈاکٹر شوکت وِرک کی طرف سے ورلڈکالمسٹ کلب کے عہدیداران اورارکان کے اعزازمیں پروقار ظہرانہ کااہتمام کیاگیا جس میں اِسلام آباد سے سینئر صحافی اورایڈیٹر سردارمرادعلی خان ،شہرلاہور سے سینئر کالم نگاروتجزیہ کار میاں حبیب اللہ،برادرم سلمان پرویز،محمداشرف عاصمی ایڈووکیٹ،محمداویس رازی ،قاضی منشاء،ناصف اعوان ،برادرم ناصرعباس چوہان ایڈووکیٹ،پروفیسر عارف انجم ، مرزا رضوان ،رانافیاض امین ایڈووکیٹ اورفاروق تسنیم خصوصی طورپرشریک ہوئے۔کالم نگار برادرم مرزارضوان جب بھی قلم قبیلے کی کسی تقریب میں والہانہ انداز سے بارگاہ رسالت میں ہدیہ ”نعت“پیش کر تے ہیں تو ان کی یہ سعادت عشاق کیلئے بیش قیمت ”نعمت “بن جاتی ہے۔ مرزارضوان اپنے منفرد انداز سے نعت سناتے وقت قلوب میں گداز پیداکرتے چلے جاتے ہیں۔ ظہرانہ کے میزبان ڈاکٹر شوکت وِرک نے ورلڈ کالمسٹ کلب سے وابستہ کالم نگاروں کوڈاکٹرعبدالقدیرخان کی طرف سے نیک خواہشات کاپیغام پڑھ کر سنایا۔ شوکت وِرک نے ورلڈ کالمسٹ کلب کے ارکان کو ہسپتال کے مختلف شعبہ جات کا دورہ کروایا اوران کونہایت عمدگی سے بریف کیا ۔ہسپتال میں جدید طبی سہولیات میسر ہیں جبکہ اس کی فیس نہ ہونے کے برابر ہے ۔ ڈاکٹر عبدالقدیرخان اورڈاکٹرشوکت وِرک کے صادق جذبوں نے ان کادیرینہ خواب شرمندہ تعبیر کر دیا ہے ۔اس سلسلہ میں شہرلاہور کے سابقہ ڈپٹی میئر نیک نام حاجی امین بٹ مرحوم کے فرزند ارجمند قیصرامین بٹ کاکردار بھی اہلیان لاہور کیلئے سرمایہ افتخار ہے، ڈاکٹر عبدالقدیرخان کی طرح قیصر امین بٹ بھی ڈاکٹر اے کیوخان ہسپتال سے مستفید ہونیوالے مستحق مریضوں کی دعاﺅں میں مستقل حصہ دار ہیں۔ مخیر حضرات کے عطیات سے بنے ڈاکٹر اے کیوخان ہسپتال کی”شان وشوکت“ اوراس کے درودیوار سے جھلکتا جدید ”وَرک” برادرم“شوکت وِرک“کے ویژن کاآئینہ دار ہے۔
ڈاکٹرعبدالقدیرخان پاکستانیوں کے مسیحا ،محسن اورمحبوب ہیں۔ملک بھر میں نمازی جہاں استحکام پاکستان کیلئے انفرادی واجتماعی دعا کرتے ہیں وہاں انہیں بزرگ وبرتراللہ تعالیٰ کی پاک بارگاہ میں ڈاکٹر عبدالقدیر خان کی صحت وتندرستی اوردرازی عمر کیلئے فریاد کرناہرگزنہیں بھولتا کیونکہ ایٹمی سائنسدان نے کسی بھی مرحلے پروطن اوراپنے ہم وطنوں کوتنہا نہیں چھوڑا ۔ڈاکٹرعبدالقدیرخان نے پاکستان کو اسلامی ملکوںکی پہلی اوردنیا کی ساتویں ایٹمی طاقت بنا تے ہوئے تاریخ رقم کردی جبکہ بھارت کاغرورچکناچورکردیا۔ پاکستان کاعام آدمی اپنے قومی ہیرو، محسن اورمحبوب ڈاکٹرعبدالقدیرخان کواپنے درمیان دیکھنا ،ان سے ملنا اور انہیں سننا چاہتا ہے۔ ڈاکٹرعبدالقدیرخان مسلسل کئی دہائیوں سے پاکستانیوں کی زندگی میں آسانیاں پیداکررہے ہیں توپھر اس محسن پاکستان کی زندگی کس نے اورکیوں دُشواربنادی ہے۔ محسن پاکستان کادل آج بھی اپنے محبوب وطن اور ہم وطنوںکیلئے دھڑکتا جبکہ یہ درویش اوردوراندیش ہرپل پاکستانیوں کے روشن اورمحفوظ مستقبل کیلئے سوچتا ہے۔ وہ عمر کے اس حصہ میں بھی اہل وطن کی خدمت کیلئے مستعد ہیں۔ ڈاکٹر عبدالقدیر خان بیشک ایک بڑے انسان ہیں ،انہیں ڈاکٹراے کیوخان ہسپتال کی تعمیر کیلئے دوبار اوقاف کے دومختلف سربراہان کی دہلیز پرجاناپڑا ،یقینا وہ آئندہ بھی کسی بڑے ڈونر کادروازہ کھٹکھٹانے میں ہچکچاہٹ محسوس نہیںکریں گے۔پاکستان میں ڈاکٹر عبدالقدیرخان کا منفردمقام یقینا ان کے تاریخی کام کاانعام ہے۔ ڈاکٹر عبدالقدیر خان کی عزت وعظمت کسی منصب کی محتاج نہیں ،وہ حکمران نہ ہوتے ہوئے بھی کئی دہائیوں سے ہم وطنوں کے قلوب پرراج کر رہے ہیں۔ ڈاکٹراے کیوخان ہسپتال کے قیام کو ملک میںمحسن پاکستان کی سماجی خدمات کی شروعات قراردینا بیجا نہیں ہوگا۔پاکستان سمیت دنیا بھرمیں شعبہ صحت نے ایک طرح سے صنعت کا روپ دھار لیا ہے لہٰذاءڈاکٹراے کیوخان ہسپتال کاوجود اس ہوشربا مہنگائی کے دورمیں مستحق بیمار شہریوں کیلئے تازہ ہواکاجھونکا ہے۔ اوورسیز پاکستانیوں سمیت انسانیت کی خدمت کیلئے سرگرم ڈونرز حضرات اپنی سہولت دیکھتے ہوئے پہلی فرصت میں ڈاکٹراے کیوخان ہسپتال کادورہ ضرورکریں انہیں ہسپتال میں دستیاب سہولیات کا اعلیٰ معیاردیکھتے ہوئے خوشگوار حیرت ہوگی۔میں انتہائی وثوق سے کہتا ہوںان کی ایک ایک”پائی“ کومستحقین کے وسیلے سے بارگاہ الٰہی میں”رسائی” ضرورملے گی۔اللہ تعالیٰ ان سے راضی اورا س کی رضا سے ان کادسترخوان مزید کشادہ ہو گا۔

جو بھی خرچ کیا جائے وہ صدقات نافلہ ہیں یا فرائض صدقات ہیں‘ خیرات دی جاتی ہو یا اللہ کے نام پہ خرچ کیا جاتا ہو‘ اپنی نمائش اور لوگوں پر رعب جمانے کے لیے خرچ کیا جاتا ہو یا آخرت سنوارنے کے لئے خرچ کیا جا رہا ہے کتنا خرچ کیا گیا ہے‘ کہاں خرچ کیا گیا ہے‘ کس ارادے سے خرچ کیا گیا ہے‘ یا جو نذر مانی جاتی ہے‘ اللہ کریم اس سب سے واقف ہے۔ ہمارے ہاں اکثر نذر مانی جاتی ہے‘ اور اس کا مسئلہ بڑا سادہ اور اور سیدھا ہے۔ ایک بات یاد رکھیں کہ قسم صرف اللہ کی کھانا جائز ہے اور نذر صرف اللہ کی ماننا جائز ہے۔ جس کی قسم کھائی جائے ایک طرح سے بات اس طرح سمجھی جاتی ہے کہ جس کی قسم میں کھا رہا ہوں وہ اس بات پہ شاہد ہے‘ وہ گواہ ہے‘ وہ جانتا ہے‘ وہ دیکھتا ہے‘ اسے پتہ ہے۔ یہ ساری صفات ذات باری تعالیٰ کی ہیں لہٰذا اللہ کے سوا کسی بھی دوسری ہستی کی قسم کھانا جائز نہیں ہے بلکہ حرام ہے اور اگر یہ سمجھ کر کھائی جائے کہ فلاں ہستی اللہ کی طرح میرے حال سے واقف ہے تو شرک ہے۔ اسی طرح جو نذر مانی جاتی ہے‘ جیسے یہ پیر صاحب کی نذر ہے‘ یہ فلاں بزرگ کی نذر ہے‘ یہ فلاں کی ہے‘ یہ درست نہیںہے۔ نذر صرف اللہ کی مانی جائے گی۔نذر کا دوسرا قاعدہ یہ ہے کہ ازقسم فرض ہو لیکن فرض نہ ہو۔ یعنی جو بھی نذر مانی جائے وہ ازقسم فرض ہونی چاہیے‘ جیسے نماز فرض ہے‘ روزہ فرض ہے‘ حج فرض ہے‘ زکوٰة فرض ہے۔ اب کسی نے حج کیا ہوا ہے تو یہ نذر مان سکتا ہے کہ اللہ تعالیٰ میری یہ مصیبت دور فرمادے‘ یا میرا یہ کام کر دے تو میں نفلی حج کروں گا۔ جو حج فرض ہے اس کی نذر نہیں‘ وہ تو اس پر فرض ہے۔ یہ نذر مان سکتا ہے کہ میں نفلی حج کروں گا یا اللہ نے میری یہ خواہش پوری کردی تو میں اللہ کی رضا کے لئے عمرہ کروں گا یا میں بیت اللہ کا طواف کروں گا‘ یہ نذر مانی جائے گی۔ نماز فرض ہے نماز کی قسم سے نذر مانی جا سکتی ہے۔ کوئی کہے اگرمیرا یہ کام ہو گیا تو میں دس نوافل پڑھوں گا‘ بیس نفل یا سو رکعت نفل پڑھوں گا۔ یہ نذر نہیں ہو گی کہ اگر میرا یہ کام ہو گیا تو میں ظہر کی نماز پڑھوں گا۔ظہر کی نماز تو فرض ہے۔ یعنی فرض نہ ہو لیکن از قسم فرض ہو۔ زکوٰة فرض ہے تو بندہ نذر مان سکتا ہے کہ اللہ کریم میری یہ مصیبت دور ہو گئی یا میرا یہ کام ہو گیا یا میری یہ پریشانی دور ہو گئی تو میں اللہ کی راہ میں اتنے روپے تقسیم کروں گا چونکہ یہ از قسم فرض ہے۔ زکوٰة فرض ہے تو پیسہ خرچ کرنا اس کی قسم سے ہے۔ آپ اللہ کی نذر مانیں اور جب وہ بات پوری ہو جائے تو نذر کا پورا کرنا بھی فرض ہے۔ پھر ضروری ہے کہ وہ پوری کی جائے۔ اسی طرح روزہ فرض ہے تو رمضان کے روزوں کی نذر نہیں مانی جائے گی لیکن یہ نذر مانی جا سکتی ہے کہ اگر میرا یہ کام ہو گیا تو میں نفلی روزے رکھوں گا۔ اپنی حاجات کو اللہ کے حضور پیش کرے‘ اللہ ہی سے مدد چاہے اور اللہ کی رضا کے لئے ا ز قسم فرائض نذر مانے تو درست ہے اور اس کے علاوہ نذر کے نام سے جو کچھ کیا جاتا ہے‘ وہ فضول ہے۔ غیر اللہ کی نذر ماننا حرام ہے اوراگر اللہ کی ذاتی صفات اس میں شامل کرتے ہوئے مانی جائیں تو پھر وہ شرک ہو جاتا ہے۔ اللہ کی ذات میں بھی کوئی شریک نہیں‘ اس کی صفات میں بھی کوئی شریک نہیں۔ اللہ کی صفات اگر غیر اللہ میں مانی جائیں تو یہ بھی شرک ہو جائے گا۔
جو چیز تم خرچ کرتے ہو‘ جو بات کرتے ہو‘ جو تعلیم کسی کو دیتے ہو‘ صاحب اقتدار ہو تو جو فیصلے کرتے ہو‘ کسی کی سفارش کرتے ہو‘ کسی کو سزا دیتے ہو‘ اللہ کی راہ میں اللہ کی دی ہوئی قوتوں میں سے جو قوت خرچ کرتے ہو‘ صحیح کر رہے ہو یا غلط یا جو نذر مانتے ہو‘ وہ تم نے درست مانی یا غلط‘ جب اللہ نے پوری کردی تو تم نے اپنا وعدہ پورا کیا یا نہیں۔ اللہ کو سب علم ہے۔ ہر چیز کا وہ خود مشاہدہ فرما رہا ہے۔ جو لوگ بے جا کام کرتے ہیں‘ ظلم کرتے ہیں‘ غلطی کرتے ہیں یا نذر ہی غلط مانتے ہیں یا پیسہ غلط خرچ کرتے ہیں یا غلط نیت سے غلط ارادے سے کرتے ہیں یا دین کا نام لیتے ہیں اور فائدہ دنیا کا چاہتے ہیں‘ نیکی کے نام پر شہرت چاہتے ہیں تو ان باتوں سے اللہ کریم واقف ہیں۔ جو بے جاکام کرے گا‘ غلط کام کرے گا‘ بارگاہ الوہیت میںاس کا کوئی حمایتی نہیں ہو گا۔اگر اعلانیہ اللہ کی راہ میں خرچ کیا جا رہا ہو تو بہت اچھی بات ہے‘ اس میں کوئی برائی نہیں ہے لیکن خرچ اللہ کی رضا کے لئے ہو‘ اپنی بڑائی کے لئے‘ اپنی شہرت کے لئے‘ دوسروں پر احسان جتانے کے لئے نہ ہو۔ اللہ کی رضا کے لئے اگر ظاہراً لوگوں کے سامنے بھی خرچ کرتے ہو تو وہ بہت اچھی بات ہے۔
اللہ کا تم پر جو احسان ہے وہ بیان کرو۔اس کے تحت مفسرین کرام نے لکھاہے کہ کوئی اپنی حیثیت کے مطابق اچھے کپڑے پہنتا ہے تو یہ ظاہر ہوتا ہے کہ وہ آسودہ حال ہے تو یہ بھی اللہ کا شکر ادا کرنے کا ایک طریقہ ہے۔ دوسروں پر رعب ڈالنے کے لئے نہیں بلکہ اللہ کا شکر ادا کرنے کے لئے اپنی حیثیت کے مطابق گھر بناتا ہے‘ اپنی حیثیت کے مطابق اس کے پاس موٹر ہے‘ بچوں کو تعلیم دلاتا ہے‘ گھر والوں کو رہائشی اخراجات دیتا ہے تو یہ نمائش نہیں ہے بلکہ یہ اللہ کی نعمتوں کے شکر کا ایک طریقہ ہے۔ یہ نہ ہو کہ کروڑوں دبا کر بیٹھا ہو اور بچے بھوکے مر رہے ہوں یا انہیں تعلیم نہ مل رہی ہو یا پھٹے پرانے کپڑے پہنے ہوئے ہوں تو یہ ناشکری ہے۔ اگر تم ظاہراً بھی خرچ کرتے ہو یا اللہ کی رضا کے لئے غریب پروری کرتے ہو‘ مساکین کو دیتے ہو‘ بیماروں کا علاج کراتے ہو‘کسی کو قید سے چھڑاتے ہو‘ کسی کی مدد کرتے ہو تو ظاہراً کرنا بھی بہت اچھی بات ہے۔ اس میں کوئی برائی نہیں ہے لیکن مشکل کام ہے۔ ظاہراً کرتے ہو تو اس میں خلوص ضروری ہے۔ اس میں ریا نہ آ جائے‘ اپنی بڑائی کا شائبہ نہ آ جائے‘ اپنی شہرت کی بھوک نہ آ جائے بلکہ اس میں خلوص قائم رہے اور جو ظاہراً دے کر سمجھتا ہے کہ یہ مشکل ہے کہ میں خلوص قائم رکھ سکوں! تو پھر چھپا کر دو‘ لوگوں کو نہ دکھاو¿‘ اللہ کی راہ میں پوشیدہ خرچ کرو۔ اور اللہ کے ضرورت مند بندوں کی مدد کرو۔ وہ ہمارےے لئے بہتر ہے چونکہ اللہ تو ظاہر سے بھی واقف ہے پوشیدہ سے بھی واقف ہے‘ وہ ہمارے دینے کو بھی جانتا ہے‘ ہماری نیت اور ارادے کو بھی جانتا ہے کہ ہماری طلب کیا ہے۔

تحریر: ماریہ رشید ملک
قوموں کی زندگی میں ِفلاحی ریاست کا مقا م وہ منزل خیرہوتی ہے جس کی تمنا اورجدوجہد ہر زندہ دل شہری اور ہر شفیق اور راہ راست کی طالب حکومت کرتی ہے۔فلاحی ریاست کی پختہ بنیاد ریاست میں رہنے والے بے گھر افراد کےلئے حکومتی دست شفقت سے رکھی گئی چھت کی بنیاد سے احسن اندازمیں رکھی جاسکتی ہے۔اس ضمن میں حکومت وقت کی کاوشیں اور بالخصوص وزیر اعظم پاکستان کا فلاحی ریاست کاپرجوش نظریہ قابل تحسین ہے
وفاقی حکومت نے کم آمدنی والے افراد کے لئے گھرنوں کی فراہمی اور تعمیراتی شعبے کےلئے خصوصی پیکیج کا اعلان کیاہے اورخصوصی دلچسپی لے کراس پراجیکٹ کو عملی جامہ پہنا یا جارہا ہے ۔حکومت کا نیا پاکستان ہاوسنگ پرواگرام کم آمدنی والے گھراںکےلئے بھرپور حکومتی تعاون کے ساتھ اپنے سائبان کی نوید ہے ۔تنخواہ دار طبقہ اور وہ گھرانے جو روزمر ہ ضروریات زندگی کوپوراکرنے میں مصروف رہتے ہیں انکے لئے اپنے گھر کاخواب شرمندہ تعبیر ہونا کسی معجزہ سے کم نہیں ہے۔ وفاقی حکومت نے اپنا گھر سکیم کے تحت ایسے ہی ضرورت مند افراد کو سہارا دینے کےلئے پالیسی ترتیب دی ہے ۔ ذاتی رہائش کےلئے مکان کی خریدفروخت پر ایک مرتبہ کپیٹیل گین ٹیکس کو معاف کردیا گیا ہے یہ ٹیکس چھوٹ 500مربع گزمکان یا4000مربع فٹ اپارئمنٹ پر نافذالعمل ہوگی ۔یہ ٹیکس چھوٹ کی رقم یقینا انتہائی کم آمدنی والے افراد کا قلیل سرمایہ مکان کی اصل قیمت کی ادائیگی میں شامل ہوکر حکومتی احساس کا ترجمان ثابت ہوگی ۔
مزید برآں کم آمدنی والے افراد کی مالی استعد اد بڑھانے کی مد میں حکومت پاکستان نے 30ارب روپے کی رقم بطور سبسڈی مختص کی ہے جو مکان کی تعمیر اور حصول ممکن بناگی ۔ کو حکومت وقت نے نیا پاکستان ہاوسنگ پروگرام کے تحت انتہائی کم آمدنی والے طبقے کےلئے بنائے جانے والے ایک لاکھ گھروں پر3لاکھ فی کس تعمیر کی سبسڈی کا وعدہ کیا ہے ۔اس طبقے کےلئے بنائے جانے والے گھروں کی تعمیر پر 90%تک ٹیکس چھوٹ بھی دی جارہی تا کہ تعمیر اتی سرمایہ کار ایسے گھروں کی تعمیر کو ترجیحی بنیادوں پر تعمیر کر اسکے ۔اس کے علاوہ اس طبقے کے گھر کی تعمیر کےلئے آسان قرضہ کی سہولت بھی بہم پہنچائی گئی ہے ۔پانچ مرلہ مکان کےلئے قرضہ کی رقم پر مارک اپ5% جبکہ دس مرلہ مکان کےلئے لیا گیا قرضہ 7%مارک اپ پر عوام کو میسر آسکے گا ۔
رہائشی مکانوں کےلئے دئے گئے تعمیر اتی پیکج سے ناصرف کم آمدن طبقہ گھرکی چھت جیسی نعمت سے مستفید ہوگا بلکہ یہ ملکی معیشت کو بھی بڑے پیما نے پر حرکت میں لاتے ہوئے معاشی ترقی کی راہ ہموار کرئے گی ۔تعمیر اتی شعبے میں معاشی لین دین معیشت کو سہارا دے گا بلکہ مستحق افراد کو گھر دلانے کا یہ نیک کام بے شک مشعت ایدی کو بھی شامل حال کرکے ملکی معیشت میں برکت کاباعث بنے گا ۔وزیراعظم پاکستان کئی بار اس عزم کا اعادہ کرچکے ہیںکہ غریب بے سہارا طبقہ کو بنیادی سہولتوں کی فراہمی ہی حکومت کا اولین فریضہ ہے۔ جو نہ صرف حکومت کو انسانی حقوق کے تخفظ کی طرف مائل کرتی ہے بلکہ حکومتی معاملات میں غریب عوام کی دعاکو شامل کرنے کا باعث بھی بنتی ہے ۔پاکستان میں تعمیراتی قرضہ پر انحصار 1%سے بھی کم ہے جبکہ دنیا بھر میں حتی کہ بھارت میں بھی تعمیر اتی قرضہ پرانحصار10%کی شرح پر ہے ۔تعمیراتی قرضہ کی آسان فراہمی کم آمدن طبقہ کےلئے کرایہ کے مکان کی جگہ اپنے گھر کی تعمیر کو ممکن بناتی ہے اور دنیا بھر میں یہ سہولت ہر طبقہ کے شہریوں کو دی جاتی ہے تا کہ عوام کو عارضی ٹھکا نے کی پریشانی اور اپنے گھر کی تعمیر کی فکر سے آزاد کیا جاسکے اور انکے ٹیلنٹ کو ملک وقوم کی مثبت ترقی میں بہترین انداز میں بروئے کارلایا جاسکے ۔
نیاپاکستان ہاوسنگ پروگرام کوکا میاب بنانے کےلئے حکومتی کاوشوں اور خلوص کااندازہ اس امر سے بھی بحوبی لگایا جاسکتا ہے کہ وفاقی حکومت نے کنسٹرکشن کے شعبے کو تاریخی قدم اٹھاتے ہوئے باقاعدہ صنعت کا درجہ دیاہے ۔علم معاشیات کے طالب علم اور ماہر ین نے اس قدم کو بہت احسن انداز میں سراہا ہے کیو نکہ جب تک کسی شعبے کی قدر منزل کی آ گاہی عوام اور سرمایہ کاروں و اضح نہ ہو کوئی بھی شعبہ اپنے مکمل استعداد کواستعمال نہیں کر پاتا۔ کسی بھی شعبے کی معیشت میں خاطرخواہ مثبت شمولیت کو یقینی بنانے کےلئے ضروری ہے کہ اس شعبے میں معاشی سر گرمی اور معاشی ترقی کی مکمل اسعتد اد کے مطابق اسکو مقام دیا جائے ۔مزید براں تعمیراتی صنعت کی سہولت کےلئے نیشنل کوارڈپنشپن برائے ہاوسنگ کو بھی قائم کردیا گیا ہے تاکہ اس صنعت کا حکومتی اداروں سے رابطہ آسان بنایا جائے ۔تعمیراتی صنعت کی طرف سرمایہ کاروں کو زیادہ سے زیادہ مائل کرنے کےلئے فکسڈٹیکس کام نظام متعارف کروا کربڑی سہولت کو میسر کیا گیا ہے فکسڈ ٹیکس کا نظام سرمایہ کاروں کو کسی بھی منصوبے آنے والی لاگت کا صحیح تخمینہ لگانے میں ممدومعاون ثابت ہوتا ہے اور سرمایہ کار اپنے سرمایہ کو زیادہ سے زیادہ نئی معاشی سر گرمیوں میں استعمال کرتے ہیں ۔
سرمایہ کاروں کو اس صنعت کی طرف فوری طورپرمائل کرنے کےلئے ایک اورپیشکش رکھی گئی ہے جسکے تحت سال رواں کے آخر تک شروع ہونے والے منصوبوں پر سرمایہ کاری کے ذرائع کی جانچ پڑتال نہیں کی جائے گی ۔تعمیراتی منصوبوں کو حکومتی اداروں کے مختلف مراحل کی منظوری کو آسان اور سبک رفتار بنانے کے لئے ون ونڈو پورٹل کی سہولت کا آغاز بھی کردیا گیا ہے جو کہ سرمایہ کاروں کے لئیے نہایت خوش آئند اور آسانی کاباعث ثابت ہوگا۔
تعمیراتی صنعت کی ترقی کا خوش آئند ترین پہلو یہ ہے کہ اسکی ترقی سے نہ صرف مستحق شہریوں کو گھر کی چھت نصیب ہوتی ہے بلکہ غریب دہاڑی دار طبقہ اور مزدورں کو روزگاز بھی فرادانی سے ملتا ہے اس صنعت میں مثبت اور تیز رفتار معاشی سرگرمی اپنے ساتھ منسلک کم ازکم40دوسری صنعتوں کو بھی کاروبار کے مواقع فراہم کرتی ہے ۔تعمیراتی میٹریل کےلئے درکار بنیادی سامان اور مختلف سروسز کی مد میں بے شمار فیکٹریاں اور صنعتیں تعمیراتی صنعت کے بڑ ھتے ہوئے کاروبار میں اپنا حصہ ڈالتی ہیں وفاقی حکومت نے اس پہلوپر بھی بھرپور توجہ دی ہے ۔اور تار یخی قدم اٹھاتے ہوئے سیمنٹ اور سریا سمیت تعمیر اتی سامان اور سروسز پر عا ئد ودہولڈنگ ٹیکس کو بھی ختم کردیا گیا ہے اسکے علاوہ تعمیر اور رئیل اسٹیٹ پر لاگو صوبائی ٹیکسوں کی شرح میں بھی خاطرخواہ کمی کردی گئی ہے اور بلڈرزاور اورلینڈ ڈویلپرز کو انکم ٹیکس اور کپٹیل گین ٹیکس میں بھی چھوٹ دی گئی ہے تاکہ اس شعبے میں سرمایہ کاری کو آسان اور پر کشش بنایا جاسکے ۔
سرمایہ کاروں اور شہریوںکےلئے بینکوں سے قرضہ کے حصول کے پہلو پر بھی حکومتی توجہ قابل ستائش ہے ۔اس تناظرمیں وفاقی حکومت نے تمام ترضروری قانون سازی کو مکمل کیا ہے ۔سٹیٹ بنک آف پاکستان اور دیگرکمرشل بینک آسان شرائط پر قرض کی فراہمی کو یقینی بنانے کےلئے کوشاں ہیں اور اس سلسلے میں قومی رابطہ کمیٹی کو قائم کردیا گیا ہے بینکوں کی جانب سے330 ارب روپے کی خطیر رقم تعمیر اتی شعبہ کےلئے مختص کر دی گئی ہے جو یقینا نیا پاکستان ہاوسنگ پروگرام کو عوامی فلا ح میں کامیاب حصہ ڈالنے میں مددگار ثابت ہوگی۔

تحریر: ڈاکٹر مرینہ مریم خان
پاکستان میں مڈل کلاس کی زندگی کا ایک بڑا مقصد سرکاری نوکری کے اختتام پر ملنے والی پینشن سے اپنا ذاتی گھر بناناہے۔ بہت سے سفید پوش لوگ تمام عمر اپنی جمع پونجی اسی کام کے لیے وقف رکھتے ہیں تاہم اس میں سے بھی بہت کم شرح ایسے لوگوں کی ہے جو اس ڈور دھوپ کے نتیجے میں اپنا گھر بنانے میں کامیاب ہوتے ہیں ۔ اکثر ملازمین اور غریب لوگ اس تمام عمل کے دوران کسی نا گہانی آفت ، شادی بیاہ یا دوسری ضروریات کی وجہ سے وہ پیسہ خرچ کرنے پر مجبور ہو جاتے ہیں اور تمام زندگی بغیر چھت کے ہی عمر گزار دیتے ہیں۔ ان تمام حالات کے بیش نظر غریب اور اوسط طبقہ کے لیے حکومت کی سرکاری سکیمیں آتی رہتی مگر ان کا طریقہ کار اس قدر پیچیدہ ہوا کرتا تھا کہ کوئی عام انسان ان سے مستفید نہیں ہو سکتا تھا۔
پاکستان تحریک انصاف نے جہاں غریب عوام کے لیے بہت سے فلاحی پروگرام شروع کیے اور نادار لوگوں کے لیے وقتی طور پر پناہ گاہیں بنائیں، وہی وزیر اعظم نے مستقبل بنیاد پر لوگون کو اپنا گھر بنانے کے لیے امداد فراہم کرنے کا بھی ارادہ کیا، نیا پاکستان ہاوسنگ سکیم اسی سوچ کا مظہر ہے جس میں غریب دوست وزیر اعظم نے عوام کے لیے اپنے گھر کا ادھورا خواب پورا کرنے کا سنہری موقع فراہم کیا ہے۔ پی ٹی آئی حکومت نے اس شعبہ زندگی میں جو نئی سکیمیں متعارف کرائی ہیں وہ بلاشبہ ایک انقلاب بر پاکر دیں گے۔ اس سے نہ صرف غریب لوگوں کو اپنے گھر کی نعمت مہیا ہو سکے گی بلکہ تعمیرات کے شعبہ میں کام بڑھنے سے یہ ایک باقاعدہ صنعت کی حیثیت حاصل کرے گا۔ اگراس سکیم کا بغور تجزیہ کیا جائے تو یہ کہنا بے جا نہ ہوگا کہ وزیر اعظم پاکستان کا یہ قدم بے روزگار نوجوانوں کے لیے ایک اُمید کی کرن ہے۔ جہاں تعمیرات کے شعبے میں نئی نوکریاں اور روزگار کے مواقع ملیں گے وہاں اس سے متصل دوسرے شعبوں میں بھی روزگار کے نئے مواقع جنم لیں گے۔ تعمیرات کے ایک حصے سے کئی دوسرے ادارے اور صنعتیں جڑی ہوتی ہیں۔ گھر صرف اینٹ اور مٹی یا سریے سے ہی نہیں بن جاتا ۔ دیگر شعبے بھی اس میں شامل ہوتے ہیں جس میں لکڑی ، پلاسٹک ، پینٹ، لوہا، سیمنٹ، الیکٹرک اور نکاسی آب نمایاں ہیں۔ ایک اندازے کے مطابق ہاوسنگ سے تقریباً 40شعبے بلاواسطہ جڑے ہیں جس کا مطلب ان تمام شعبوں میں بھی ترقی ہے۔
پچھلی حکومتوں کے برعکس پی ٹی آئی حکومت نے نہ صرف یہ سکیم متعارف کرائی ہے بلکہ اس کا نمایاں کارنامہ اس سکیم سے لوگوں کو بہتر طور پر آگاہ بھی کرنا ہے تاکہ وہ اس سے اچھی طرح واقف ہوں اور وہ لوگ جن تک عام طور پر ایسی پرکشش سکیموں کے بارے میں رسائی کم ہوتی ہے وہ بھی اس سے فائدہ اٹھا سکیں۔ اس کا اصل مقصد غریب عوام کی مدد ہے تاکہ انکی پہنچ میں وہ تمام سہولیات ہوں جن کا وہ خواب دیکھا کرتے تھے۔
عوام کی بہتر آگاہی کے لیے میڈیا پر اس سکیم کو اُجاگر کیا گیا ہے تاکہ زیادہ سے زیادہ لوگوں کو اس کی رفادیت کا پتا چل سکے۔ مزید براں حکومت نے تمام بڑے بینکوں سے بھی اسان طریقوں پر قرضے جاری کرنے کی واضع ہدایات دی ہیں۔ چونکہ بیشتر اوقات عوام کو پیسے اور قرضے کے حصول میں بینکوں سے رابطہ کرنے اور آسان اقساط حاصل کرنے میں شدید دقت کا سامنا کرنا پڑتا ہے اکثر عوام کو بینکوں کے طریقہ کار سے بھی واقفیت نہیں ہوتی جس سے ان کے لیے ایک بہت بڑی رکاوٹ کھڑی ہو جاتی ہے۔ وزیر اعظم کی ہدایات پر بینکوں نے اس تمام کام کو انتہائی سہل بنا دیا ہے اور دو سے تین دن کے دوران اسانی سے قرضہ حاصل کر کے مکان کی تعمیرشروع کی جاسکتی ہے۔
نیا پاکستان ہاوسنگ سکیم نہ صرف گھر بنانے والوں کے لیے آسانیاں لے کر آئی ہے بلکہ اس میں سرمایہ کاروں کے لیے بھی نمایاں سہولیات موجود ہیں جس میں آسان اور سادہ رجسٹریشن ، ٹیکس کی بلڈرزکے لیے چھوٹ اور ذاتی رہائش کے لیے تعمیراتی سامان پر بھی رعایت اور ٹیکس سے اسثنیٰ شامل ہیں۔ مزید براں پہلے ایک لاکھ گھروں پہ تین لاکھ روپے فی گھر سبسڈی کا بھی اعلان کیا گیا ہے۔
حکومتی اقدامات کو تمام شعبہ پائے زندگی میں سرایا گیاہے، خاص طور پر تعمیرات کے شعبہ میں اس سے خوشی کی لہر آتی ہے۔ نجی ہاوسنگ سکیموں نے بھی اس سکیم کا خیر مقدم کیا ہے کیونکہ اس سے ان کے کاروبار میں بھی اضافہ متوقع ہے۔
پاکستان جیسے ترقی پذیر ملک میں جہاں سال 2020میں کرونا کی وجہ سے معیشت کو بہت نقصان پہنچا وہاں وزیر اعظم کی نیا پاکستان ہاوسنگ سکیم ایک روشن خیال منصوبہ ہے جو تمام شکل حالات کے باوجود پاکستانی قوم اور حکومت کے استقلال اور حوصلہ مندی کا جیتا جاگتا ثبوت ہے۔ پاکستان نہ صرف اس سے معاشی طور پر مضبوط ہوگا بلکہ بے روزگاری کا خاتمہ بھی ہوگا اور ملک ترقی کی راہوں پر گامزن ہوگا۔ اِن شااللہ

تحریر: محمد ارشد
ماضی میں منصوبہ بندی کے فقدان سے جہاں دیگر شعبے معاشی طور پر بری طرح متاثر ہوئے وہاں تعمیراتی شعبہ کو بھی مکمل طور پر نظر انداز کیا گیا.چاہیے تو یہ تھا کہ مردم شماری کرتے وقت ایسے گھرانوں کی تعداد معلوم کی جاتی جو بے گھر تھے اور اگر مفت نہیں تو کم سے کم مناسب قیمت پر گھر فراہم کرنے کے لیے کوئی قابل عمل پالیسی بنائی جاتی لیکن ایسا نہیں ہوا اور تیزی سے بڑھتی ہوئی آبادی کے ساتھ ساتھ عوام کی بہت بڑی تعداد اپنے گھروں سے محروم ہوتی گئی۔نتیجتاً ایک طرف تو شہروں میں مناسب کرائے پر گھر ڈھونڈنا ایک بہت بڑا مسئلہ بن گیا تودوسری جانب زمین مہنگی ہونے کے سبب اپنا گھر بنانے کا تو تصور بھی نہیں کیا جا سکتا تھا۔ عوام کو رہنے کے لیے چھت فراہم کرنا حکومت کی ذمہ داری ہوتی ہے لیکن جب حکومتی اور صاحب اقتدار لوگ اپنی جےبوں کے منہ کھول لیں تو پھر فلاحی منصوبوں کی طرف کسی کی توجہ نہیں جاتی۔ یہی کچھ ماضی کی حکومتوں نے کیا۔ ضرورت مند لوگوں کو چھت فراہم کرنا تودرکنارلوگ فٹ پاتھوں پر سونے پر مجبور ہوئے۔پاکستان تحریک انصاف نے عوامی انتخابات 2018 سے پہلے اپنے منشور میں مستحق گھرانوں کو چھت فراہم کرنے کا وعدہ کیا۔ سابقہ حکومتوں کی وعدہ خلافیوں اور دھوکہ بازیوں سے تنگ عوام نے پاکستان تحریک انصاف کو عوامی مسائل کا نجات دھندہ سمجھتے ہوئے دل کھول کر ووٹ دیے اورپاکستان پیپلز پارٹی اور مسلم لیگ ن کو انتخابات میں مسترد کردیا ۔عمران خان نے اقتدار سنبھالتے ہی عوام سے کیے ہوئے وعدوں پر عمل درآمد کے لئے دن رات کام کیا اور دیگر منصوبوں کے ساتھ ساتھ معاشرے کے کمزور اور چھوٹے تنخواہ دار طبقے کے لیے چھت کی فراہمی کے لیے نیا پاکستان ہا¶سنگ منصوبہ متعارف کروایا۔ اس منصوبے کو عملی جامہ پہنچانے کے لیے ٹھوس منصوبہ بندی کی گئی اور منشور میں کیے گئے وعدوں کے مطابق پچاس لاکھ گھروں کی فراہمی کے لیے فیڈرل گورنمنٹ ایمپلائز ہا¶سنگ اتھارٹی کو ذمہ داری سونپی گئی جس نے حکومتی اہداف کے مطابق مختلف اسکیموں کا آغاز کیا۔ اتھارٹی نجی اراضی پر حکومتی پروگراموں کے تحت اسکیموں پر بھی عمل پیرا ہے. مختلف چےلنجوںکے باوجود پی ٹی آئی کی حکومت نے پاکستان کو ریاست مدینہ کی طرز پر فلاحی مملکت بنانے اور وزیراعظم پاکستان کے وژن کے تحت مستحق لوگوں کے لئے کم لاگت والے گھروںکی تعمیر کی کوشش کر رہی ہے۔ اس مقصد کیلئے گھروں کی تعمیر کے لیے بینکوں سے قرضے حاصل کرنے میں آسانیاں پیدا کر نے کے لیے قانون سازی سمیت دیگر اقدامات اٹھائے گئے ہےں۔
حکومت نے اس مقصد کے تحت بھارہ کہو پراجیکٹ کے گرین انکلیو سمیت مختلف تعطل کا شکار منصوبوں کو بحال کیا. درخواست گزاروں کو82 32 پلاٹ الاٹ کیے۔ سکائی گارڈن پروجیکٹ کے تحت 5198 پلاٹ الاٹ کیے۔ لائف اسٹائل رےذےڈنسی اپارٹمنٹ -13-G -سکیم کے تحت 3240 پلاٹ الاٹ کیے۔ اسی دوران وزیراعظم نے کشمےرایونیو اسلام آباد G.13 سکیم کا افتتاح کیا جس کے تحت 1467 اپارٹمنٹ تقسیم ہونگے. چکلالہ ہائٹس راولپنڈی 32 34 لائف اسٹائل لاہور سکیم کے تحت 1258 اپارٹمنٹس تعمیر کیے جائیں گے۔ اس طرح وفاقی حکومت نے صوبائی حکومتوں کے ساتھ بھی مفاہمت کی یادداشتوں پر دستخط کیے ہیں جس کے تحت صوبوں میں بھی ایسی بہت سی سکیمیں بن رہی ہیں۔
دوسری جانب وزیراعظم عمران خان کی جانب سے کم آمدنی والے افراد کے لیے گھروں کی فراہمی اور تعمیراتی شعبے کے لئے خصوصی پیکج کا اعلان کیا گےا کیوں کہ اس شعبے سے نہ صرف معاشی اور صنعتی ترقی وابستہ ہے۔ بلکہ محنت کش طبقے کے لیے یہ شعبہ روزگار کا بھی ایک بہت بڑا ذریعہ ہے۔مقصد یہی ہے کہ کم آمدنی والے طبقے کو کم قیمت گھروں کی فراہمی بھی یقینی بنائی جاسکے۔ وزیراعظم عمران خان کی تعمیراتی شعبہ کے لئے پیکیج کے تحت ملک میں بڑے پیمانے پر تعمیراتی اور صنعتی سرگرمیوں کا آغاز ہوگیا ہے۔ جس سے غریت اور بے روزگاری میں واضح کمی متوقع ہے۔تعمیراتی شعبہ کے لئے 30 ارب روپے کی سبسڈی بھی دی گئی ہے۔ کم آمدنی والے طبقے کے لیے بنائے جانے والے ایک لاکھ گھروں پر حکومت اپنی طرف سے تین لاکھ روپے فی گھر مہیا کرے گی اور ٹیکس میں بھی 90 فیصد چھوٹ دی جائے گی۔ سرمائے اور قرضوں کی فراہمی کے لئے پانچ مرلہ پر پانچ جبکہ دس مرلے پر سات7 فیصد مارک اپ کی سہولت فراہم کی جارہی ہے۔ تعمیراتی شعبہ کوصنعت کا درجہ دیا گیا ہے جب کہ اس شعبے کے لیے فکسڈ ٹیکس نظام کے تحت تاریخ ساز ٹیکس مراعات دی گئی ہیں۔
دسمبر 2020 سے پہلے شروع کیے جانے والے تعمیراتی منصوبوں میں کی جانے والی سرمایہ کاری کے ذرائع کو جانچ پڑتال سے استثناٰ حاصل ہے۔ بنکو ں کی طرف سے بھی اس شعبہ میں بڑی سرمایہ کاری کا آغاز کیا گیا ہے اور بنک اس شعبے میں 378 ارب روپے کی سرمایہ کاری کررہے ہیں. دیگر وفاقی اور صوبائی ٹیکسوں میں بھی خاطر خواہ کمی کی گئی ہے جس کے مثبت اثرات سامنے آ رہے ہیں. اس شعبے کو درپیش دیگر مسائل کے حل کیلئے نیشنل کوارڈینیشن کمیٹی برائے ہا¶سنگ وکنسٹرکشن کا قیام عمل میں لایا گیا ہے۔
ایسے حالات میں جب ملک مالی بحران کا شکار تھا اور عالمی ادارے پاکستان کو دیوالیہ ہوتے دیکھ رہے تھے وزیراعظم پاکستان عمران خان نے اپنی سیاسی بصیرت سے نہ صرف ملک کو مالی بحران سے نکالا بلکہ پاکستان کو ایک اسلامی فلاحی ریاست بنانے کی طرف ایک اہم قدم اٹھایا ہے. ایسے کام عوامی خدمت کے جذبے اور نیک نیتی کے تحت ہوتے ہیں. نتیجہ ہمارے سامنے ہے کہ باوجود شدید سیاسی مخالفت کے حکومت عوامی فلاح کے منصوبوں پر بھرپور توجہ دے رہی ہے اور معاشی طور پر ملک کو بحران سے نکالنے میں کامیاب ہو گئی ہےں. معاشی اشارےے تےزی کے ساتھ اضافہ کی طرف گامزن ہےں ڈالر کی قدر جو سابقہ حکومتوں کی غلط پالےسوں کی وجہ سے مسلسل بڑھ رہی تھی اب تےزی کے ساتھ نےچے آرہی ہے غےر ملکی رٹےنگ اےجنسےاں معےشت کومضبوط ہوتے دےکھ رہی ہےں ۔ اےسے حالات مےں عوام کو چاہےے کِہ وہ پاکستان تحرےک انصاف کا ساتھ دےںتاکہ ان معاشی پالےسےوں کا تسلسل جاری رہے اورنےا پاکستان جےسے ہاوسنگ منصوبے پائےہ تکمےل تک پہنچ سکےں۔ حکومت نے گزشتہ دو سالوں مےں معےشت کی بحالی اورملک کو مالی بحران سے نکالنے کےلے نہ صرف محنت کی ہے بلکہ قانون سازی کے ساتھ بہت سے اےسے کام کےے ہےں جن کو عام عوام نہےں سمجھ سکتی حکومت کو چاہےے کِہ وسےع پبلسٹی کے ذرےعے اپنی گزشتہ دو سالوں کی کارکردگی عوام کے سامنے رکھے تاکہ اصل حقےقت عوام تک پہنچ سکے۔

پنجاب اسمبلی سے منظور ہونے والے ”تحفظ بنیاد اسلام”بل پر مختلف حلقوں کی جانب سے اعتراضات اور حمایت کا سلسلہ جاری ہے۔ ان اعتراضات پر بات کرنے سے قبل یہ امر انتہائی ضروری ہے کہ اس بل کا متن اور خلاصہ کیا ہے ؟ اس کو جاننا بے حد ضروری ہییہ بل اور ایکٹ در حقیقت امن اور سلامتی کی طرف پہلا قدم اور بارش کا پہلا قطرہ ثابت ہو گا۔ پنجاب اسمبلی سے منظور بل کے مطابق پیغمبر اسلام خاتم النبین صلی اللہ علیہ والہ وسلم ، اہل بیت اور صحابہ کے علاوہ انبیاء ، فرشتوں ، تمام الہامی کتب اور دین اسلام کے بارے میں متنازع اور توہین آمیز الفاظ برداشت نہ ہوں گے اور توہین مذہب سے متعلق کسی بھی قسم کی خلاف ورزی پر پانچ سال قید اور پانچ لاکھ روپے جرمانے کے علاوہ تعزیرات پاکستان کے مروجہ دفعات کے تحت بھی کارروائی عمل میں لائی جا سکے گی۔ بل میں کہا گیا ہے کہ مختلف کتب میں مذاہب خصوصاً اسلام کے بارے میں نفرت انگیز مواد کی اشاعت روکی جائے گی۔ اس بل کے حامیوں کے بقول اسکی منظوری کے بعد توہین آمیز یا گستاخانہ مواد کا مکمل طور پر تدارک ممکن ہو سکے گا۔ مذکوہ قانون کے تحت خاتم النبین حضوراکرم صلی اللہ علیہ والہ وسلم کا نام جہاں جہاں لیا جائے اس سے قبل خاتم النبین لکھا جائے اور بعد ازاں عربی رسم الخط کے ساتھ لکھنا لازمی قرار دیا گیا۔ الغرض اسلامی تعریفی القابات کا لکھنا تمام انبیاء ، خلفاء ، صحابہ ، امہات المومنین اور مقدس شخصیات کے ساتھ لازمی قرار دیا گیا۔ قومی معاملات میں مزید آگے بڑھتے ہوئے قانون کہتا ہے کہ تمام ایسی کتابیں اور مواد بھی شائع نہیں کیا جا سکتا جو نقص امن پیدا کرے نئے قانون کے تحت صوبائی محکمہ طلاعات و نشریات اخبارات کے دفاتر ، چھاپہ خانوں اور کتب شائع کرنے والے اداروں پر چھاپے مار سکتا ہے، کتابیں اور مواد قبضے میں لے سکتا ہے ، مالی اثاثوں اور اکاونٹس پر تحقیقات کو عمل میں لا سکتا ہے۔ ا س بل کے حوالے سے اگر حکومت پنجاب کے اغراض و مقاصد کا جائزہ لیا جائے تو اس سلسلے میں وزیر اعلیٰ پنجاب نے کہا کہ تحفظ اسلام ایکٹ صوبائی حکومت کا تاریخی اقدام ہے جس سے مذہبی روادری اور ہم آہنگی کو فروغ ملے گا نفر ت انگیز مواد شائع نہیں ہو سکے گا۔ اسپیکر پنجاب اسمبلی چوھدری پرویز الٰہی نے امید ظاہر کی کہ قانون سازی کے بعد فرقہ وارانہ جارحیت کے واقعات کم ہوں گے اور مذہبی ہم آہنگی اور ادب و احترام کا ماحول فروغ پائے گا۔۔ اس بل کے بارے میں پنجاب کے اکثر علماء نے خوشی کا اظہار کیا۔ چئیرمین پاکستان عزاداری کونسل کے صدر پروفیسر علامہ ذوالفقار حیدر ، شیعہ مذہبی جماعتوں کو اعتراض ہے کہ بل میں اہل بیت یعنی پیغمبر اسلام خاتم النبین صلی اللہ علیہ والہ وسلم کے خاندان کے افراد کے نام کے ساتھ علیہ السلام کی بجائے رضی اللہ تعالیٰ لکھنے کی منظوری دی گئی جو ان کے عقیدے سے متصادم ہے۔ علامی ذوالفقار حیدر کو کتابوں کی اشاعت سے متعلق تجاویز پر بھی اعتراض ہے۔ پاکستان میں انسانی حقوق کے لیے کام کرنے والی غیر سرکاری تنظیم ہیومن رائٹس کمیشن آف پاکستان نے تحفظ بنیاد اسلام بل پر اپنے خدشات کا اظہار کرتے ہوئے کہا کہ یہ قانون تعصب کو ہوا دے گا۔ اختلافات اور خدشات جمہوری معاشروں کا حسن ہوتے ہیں ان کی موجودگی کوئی بری چیز نہیں مگر افسوس کی بات تو یہ ہے کہ اس بل کی منضوری کے بعد مخصوص فرقے سے تعلق رکھنے والے لوگوں کی جانب سے تحفظ بنیاد اسلام بل کے خلاف پریس کانفرنس میں کھلے عام میڈیا کے سامنے شعائر اسلام اوردین اسلام کے بنیادی عقائد اور مقدس شخصیات کے خلا ف زبان درازی کا فوری طور پر اعلیٰ سظح پر نوٹس لے کر پریس کانفرنس کے شرکاء کے خلاف توہین اسلام اور مقدس شخصیات کی توہین کا مقدمہ درج کر کے شرکاء کو گرفتار اور اسلام دشمن تنظیم پر پابندی عائد کی جائے۔ یہ پریس کانفرنس غیر اخلاقی اور غیر آئینی تھی اگر کسی مخصوص فرقے (جس کی تعداد آٹے میں نمک کے برابر بھی نہیں ) کو اعتراض ہے تو وہ جمہوری طریقے سے پنجاب اسمبلی میں اس بل کے خلاف قرار داد پیش کرے اور اس بل کو ختم کروانے کی آئینی اور جمہوری جدو جہد کریں۔ یہی جمہوری قدر معاشروں کا حسن ہے۔ یہ بل درحقیقت نظریہ پاکستان کی عکاسی کرتا ہے اور موجودہ حکومت کا ریاست مدینہ کی طرف اہم قدم بھی ہے۔ بل کی منظوری پر وہ تمام افراد خراج تحسین کے مستحق ہیں جنہوں نے اس بل کی منظوری اور تیاری میں اہم کردار ادا کیا۔ رب کائنات ہم سب کا اور وطن عزیز کا حامی و ناصر ہو۔ (آمین)

شرقپور شریف کے کسان راناضیاء اللہ خاں نے راوی کے پاس ایک فش فارم بنایاہوا تھا۔اِ س کوابتدائی دوبرسوں میں وہاں سے اچھی آمدنی ہوئی لیکن تیسرے سال راوی میں درمیانے درجے کا سیلاب آگیا اورپھرسیلاب کے بعد کئی ماہ تک فش فارم سے کسان کے ہاتھ کچھ نہ لگا ،تحقیقات کے بعد معلوم ہوا سیلاب کے دوران دوعدد مگر مچھ فش فارم میں گھس آئے ہیں اسلئے اب وہاں کوئی مچھلی نہیں جو راناضیاء اللہ کے قابو آئے۔ کسان کی درخواست پر دونوں مگر مچھ گرفتار کرکے مقامی پنچائیت میں پیش کئے گئے جہاں ان کیخلاف سماعت شروع ہوئی۔ کٹہرے میں کھڑے دونوں مگر مچھ اپنے مخصوص اندازمیں آنسوبہاتے اوراپنی بیگناہی کی دوہائیاں دیتے رہے ،انہوں نے الٹا کسان کومنتقم مزاج جبکہ اپنے خلاف پنچائیت کی کارروائی کوانتقام قراردے دیا۔اس جوڑی کاکہنا تھا ہم دونوں کیخلاف کسان کے پاس مچھلیاں ہڑپ کرنے کے شواہد ہیں اورنہ کوئی ٹھوس شہادت ہے لہٰذاء ہمیں رہا کیاجائے۔ پنچائیت میں شریک کسی بزرگ نے ایک مگر مچھ سے پوچھا تم دونوں کو فش فارم میں آئے ہوئے کتنا وقت ہوگیا ہے تومگر مچھ نے بتایا سات ماہ قبل جوسیلاب آیا تھا ہم دونوں اس دوران فش فارم میں گھس گئے تھے لیکن ہم نے ایک بھی مچھلی ہڑپ نہیں کی۔دانابزرگ نے کہااس کامطلب تم مگر مچھ ہوتے ہوئے پچھلے سات ماہ سے مچھلیاں نہیں بلکہ”سبزیاں”تناول کر رہے تھے۔تم دونوں گوشت خور ہو اور تمہارا موٹاتازہ وجود تمہارے گناہ کی دوہائی دے رہا ہے،بزرگ کی بات سنی تو دونوں مگر مچھ پھرروناشروع ہوگئے اورانہوں نے انتقام انتقام کا شور مچاد یا۔ پنچائیت میں شریک تین میں سے دو ”بابوں” نے عدم شہادت پردونوں مگر مچھ باعزت رہاکردیے جبکہ مدعی کسان نے اپنے ماتھے پر منتقم مزاجی کا داغ سجائے گھر کی راہ لی۔دونوں مگر مچھ باعزت رہائی کے بعد کسی دوسرے زمیندار کے فش فارم میں گھس گئے جس پران کی پہلے سے نظر تھی۔جومعاشرہ کسی بااثر چور کوسزانہیں دیتا وہ چْور چْور ہوجاتا ہے۔جو نظام طاقتور چوروں کوناشتہ میں”چْوریاں”پیش کرے وہاں” چوریاں” عام ہوجاتی ہیں۔
ہمارے محبوب ملک پاکستان کوبھی ضیائی آمریت کی شروعات سے اب تک بری طرح نوچا گیا اوراس کے قومی وسائل میں بار بار نقب لگائی گئی۔پاکستان مقروض ہوتاگیا جبکہ اس کی معیشت دن بدن مفلوج ہوتی گئی لیکن پاکستان پرراج اورپاکستانیوں کی قسمت کے فیصلے کرنیوالے مٹھی بھر”مگر مچھ” امیر کبیر” لیکن عام لوگ مفلسی کے” اسیر”ہوتے چلے گئے۔ قومی چوروں کے اندرون وبیرون ملک ہوشربا اثاثوں نے ان کی ایک ایک چوری اورسینہ زوری کا رازفاش کردیا ہے لیکن پھر بھی وہ آزاداوراس معاشرے کے بااثر افراد ہیں جو نظام کے ناکام ہونے کازندہ ثبوت ہے۔اِن چوروں کی”زر”اور”زور”سے لتھڑی” سیاست” نے”ریاست” کوبے بس کر دیا۔ پاکستان میں چورطبقہ تھانیدار اور محتسب سے زیادہ طاقتور ہے اوران چوروں کیلئے ریاستی نظام کوموم کی ناک بناتے ہوئے اپنے مذموم عزائم کوپایہ تکمیل تک پہچانا جبکہ محتسب کی آنکھوں میں دھول جھونکنا کوئی دشوار نہیں۔ہمارے ہاں رائج بانجھ جمہوریت کے طفیل معمولی مچھلیاں” زندانوں” میں جبکہ بیشتر بڑے مگر مچھ”ایوانوں”میں ہیں، پروڈکشن آرڈر اوراس قسم کے دوسرے قوانین کے ہوتے ہوئے منتخب ایوانوں کو چوروں سے پاک نہیں کیا جا سکتا۔ چوروں اوران کے تنخواہ دارقلم فروشوں کا محتسب کومنتقم مزاج کہنا اوراحتساب کاباب بندکرنے کیلئے انتہائی منظم انداز میں شورمچاناشرمناک پروپیگنڈا اور ایک خطرناک ایجنڈا ہے۔ نیب زدگان نے نیب کومرعوب کرنے کیلئے آسمان سرپراٹھایا ہوا ہے،امید ہے ان کیلئے آئندہ نیب ایک آسیب بنارہے گا۔ اگرنیب کمزورہوا تویقینا چور مزید طاقتور ہوں گے اورملک میں ”کرپشن” کیخلاف نیب کا”آپریشن”’بری طرح متاثر ہوگا۔کوئی ریاست شفاف اوربے رحم احتساب کے بغیر معاشی طاقت نہیں بن سکتی۔پاکستان کے قومی وسائل کس کس نے ہڑپ کئے یہ جاننا زیادہ دشوار نہیں ،ایٹمی پاکستان کے محرک اوراسلامی کانفرنس کے میزبان ذوالفقارعلی بھٹو کوتخت سے تختہ دارتک پہنچانے والے بدترین آمراورمنافق ضیاء الحق سمیت اب تک جس کسی کے پاس اقتدار واختیار تھا اس سے ڈنڈے کیساتھ قومی وسائل کی چوری کاحساب لیاجائے ،جوخودزندہ نہیں ان کے بچوں سے اْگلواناہوگا۔اگران چندحکمران خاندانوں کے اثاثوں کامہارت سے پوسٹ مارٹم کیاجائے توقومی معیشت کے قتل میں شریک ہرقومی مجرم کواس کی گردن سے دبوچا اوراس سے قوم کاپیسہ برآمدکیا جاسکتا ہے۔قومی چوریادرکھیں موت برحق ہے ،قبور میں” مال” ساتھ نہیں جاتا وہاں صرف” اعمال” کام آتے ہیں۔ کچھ لوگ آج دولت اورشہرت کے کوہ ہمالیہ پر کھڑے ہیںمگران کاتارتاردامن عفت ،رفعت اورعزت سے خالی ہے۔پاکستان اور پاکستانیوں کاپیسہ چوری کرکے اس” مال” سے لندن اورپیرس کے کسی بڑے”مال”میں شاپنگ کرنیوالے وہاں کسی دوکان سے اپنے اوراپنے بیوی بچوں کیلئے عزت نہیں خرید سکتے۔
ہمارے ہاں لوگ جس انداز سے ریاستی اداروں اورسرکاری اہلکاروں کو مخاطب کرتے بلکہ للکارتے ، لتاڑتے اورگھسیٹتے ہیں دنیا کے کسی مہذب ملک میں اس طرح نہیں ہوتا۔ میں ایک برس برطانیہ میں رہا ہوں ،میں نے وہاں کسی کو ریاستی اداروں کی تضحیک کرتے ہوئے نہیں دیکھا۔ وہاں کوئی ”منصف” نہیں بلکہ اس کافیصلہ بولتا ہے،وہاں” مصنف”بھی اپنی جاندار اور شاندار تحریر وں کے بل پر سچائی تک رسائی یقینی بناتے ہیں۔وہاںریاستی ادارے باہمی احترام یقینی بناتے ہوئے ایک دوسرے کاہاتھ تھام کر ریاست کی تعمیروترقی اوراپنے ہم وطنوں کی فلاح واصلاح کیلئے اپنااپنا آئینی کرداراداکررہے ہیں۔وہاں بھی کرپشن ہے لیکن کسی ادارے کوچوریانااہل نہیں کہا جاتا کیونکہ ادارو ں میں چورہوتے ہیں ادارے چورنہیں ہوتے۔ہمارے ملک میں ریاستی اداروں کونااہل اورچورکہنا فیشن بن گیا ہے۔پاکستان میںجس نے زندگی بھر ڈاکے مارے ہوں وہ بھی پولیس پر انگلی اٹھاتا ہے۔ بھارت سے جاہل، متعصب اورانتہاپسند دشمن کے ہوتے ہوئے ہم پاک فوج کوکمزورکرنے کاتصور بھی نہیں کرسکتے،پاک فوج پرتنقیدکرنیوالے مٹھی بھر فتنہ پرورلوگ عہدحاضر کے ابوجہل ہیں۔جہاں مافیازکاراج اورظلم واستحصال کے ساتھ ساتھ ضروریات زندگی میں ملاوٹ کارواج ہو ،جہاں قاتل اورجنسی درندے دندناتے ہوں ،جہاں بدبخت پتنگ بازمعصوم بچوں سمیت بیگناہ شہریوں کے خون سے ہولی کھیلتے ہوںوہ معاشرہ پولیس کے بغیر محفوظ نہیں رہ سکتا۔جس ملک کے بڑے بدعنوانوں کامنتخب ایوانوں میں آنا جانا ہواورقومی وسائل ان کے رحم وکرم پر ہوںوہاں بے رحم احتساب کیلئے نیب کومزید بااختیار اوراس کامورال بلندکرنا از بس ضروری ہے۔
جس طرح کسی بھی صحتمند، متمدن اور مہذب معاشرے کی تعمیر میں مختلف پیشہ ور لوگ اپنا اپنا کلیدی کرداراداکرتے ہیںاوران میں سے ہرایک کااپنامنفردمقام ہے۔یہ ایک دوسرے کاراستہ روکنے کی بجائے راہ ہموارکرتے ہیں۔اِن پیشہ ور افرادمیںسے کوئی خود کو ”برہمن” اور دوسروں کو ”شودر یا اچھوت” نہیں سمجھتا۔ مختلف برادریاں فرق یعنی شناخت کیلئے ہیں تفریق کیلئے ہرگز نہیں،ہر”برادری”کے پیچھے قدرت کی ”بردباری”جھلکتی ہے۔اِس طرح ایک خودمختار اورخوددار ریاست کے نظام اوراستحکام کیلئے مختلف شعبہ جات کے درمیان تال میل ناگزیر ہوتا ہے۔ریاست کی رِٹ برقراررکھنے کیلئے اداروں کاایک دوسرے کی تعظیم یقینی بنانااور ان کا ریاست کودرپیش چیلنجز سمیت اندورنی وبیرونی خطرات کامقابلہ کرنے کیلئے متفق ،متحد اورمستعدہونا ضروری ہے۔ سینیٹ ،قومی وصوبائی اسمبلیاں،عدلیہ ،نیب ،افواج پاکستان ،رینجرز،ایف سی ،پولیس،جیل پولیس ،ایف آئی اے،سول ایوی ایشن،پی آئی اے ،ریلوے،واپڈا،زراعت ،صنعت وتجارت اورصحافت سمیت مختلف ریاستی ادارے مجموعی طورپراپنے اپنے کام کے ساتھ انصاف کررہے ہیں۔خدانخواستہ اگران میں سے کوئی ایک بھی ادارہ کمزورہوگاتو اس کاریاست کی سا لمیت پرمنفی اثر پڑے گا۔خداراریاستی ادارے ایک دوسرے کامیڈیاٹرائل نہ کریں ورنہ ان میں اور سیاسی اداروں میں کیا فرق رہ جائے گا۔جس طرح کچھ مسلمان ناقص ہوسکتے ہیں لیکن الحمدللہ دین فطرت اسلام کامل ہے۔اس طرح ریاستی اداروںمیں خامیاں اورکمزوریاں ہوسکتی ہیں اور معاشرے کی ”فلاح” کیلئے ان اداروں میں ”اِصلاح” کی ضرورت سے انکار نہیں کیا جاسکتا مگران میں سے کوئی ادارہ ریاست کیلئے بوجھ نہیںہے۔نیب سمیت ایساکوئی ریاستی ادارہ نہیں جس میں نااہل لوگ نہ ہوں مگر کوئی ادارہ نااہل نہیں ہوسکتا۔جس طرح پاک فوج نے پچھلے دنوں اپنے خودکارنظامِ احتساب کے تحت چندفوجی آفیسرز کوسخت سزادی اس طرح پولیس اورجیل پولیس سمیت دوسرے اداروں میں بھی احتساب کانظام رائج ہے۔پولیس اورجیل پولیس کے اندر بھی آفیسرز اوراہلکاروں کو کرپشن اورقانون شکنی کرنے پرسخت سزا?ں کا سامنا کرنا پڑتا ہے۔پاکستان کی معاشی بدحالی کے ڈانڈے اقتدار کے ایوانوں اور سرکاری اداروں میں ہونیوالی ہوشربا کرپشن سے جاملتے ہیں، خودمختار اور بااختیار نیب کے سواکوئی کرپشن کا سیلاب روکنے کیلئے بند نہیں باندھ سکتا۔نیب مجموعی طورپر ایک فعال ادارہ ہے ،اس ریاستی ادارے کو نااہل کہنا درست نہیں۔پولیس کے فرض شناس اورسرفروش آفیسرسمیت جانبازاہلکارفرض منصبی کی بجا آوری کے دوران شہریوں کی طرف آنیوالی”گولیاں” اپنے کشادہ سینوں سے روکتے اورجام شہادت نوش کرتے ہیں لیکن اس کے باوجود شہریو ں کی طرف سے انہیں ”گالیاں” سننا پڑتی ہیں۔پنجاب پولیس کے 1500سے زائد شہداء سمیت چاروں صوبوں سمیت آزادکشمیر اورگلگت بلتستان کے ہزاروں آفیسرزواہلکاروں نے شہروں اور شہریوں کی حفاظت کے دوران شرپسندوں کا مقابلہ کرتے ہوئے موت کوگلے لگایا۔ شہر قائد میں سٹاک ایکسچینج پر ہونیوالے حالیہ حملے کے دوران وہاں تعینات پولیس اہلکاروں کی شجاعت اور شہادت کوفراموش نہیں کیا جاسکتا۔

کشمیرسلگ رہا ہے اور دنیا یہ تماشا دیکھ رہی ہے ۔اس خطے کو کسی نے جنت نظیر کہا کسی نے ایران صغیر کہا کچھ نے فردوس بریں کہا لیکن اس کے قدرتی حسن کی تعریف مکمل نہ ہوئی۔ آج یہی کشمیر ظلم کی چکی میں پس رہا ہے اور کوئی اس کی فکر نہیں کر رہا۔ یہاں تک کہ مسلمان ممالک بھی یہ نعرے سننے سے انکاری ہیں آخر کیوں اور کب تک۔ آخر کیوں کشمیر کی آزادی دنیا کے لئے کوئی بڑا مسئلہ نہیں وہ دنیا جو جانوروں کے حقوق کی بات کرتی ہے وہ یہاں انسانوں کے حقوق سے کیوں لاپرواہ اور بے خبر ہو جاتی ہے اور یہ کچھ آج سے نہیں ہو رہا بلکہ دہائیوں سے ہو رہا ہے۔ بر صغیر تقسیم ہوا تو کشمیریوں کی بھی امید بندھی بلکہ انہیں یقین تھا کہ مسلم اکثریتی ریاست ہونے کی وجہ سے وہ پاکستان میں ہی شامل ہونگے لیکن ایسا نہ ہوا اور مزید جرم یہ ہواکہ اس کے ڈوگرہ راجہ ہری سنگھ نے بھارت سے الحاق کر لیا ظاہر ہے کہ یہ الحاق نہ کشمیریوں کو قبول تھا اور نہ ہی پاکستان کو۔ یہی مسئلہ کشمیر ہے جو پاکستان اور بھارت کے درمیان تمام مسائل کی جڑ ہے جب تک بھارت کشمیر کو آزاد نہیں کرتا تب تک خطے میں امن کے قیام کی راہ ہموار نہیں ہو سکتی۔ بھارت نے ایک سال قبل جو کالا قانون پاس کیا اس کے بعد سے اب تک کشمیر میں کرفیو اور لاک ڈاؤن برقرار ہونا نا صرف افسوسناک ہے بلکہ قابل مذمت بھی ہے۔ ہندوستان کو مسلہ کشمیر پر عالمی سطح پر جس قسم کی مذمت کا سامنا ہونا چاہیے تھا وہ نہیں ہوا۔ حالانکہ بھارتی آئین میں کشمیر کی حیثیت تبدیل کرنے پر ہندوستان اور دنیا بھر میں اس پر احتجاج ریکارڈ کروایا گیا مگر حسب معمول بھارت کے سر میں جوں تک نہیں رینگی۔ کشمیر میں اس وقت تک مواصلات کے تمام ذرائع بند ہیں اور ہندو آباد کاری زورو شور سے جاری ہے۔ مسلمانوں کی آبادی کا تناسب تبدیل کرنے کی بھر پور کوشش کی جا رہی ہے۔ اس کے برعکس پاکستان کا کردار بھی صرف مذ متی قرار دادوں اور پا نچ فروری اوراب پانچ اگست کو ملک گیر احتجاج سے بڑھ کر اور کچھ نہیں پاکستانی حکومت کی طرف سے کوئی عملی اقدامات ابھی تک نہیں کئے گئے کہ جن کی اْمید موجودہ حکومت سے کی جارہی تھی بہرحال دوسری طرف حکومت کا حال ہی میں نیا سیاسی نقشہ دنیا کے سامنے لانا اس مقصد کی طرف پہلا قدم ہے ضرور ہے مگر اس پر ابھی بہت سا کام کرنے کی ضرورت ہے۔ پاکستان کو اس مسئلے کے حل کے لیے نیا لائحہ عمل تیار کرنا ہو گا۔ اب روائتی طریقوں سے ہٹ کر کام کرنے کی ضرورت ہے۔کشمیری جو اپنے پاکیزہ لہو کا خراج پیش کر رہے ہیں وہ ایک دن ضرور رنگ لائے گا۔ کب تلک ان مظلوم کشمیریوں کو ان کا حق نہیں ملے گا،آخر کب تک ان کی صدا کو اقوام عالم کے مردہ ضمیروں کے سامنے دبنا ہو گا آخر کب یہ نام نہاد مسلمان حکمران کشمیریوں کا عملی طور پر ساتھ دیں گے،آخر کب تک ان کے مقدر میں یہ ظلم و جبر کی تاریک راتیں رہیں گی ؟۔یہ ناانصاف دنیا ہمیشہ سے ہی مسلمانوں کے ساتھ ناانصافی کرتے آئے ہیں ۔کشمیری مسلمان اور فلسطینی عرب مسلمان 70 سالوں سے ایک آزادی کیلئے جدوجہد کر رہے ہیں لیکن کامیابی دور دو رتک کہیں بھی نظر نہیں آ رہی ہے۔ فلسطینیوں کے ساتھ، صہیونیوں کی زیادتیاں اور ریاست اسرائیل کی نا انصافیوں کے بارے میں بہت کچھ لکھا اور سنا جا چکا ہے مسئلہ فلسطین برطانیہ کا پیدا کردہ ہے جس کی ساخت پرداخت امریکی صہیونی عیسائی کر رہے ہیں۔ یہودی، امریکی انتظامیہ کے تحت فلسطینی مسلمانوں پر عرصہ حیات تنگ کئے ہوئے ہیں دوسری طرف مسئلہ کشمیر بھی برطانوی استعمار کا پیدا کردہ ہے ہنود، برطانوی و امریکی صہیونی لابی کی آشیر باد کے ساتھ کشمیری مسلمانوں کا حقِ خود ارادیت صلب کر کے انہیں مستقل غلام بنانے کی راہ پر گامزن ہیں گزشتہ سال 5 اگست 2019ء کو مودی سرکار نے مقبوضہ کشمیر کی آئینی حیثیت تبدیل کر کے اسے انڈین یونین میں ضم کر لیا ہے کشمیریوں کے ممکنہ رد عمل سے بچنے کے لئے مودی سرکار نے یہاں سیکیورٹی فورسز کی تعداد 9 لاکھ تک بڑھا دی ہے یہاں ایک سال سے کرفیو جیسی صورتحال ہے۔ لاک ڈاؤن پوری عسکری ریاستی قوت کے ساتھ نافذ العمل ہے کمیونیکیشن کے ذرائع بھی مفلوج کر دیئے گئے ہیں ٹیلی فون، انٹرنیٹ اور ابلاغ کے دیگر ذرائع کا گلہ گھونٹا جا چکا ہے۔غیر ملکی صحافیوں کو تو یہاں آنے کی اجازت دینے کا سوال ہی پیدا نہیں ہوتا حد تو یہ ہے کہ لوکل میڈیا کی بھی زبان بندی کی جا چکی ہے۔ مودی سرکار کی مسلمان کش پالیسی ہی نہیں بلکہ اقدامات کے باعث کشمیری مسلمان یک زبان ہو چکے ہیں اور ان کا ایک ہی نعرہ ہے آزادی اور پاکستان، کشمیریوں کی جدوجہد آزادی کو ویسے تو طویل عرصہ ہو چکا ہے لیکن تحریک الحاق پاکستان کی جدوجہد کو 72 سال گزر چکے ہیں۔ تقریباً اتنا ہی عرصہ فلسطینی مسلمانوں کی تحریک آزادی کو ہو چکا ہے ۔تحریک آزادی نے 5 اگست 2019ء میں ایک نیا ٹرن لیا ہے بلکہ یوں کہئے کہ مودی سرکار نے بھارتی سیکیولر ازم کا نقاب الٹ کر دنیا کو اسکا اصلی چہرہ دکھا دیا ہے۔ ہندوستان کبھی بھی جمہوری اور سیکیولر ریاست نہیں تھا وہ ایک ہندو، بلکہ معتصب ہندو ریاست تھا اور مودی نے آکر اس کا اصلی چہرہ دنیا کے سامنے ظاہر کر دیا ہے کشمیری مسلمان تو 1947ء میں تقسیم ہند سے پہلے بھی غلامی کی زندگی ختم کرنے کے لئے جدوجہد کر رہے تھے۔ڈوگرہ حکمرانوں کے جبر و ستم کا نشانہ تھے۔ قیامِ پاکستان کی تحریک نے انہیں کامیابی و کامرنی کی جدوجہد کا یقین دلایا۔ حتیٰ کہ 1947ء میں تقسیم ہند پلان کے تحت کشمیر پاکستان کا حصہ بننے جا رہا ہے لیکن کانگریسی حکمرانوں نے سازش کے تحت مسئلہ کشمیر پیدا کیا۔ آزادی کشمیر کی تحریک تحریک الحاق پاکستان میں بدل گئی۔ 2019ء میں اس تحریک میں ایک نئی جان پڑ گئی ہے اب تو ہندوستان میں بھی عدل پسند اور لبرل عناصر مسلمانوں کے ساتھ ان کے حقوق کی بازیابی کے لئے شانہ بشانہ کھڑے ہیں۔ ایٹمی پاکستان اور ہماری عظیم مسلح افواج تحریک الحاق پاکستان کی ضامن ہیں۔ ان شاء اللہ کشمیر بنے گا پاکستان۔

جنگ عظیم اول کے بعد دنیا کو تباہی سے بچانے اور عالمی انصاف کی فراہمی کے اہداف کے ساتھ لیگ آف نیشنز کا قیام عمل میں آیا جو کامیابی سے ہمکنار نہ ہوسکا، دوسری عالمی جنگ کے بعد اقوام عالم نے بہتر دنیا کی تشکیل کی غرض سے انجمن اقوام متحدہ کے قیام کو ضروری سمجھا۔ سابق امریکی صدر ہینری ایس ٹرومین نے اقوام متحدہ کے قیام کے وقت جنرل اسمبلی کے اجلاس سے خطاب کرتے ہوے وہاں موجود تمام اراکین کو مخاطب کرتے ہوے کہا کہ ہمیں تمام دنیا کو انصاف فراہم کرنے کے لئے کام کرنا ہوگا لیکن افسوس ”میری تعمیر میں مضمر ہے اک صورت خرابی کی” کے مصداق یہ خواب عملی طور پر تعبیر نہ ہوسکا کیونکہ چھوٹی موٹی مرمتوں سے دنیا امن کا گہوارہ نہیں بن سکتی جب تک کہ تمام بڑے مسائل حل نہ کرلیے جائیں، اقوام متحدہ کے منشور کے مطابق اس کی سیکیورٹی کونسل کی سب سے اہم ذمہ داری عالمی امن و انصاف کو یقینی بنانا اور دنیا کو جنگوں کی ہولناکیوں سے بچانے کے لیے اقدام کرنا ہے لیکن ستر سال سے زائد عرصہ گزر جانے کے باوجود اقوام متحدہ کی سیکیورٹی کونسل بھارت سے اپنی پاس کردہ متعدد قراردادوں کے باوجود عالمی قوانین کی پاسداری کروانے میں مکمل طور پر ناکام رہی ہے، عالمی سطح پر مسئلہ کشمیر اس وقت عالمی امن کے لیے شدید خطرہ ہے جو دو ایٹمی قوتوں بھارت و پاکستان کو کسی بھی وقت جنگ میں الجھا سکتا ہے۔ ماضی میں دونوں ممالک کے مابین چار ہولناک جنگیں ہوچکی ہیں لیکن اب دونوں ہی ایٹمی قوت ہیں اور ممکنہ طور پر جنگ کی صورت دونوں ایٹمی ہتھیاروں کا آزادانہ استعمال کرسکتی ہیں ایسے میں یہ اقوام متحدہ کی سیکیورٹی کونسل کی ذمہ داری ہے کہ وہ سات دہائیوں سے لٹکے مسئلہ کشمیر کا حل اپنی پاس کردہ قراردادوں کے مطابق کرے جس سے بھارت مختلف ہتھکنڈوں و حیلے بہانوں کا استعمال کرکے ستر سالوں سے مفر ہے۔ کشمیریوں کی شروع سے ہی مذہبی، ثقافتی و سماجی ہم آہنگی موجودہ پاکستان کے لوگوں سے تھی اور جغرافیائی لحاظ سے بھی موجودہ پاکستان سے منسلک تھا یہی وجہ ہے کہ تقسیم ہند کے بعد کشمیریوں کی بڑی اکثریت نے پاکستان میں شامل ہونے کی خواہش ظاہر کی، 5 ستمبر 1947 کو کسان مزدور کانفرنس ہوئی اور پاکستان میں شمولیت کی قرارداد پاس کی، 18 ستمبر کو کشمیر سوشلسٹ پارٹی نے پاکستان سے الحاق کی قرارداد پاس کی۔ کشمیریوں کے اس رجحان کو دیکھتے ہوے بھارت نے جموں میں مسلمانوں کا قتل عام شروع کردیا جس کے ردعمل میں قبائلی مجاہدین کشمیری مسلمانوں کی مدد کو پہنچنا شروع ہوگئے اور جب بات ڈوگرا فوج و ہندوتوا شدت پسندوں کے بس سے باہر ہوگئی تو نہرو سرکار نے بھارتی فوج کو کشمیر میں داخل کردیا جس کے نتیجے میں پاک بھارت جنگ پھوٹ پڑی جس میں بھارتیوں کی زبردست پٹائی ہوئی تو نہرو سرکار فوراً اقوام متحدہ جا پہنچی۔ اقوام متحدہ کی ثالثی پر پاکستان نے جنگ بندی کردی اور معاملہ عالمی قوانین کے تحت اقوام متحدہ پر چھوڑ دیا۔ سیکیورٹی کونسل میں بھارت کو منہ کی کھانی پڑی اور معاملہ استصواب رائے کے زریعے حل کرنے کے فارمولے کے تحت طے پایا اس ضمن میں UNSC نے متعدد قراردادیں پاس کیں لیکن ہٹ دھرم بھارت مختلف ہتھکنڈوں سے ٹال مٹول کرتا رہا۔ اسی دوران بھارت نے 1954 میں نام نہاد الیکشن کرواکر پپٹ کشمیر اسمبلی سے بھارت کے ساتھ الحاق کی منظوری لیکر اسے اپنا اٹوٹ انگ قرار دے دیا جس کے جواب میں UNSC نے قرارداد 122 پاس کی جس میں نام نہاد کشمیر الیکشن اور نام نہاد اسمبلی کے قانون کو مسترد کرتے ہوے استصواب رائے کے مطابق الحاق کا فیصلہ قائم رکھا اور سابق بھارتی آرمی چیف جنرل وی کے سنگھ کے انکشاف کہ ”کشمیری مین اسٹریم لیڈر 1947 سے بھارت سے پیسے لے رہے ہیں” جس کے جواب میں کشمیری مین اسٹریم لیڈر نے کہا کہ ”اس کے بدلے ہم بھارتی پرچم کو کشمیر میں سرنگوں رکھے ہوے ہیں” کے بعد اب یہ بات واضح ہوگئی ہے کہ بھارت اپنے چند زرخرید پپٹ کے زریعے نہ صرف کشمیر کے ناجائز الحاق کو قائم رکھے ہوے تھا بلکہ اپنے کالے قوانین پبلک سیفٹی ایکٹ، آرمڈ فورسز سپیشل پاور ایکٹ وغیرہ اور ظلم و بربریت کو روا رکھے ہوے تھا۔ بھارت کبھی سیٹو اور سینٹو کا بہانہ بناکر تو کبھی سوویت یونین کے پیچھے چھپ کر اقوام متحدہ کی قراردادوں پہ عمل کرنے سے بھاگتا رہا اور پھر 1972 میں پاک بھارت شملہ معاہدہ ہوا جس کے تحت دونوں ممالک راضی ہوے کہ آپسی معاملات باہمی رضامندی سے طے کیے جائینگے اس کے بعد سے جب بھی مسئلہ کشمیر کے حل کا سوال اٹھا تو بھارت نے اسے Bilateral کہہ کر مسترد کردیا۔ 1998 کے پاک بھارت ایٹمی دھماکوں کے بعد اقوام متحدہ نے قرارداد 1172 کے زریعے دونوں ممالک پر کشیدگی ختم کرنے اور تعلقات کی بہتری کے لیے زور دیا لیکن بھارت اپنی فطرت سے باز نہ آیا وقتی دکھاوا کرکے بھارت پاکستان میں دہشتگردانہ کاروائیوں کی سرپرستی کرتا رہا۔ ملکہ الزبتھ نے پاک بھارت دورے کے موقع پر کشمیر کی ثالثی کی آفر کی تو بھارت نے اسے دو طرفہ یا باہمی معاملہ کہہ کر مسترد کردیا، اس کے بعد یہ جواب ترکی، چین و ایران کی آفرز کے جواب میں دیا گیا۔ اقوام متحدہ کے جنرل سیکریٹری انٹوریو گٹیرس کی ثالثی کی آفر کی تو بھارت نے جواباً شملہ معاہدہ کا زکر کرتے ہوے کہا کہ اب UNMOGIP کی ضرورت نہیں یہ ہمارا باہمی مسئلہ ہے اس کے علاوہ فرانس کے دورے کے موقع پر بھی نریندر مودی نے ڈونلڈ ٹرمپ و فرانسیسی قیادت کو یہی جواب دیا لیکن 5 اگست 2019 کو یکطرفہ طور پر آرٹیکل 370 اور 35ـA کو منسوخ کرکے کشمیر کو بھارت میں شامل کرنے کے مودی سرکار کا اقدام نہ صرف شملہ معاہدہ و لاہور ڈیکلیئریشن کی صریحاً خلاف ورزی ہے بلکہ ویانا کنوینشن کی بھی خلاف ورزی ہے اور ویانا کنوینشن کے آرٹیکل 60 کے تحت پاکستان اب مزید اس معاہدہ کو مکمل یا جزوی منسوخ کرنے کا حق محفوظ رکھتا ہے اور اب بھارت کے پاس یہ جواز باقی نہیں رہ سکتا کہ وہ کشمیر کو بائی لیٹرل مسئلہ کہہ کر عالمی قوانین اور اقوام متحدہ کی قراردادوں سے بھاگ سکے۔ اس کے علاوہ مودی سرکار کی حکمت عملی سے اب حریت لیڈروں کے علاوہ مین اسٹریم لیڈر بھی بھارت سے متنفر ہوگئے ہیں جس کا فائدہ پاکستان کو اٹھانا چاہئے اور اقوام عالم کو جھنجھوڑ کر بیدار کرے۔ UNSC کو عالمی امن کو یقینی بنانے کے لیے عراق طرز پر بھارت کے خلاف ایکشن لینا ہوگا ورنہ کوئی بعید نہیں کہ مسئلہ کشمیر کی وجہ سے کسی بھی ایٹمی جنگ چھڑ سکتی ہے۔

کچھ لوگ اپنے شوق یا اپنے کام سے جنونیت کی حد تک لگائو رکھتے ہیں ، وہ اس امر سے بھی ماورا ء ہوتے ہیں کہ دنیا انکے کام سے یا ان سے کتنی فیضیاب ہورہی ہے یا ہوسکتی ۔ ہم نمو د و نمائش کے دور میں ہیں اور یہ دکھاوا بڑھتا ہی چلا جا رہا ہے اور اسکا سہرا سماجی ابلاغ کے ماتھے پر سجا ہوا ہے ۔ سماجی ابلاغ کی بدولت تقریباً دنیا کا ہر فرد ہی شہرت سے لطف اندوز ہونے کیلئے کوشاں ہے۔کوئی شعر کہہ کر کوئی کچھ بنا کر تو کوئی کچھ بنا کر اپنی تشہیر اپنے ہی ہاتھ سے کرتا دیکھا جا سکتا ہے ۔لیکن آج بھی کچھ ایسے سادہ لوح لوگ اپنے کام سے کام رکھتے ہوئے اپنے کام میں ہی مگن ہیں ۔ہمارے ملک میں عزت افزائی کیلئے سڑکیں، گلیاں ، پارک ، عمارتیں وغیرہ نمایاں کارگردگی دیکھانے والوں کے نام سے منسوب کردی جاتی ہیں۔اسطرح سے کسی حد تک تو ان افراد کی پذیرائی ہوجاتی ہے اورعوام الناس کو کو شخصیت کے بارے میں جاننے کا بھی موقع ملتا ہے ، ایسا ہی ایک بورڈہمارے علاقے میں لگا ہے جس پر زیب النساء زیبی روڈ (سڑک ) لکھا ہوا ہے ۔ حسب عادت ہم نے قابل احترام شخصیت زیب النساء زیبی صاحبہ کے کار ہائے نمایاں کے بارے میں جاننے کی کوششوں میں سرگرداں ہوگئے اور یہ جان کر حیرت ہوئی کہ ہمارے ہی شہر میں ایک ایسا گوہر نایاب پوشیدہ ہے کہ جن کی ترویج و تشہیر ابلاغ نے شایہ شان نہیں کی یا پھر یہ محترمہ کی سادگی اور اپنے کام میں مگن رہنے کا بھی نتیجہ ہوسکتا ہے۔ آج اس مضمون کہ توسط سے کوشش کرینگے کہ زیبی صاحبہ سے بھرپور عام فہم جان پہچان کرائیںاور اپنی ادب اور ادبی لوگوں سے محبت کا کچھ حق ادا کر چلیں۔
ہمارا مشاہدہ ہے کہ ایسے لوگ بہت مشکل ہوتے ہیں اپنی شخصیت تک کسی کو رسائی دینے کیلئے تیار ہی نہیں ہوتے اگر آپ کسی ایک پہلو تک پہنچنے کی کوشش کرینگے تو یہ لوگ فوراً پہلو بدل لینگے اور آپ کے تسلسل کو بھٹکا دینگے۔جبکہ عملی طور پر یہ لکھنے لکھانے والے لوگ بہت سادہ ہوتے ہیںجیسا کہ دکھتے بھی ہیں۔ زیب النساء زیبی صاحبہ کی سب سے نمایاں خصوصیت کہ آپ نے روائیتی طرز کے ادب میں جدیدیت کی آمیزش بذریعہ اپنی فہم و فراست کی، اور یہ عمل اس وقت عمل میں آیا جب ادب سسک رہا تھا اور اس میں سوالنے نے ایک نئی روح پھونک دی۔
زیب النساء صاحبہ کے والدین دہلی (انڈیا) سے تعلق رکھتے تھے اور تقسیم ہند کے بعد کراچی میں مقیم ہوئے ۔ آپ کی پیدائش بھی کراچی میں ہوئی سرکاری اسکول نشتر روڈ سے میٹرک کیا ،محمد اقبال صاحب سے آپکا عقد سن ١٩٧٧ میں ہو ا جوکہ خود بھی ایک سرکاری افسر تھے۔ گریجویشن شادی کے بعد مکمل کیا ، جامعہ کراچی سے سیاسیات اور صحافت میں ماسٹرزکی ڈگریاں حاصل کیں ، اس کے علاوہ دیگر علوم پر مختلف تعلمی درسگاہوں سے طالب علمی کا سلسلہ جاری رہا جو اس بات کی نمایاں عکاسی کرتا ہے کہ آپکوحصول علم سے کتنا لگائو رہا۔ آپ نے اپنی پیشہ ورانہ ذمہ داریاں سرکاری سطح بھی نبھائیں جس میں حکومت سندھشعبہ اطلاعات قابل ذکر ہے اور آپ بطور افسر ِ اطلاعات کے عہدے ے سے ریٹائر ہوئیں۔ لیکن اعزازی مصروفیات تاحال جاری و ساری ہیں جن میں درس و تدریس سے وابستگی قابل ذکر ہے، اورآپ علم کا سمندر ہیں بھلا سمندر بھی کوئی تھمتا ہے۔
جیسا کہ مذکورہ سطور میں زیب النساء زیبی صاحبہ کی ادب کی اصناف میں سوالنے نامی اختراع کے بارے میں پوچھا گیا کہ یہ کیسے ممکن ہوا تو انہوں نے پہلے تو انتہائی سادگی سے اللہ کی نعمت قرار دیا اور پھر بتایا کہ شاعری کی ستر اصناف پر لکھنے اور پڑھنے کے بعد اللہ نے یہ سوالنا ہمارے دل میں ڈال دیا کہ شاعری میںکوئی ایسی اختراع موجود نہیں تھی کہ جس میںتین سطور میں سوال کیا جائے اور جواب بھی بین السطور دیا جائے یعنی سوال میں ہی جواب کا موجود ہونا، یقینا یہ شاعری پر زیبی صاحبہ کا ایک احسان ِ عظیم تسلیم کرنا چاہئے۔ اس سے یہ بھی پتہ چلتا ہے کہ قلم اور کتاب میں مگن رہنی والی زیب النساء زیبی صاحبہ زمانے کی ہم رقاب بھی ہیں ۔
علم سے محبت کرنے والے گھر میں پیدا ہوئیں تو آس پاس کتابوں کی خوشبو سانسوں میں تو بس گئی اور یہ خوشبو گویا رگوں میں خون بن کر بھی بہنے لگی یہی وجہ تھی کہ ابتدائی تعلیمی دور سے ہی شعر کہنا شروع کردئیے تھے۔ اپنے دور کے نامور شاعر ساحر لدھیانوی سے متاثرتھیں۔ ادب میں پیش رفت پر والد صاحب کی ہمت افزائی نے خوب حوصلہ بڑھایارہی سہی کثر والدہ کا شاعری سے شغف بھی خوب کارگر ثابت ہوا، گویا کندن بنانے کا سارا سامان قدرت نے گھر پر ہی مہیہ کر رکھا تھا ۔ مقرب حسین دہلوی، رئیس امروہی جیسے شعرا ء کرام کی سنگت میسر رہی ساتھ ہی راغب مرادآبادی ، آفاق صدیقی ،اور ذکی عثمانی صاحب بھی استادوں میں شامل ہیں۔ محسن اعظم محسن ملیح آبادی نے ان کی دونو ں کلیات کا بغور تکنیکی جائزہ لیا پھر وہ شایع کی گئیں۔اہل علم خوب سمجھ سکتے ہیں کہ ادب کے اتنے بڑے بڑے ستونوں سے نسبت ہو تو پھر منسوب کیساہوگا۔
ایک اہم بات یہ بھی ہے کہ پاکستان میں زیبی صاحبہ کے کام پر تین ایم فل مکمل ہوچکے ہیں اور مزید پانچ تکمیل کے مراحل میں ہیں۔ دنیا جہان کی ادبی تقریبات میں میں آپ بطورخصوصی مہمانِ اعزازی بھی شریک ہوتی رہی ہیں ۔آپ کی شخصیت اور آپ کے کام پر مختلف جریدے اور خصوصی نمبر شائع ہوچکے ہیں۔ آپ کو ادب کی دنیا کی ہمہ جہت شخصیت کہا جانا چاہیے۔ آپ نے ادب کی تقریباً ہر صنف پر طبع آزمائی کی بلکہ مزید اصناف کی ایجادات بھی کیں جوادب پر آپ کا خصوصی احسان ہے۔
زیبی صاحبہ نے طنز و مزاح پر بھی طبع آزمائی کی اور انکے دو مجموعے اس شاعری کی اس صنف پر بھی شائع ہوچکے ہیں۔زیب النساء زیبی صاحبہ ہمارے ملک کا اثاثہ ہیں ان کی ایک خوبی یہ بھی ہے کہ انہوں نے اپنے قلم کو کسی خاص ادبی صنف کا پابند نہیں کیا بلکہ اپنی خداداد صلاحیتوں کا لوہا ہر صنف میں منوایا۔
زیب النساء زیبی جیسے لوگ ہمارے ملک کے درخشاں ستارے ہیں یہ ملک کو قوم کیلئے باعث فخر ہیں ، یہ لوگ اپنے اپنے شعبے میں خدائی فوجدار ہیں لیکن کیا انکی گراں قدر خدمات کے اعتراف کیلئے صرف ایک روڈ پر انکے ناموں کی تختیاں لگادینا کافی ہے ؟ ارباب اختیار اس جانب توجہ دیں یہ لوگ اپنی اپنی زندگیاںملک و قوم کی خدمت کیلئے وقف کر چکے ہیں یہ اس سے کہیں زیادہ پذیرائی کے مستحق ہیں ، ہم حکومت وقت سے اپنے اس مضمون کے توسط سے درخواست کرتے ہیں کہ زیب النساء زیبی صاحبہ کی خدمات کا اعتراف اعلی سطح کے سرکاری اعزاز سے کیا جائے اور ادبیات کے ادارے کی ذمہ داری لگائی جائے کہ وطن ایسے نامور ستاروں کو تلاش کریں اور انہیں منظر عام پر لائیں۔
زیب النساء زیبی کی تخلیقات کی ایک طویل فہرست ہے ۔ زیب النساء زیبی کی پچیاسی سے زائد ادبی اورپچیس کے قریب نصابی کتب، تخلیقات ، اور تصنیفات ہیں۔
، جودرج ذیل ہیں؛
”سخن تمام”،کلیات ِ اول(دوہزار صفحات): ستر سے زائد نظمیہ شعری اصناف پر زیب النساء زیبی کی دنیا کی پہلی کلیات ”سخن تمام ” اس میں ان کے نظمیہ شاعری کے 23 مجموعے شامل ہیں۔جسکی اشاعت: سن 2013 زیبی اینڈ عائزاز پبلی کیشنز، کراچی سے ہوئی ۔
”کارِ دوام” کلیات ِ دوئم (دوہزار صفحات) غزلیات کے اکیس مجموعوں پر مشتمل۔جسکی اشاعت سن 2014 میں زیبی اینڈ عائزاز پبلی کیشنز، کراچی نے کی۔
” عکسِ زندگی” (کلیات، افسانے، ناولٹ اور ناول)،اس میں افسانوں کے سات مجموعے،سات ناولٹ اور ایک ناول شامل ہے۔
” متاع ِ زیست ” کلیات چہارم ،بیس تحقیق و تنقید کالم ،مقالات کے مجموعے شامل ہیںجس کی اشاعت 2019میں ہوئی ہے۔
”حرف ناتمام ”کلیات پنجم ، اس میں 12 شعری مجموعے شامل ہیںجوکہ 2019میں شائع ہوا ہے ۔
زیب النساء زیبی کی کلیات میں شامل منجملہ تصنیفات و تخلیقات کی فہرست۔(سخن تمام میں شامل 23 نظموں کے شعری مجمو عوں کے نام اور ان میں جن اصناف پہ شاعری کی گئی ان کے نام
(حمد و نعت)
1۔حرف حرف بندگی (مجموعہ حمد نعت)
2۔ بھیگی بھیگی پلکیں (مجموعہ نعت سلام نوحہ مر ثیہ منقبت مناجات)
(بچوں کا شاعری)
3۔ چاند ستارے آسمان
4۔ پھول کلیاں خوشبو
5۔ کہکشاں در کہکشاں
(فکاہیہ شاعری)
6۔ یہ عالم شوق کا۔۔۔۔۔ (طنز و مزاح)
7۔ ایسے و یسے۔۔۔۔۔۔۔(پیروڈی ہجو تضمین سین ریو)
8۔ یہ کہانی اور اور ہے۔۔۔۔۔(فکا ہیہ )
(سہ مصرعی نظمیں)
9۔ تنہا تنہا چاند.۔۔۔۔۔۔۔۔(ثلا ثی۔ماہیہ۔چیساں۔ سہ الگی۔ سہ گا نیاں۔(سہ مصرعی)
(جاپانی صنف ہا ئیکو)
10۔ مجھے کچھ کہنا ہے۔۔۔۔.(ہا ئیکو)
11۔ کبھی تو ملیں گے۔۔۔۔(ہا ئیکو)
(”سوالنے” زیب النساء زیبی کی اختراع)
12۔ آتی رت کا پھول۔۔۔۔۔۔۔ (ذاتی اختراع)
(تروینی)
13۔ تیرا انتظار ہے۔۔۔۔۔۔(اردو میں کسی شاعرہ کا پہلا مجموعہ تروینی)
(قطعات)
14۔۔ سحر درخشاں۔۔۔ (قطعات)
15۔ عنبر وافشاں۔۔۔۔(قطعات)
(رباعیات اور دوہے)
16۔ یاد کے موسم۔۔۔۔۔۔(رباعیات و دوہیے)
(مسمط)
17۔ تم سے دور تو نہیں۔۔۔۔۔۔۔۔۔۔ (مثلث3، مربع،4 مخمس5، مسدس 6۔ مسبح 7، مثمن، 8 متسح 9، معثر، 10 مسمط، ترجیج بند، ترکیب بند)
18۔ ہتھیلی پر گلاب۔۔۔۔۔۔۔۔۔(چہار بیت، کہہ مکرنی، وائ۔ لوری، کافی، ڈھولا، گیت، پہلی، ہیر، خماسی، پنجگانہ، سداسی، ملی نغمہ، قوالی،، سہرا رخصتی،یک مصری تکونی، ترائیلے)
(پابند نظمیں)
19۔ تم سے ہے زندگی
20۔ یہ آنکھیں تمہیں ڈھونڈ تی ہیں
21۔ ہے آرزو تمہاری (نظم ِ معری۔۔نظمانے۔ آزاد نظم۔۔نثری نظم)
22۔ اب تو آ جاو ۔۔۔۔۔۔(واسوخت۔ مستزاد۔شہر آشوب۔ دہر آشوب۔ ریختی۔ قصیدہ۔ سانیٹ۔ مثنوی۔صنعتِ تو شیح۔صنعت ِ غیر منقو ط اور دیگر۔ صنعت تلمیح۔ صنعت ِ تضاد۔صنعت ِ مراعا ة النظیر کا شعر میں برتنا )
23۔اک تن ِ خاکی۔۔(نساء شاعری)
24۔علم ِ سخن (تمام اصناف کی تیکنک پہ مضامین )
”کار ِ دوام ”کلیات دوئم غزلیات ، 21 شعری مجموعوں کے نام
25۔ تیری یاد آتی ہے
26۔ کوء راہ تکتا ہے
27۔ دل میں ہیں آپ
28۔ تم بن اداس ہیں
29۔ تم میرے ہو
30۔ بے وفا ہم نہیں
31۔ کو ے محبوب سے ہجرت
32۔ ہوں تیرے دھیان میں
33۔پو چھو تو حال ِ دل
34۔ کیا ملا دل دکھانے میں
35۔ زرا شام سے پہلے
36 جرم ِ بیناء کی سزا
37۔ تحفے میں بھیج دی آنکھیں
38۔عشق تو جادو ٹونا ہے
39۔ بہاریں مسکراتی ہیں
40۔ کرتی ہیں رقص خوشیاں
41۔ کو ء آپ سا کہاں
42۔ یہ عشق سمندر ہے
43۔ امید ِ وفا اور آپ سے
44۔ ہیں مجبوریاں محبت کی (تحقق و کالم کی کتاب)
45۔ تخیل کا سفر
زیب النساء زیبی کے7 افسانوی مجموعے
46۔ شہ رگ پہ خنجر
47۔ پیاری آپی
48۔ڈبل ہیروئین
49۔ وہ پھول تھی یا بھول
50۔ادھوری عورت
51۔ دیس پردیس ہوا
52۔ جھو ٹی کہیں کی
(زیب النساء زیبی کا ناول)
53۔ میں آدھی گوا ہی
(زیب النساء زیبی کی 7 ناولٹ)
54۔خاموش جنازے،
55۔جہنم کے فرشتے،
56۔ دلدل،
57۔ کالی زبان،
58۔ شہزادے کا انتظار،
59۔ سیر عدم کی آرزو ہے اور ہم ہیں دوستو
60۔ طوفان اور سوکھے پتے
” متاع زیست” کلیات چہارم اشاعت 2019 اس میں 20 کتب شامل ہیں۔اس میں جن مو ضوعات کا احاطہ کیا گیا ہے وہ یہ ہیں حقیق و تنقید ، مقالے، کالم، تبصرے تذکرے، تراجم ،یادداشتیں، مشاہیر کے انٹرویو،سروے ،سماجی، مذہبی، معاشرتی، ادبی اور فکری مضامین )
اس کلیات میں شامل 20 کتب کے نام یہ ہیں
61- ” تخیل کا سفر ”
62_ علم ِ سخن
63_ ادب ِ عالم
64_ اذکار و افکار ِ عالم
65_ دانش وارن ِ علم و ادب
66_ فکر کے زاویے
67_ اظہار اسرار
68_ خواتین تخلیق کار
69_دبستان ِ ادب
70_ کا ئنات کے رنگ
71_ میرا تخاطب آپ
72_ مینار ِ علم و ادب
73 _افتخار ِ ادب
74_ نقوش ِ آگہی
75_ دستک دیوانے کی
76_ عکس ِ سماج
77_ شعائر ِ زیست
78_ آبروے ِ علم و ادب
79_ فنون ِ علم و ادب
80_نقوش ِ سندھ
”حرف ِ نا تمام”شاعری کی کلیات پنجم اشاعت 2019، اس میں شامل 12 شعری مجموعے۔
81۔۔ تمہارے ساتھ رہنا ہے
82۔۔دھنک رنگ
83۔۔آنکھیں دریچے میں
84۔۔مژگاں پہ ستارے
85۔۔ہوا بھی ناچتی ہے
86۔۔۔برگ ِ گل87۔۔۔نقش ِ نایاب88۔۔فکر ِ بیکراں89۔۔رنگ ِ شفق90۔۔سخن پارے 91۔۔رخشندہ گہر
92۔۔روح ِ معانی کا نزول (ترجمہ نفسیات و فلسفہ کی کتاب اس پہ ریویو رئیس امروہوی نے 80 کی دہاء میں کیا تھا)
93۔۔۔آپ کون ہیں
کچھ تصانیف ابھی تکمیل کے مراحل میں ہیں۔جن میں ابھی تو امکان نہیں ہے، معاشی حالات اور زندگی شاید اب مہلت نہ دے۔اسکے علاوہ تقربیا 25 سے زائد کتابوں کا مسودہ ابھی اور موجود ہے۔

عام انتخابات میں تحریک ِ انصاف نے پاکستان بھر میں ہلچل مچادی تھی اتنی پرجوش انتخابی مہم کسی سیاسی حریف نے نہیں چلائی ووٹوںکے لحاظ سے PTI دوسری بڑی سیاسی جماعت بن کر ابھری خیبر پی کے میں نامی گرامی اور سکہ بند قسم کے امیدوار اپنی ضمانتیں ضبط کروا بیٹھے 2013ء میں ہونے والے عام انتخابات میںANPاورJUI(ف) سب سے زیادہ متاثر ہوئیں 2018ء کے عام انتخابات میں ان جماعتوںکا حشر پہلے سے بھی برا ہوگیا تحریک ِ انصاف پہلی سیاسی جماعت بن کر ابھری جو مسلسل دو مرتبہ خیبر پی کے میں چکومت بنانے میں کامیاب ہوئی ہے کہا جاتاہے ان پارٹیوںکے قائدین اب تلک سوچ رہے ہیں ان کے ساتھ کیا ہوا؟ مولانا فضل الرحمن ابھی تک اس صدمے سے باہر نہیں نکلے اور وہ تحریک ِ انصاف کے روایتی حریف بن کر ابھرے ہیں اور اس صوبہ کی تاریخ میں پہلی مرتبہ فضل الرحمن کو عوام نے نہ صرف حکومت سے باہر کردیا بلکہ وہ پالیمان سے بھی باہر ہوگئے اسی لئے وہ سکے میں ہیں اور مسلم لیگ ن ،پیپلزپارٹی سے بھی زیادہ انہیں عمران خان پر غصہ ہے جس کا اظہار اکثرو بیشتر وہ کرتے رہتے ہیں موصوف نے تو تحریک ِ انظاف کی حکومت کو ناجائز ہونے کا فتویٰ بھی دے رکھاہے بہرحال غالب خیال یہی ہے کہ آئندہ بلدیاتی انتخابات ہوں یا عام انتخابات تحریک ِ انصاف اور جمیعت العلمائے اسلام کے امیدواروں کے درمیان کانٹے دار مقابلے ہوں گے اور ان پارٹیوں کے مختلف نظریات جماعتوںکے ساتھ انتخابی اتحاد بنیں گے اور بن کر ٹوٹنے کی پیشگی پیش گوئی کی جا سکتی ہے اسی طرح متوقع بلدیاتی انتخابات میں پیپلز پارٹی،جمیعت العلمائے اسلام اور دیگر جماعتوں کے درمیان سیاسی مفاہمت جاری ہے جونہی بلدیاتی انتخابات کا کوئی ناک نقشہ نمودار ہوا تحریک ِ انصاف کا مقابلہ کرنے کیلئے ایک گرینڈ الائنس بننے کی قوی امیدہے ہم خیال جماعتیں ان کا مقابلہ کرنے کیلئے اپنے مشترکہ امیدوار لانے کی کوشش کریں گی جبکہ کہا جارہا ہے کہ KPKکی سابقہ حکمران پارٹی اے این پی ان دنوں عجیب مشکل سے دو چارہے اسفندیار ولی خا ن کو خود سمجھ نہیں آرہی کہ ان کی جماعت کے ساتھ کیا ہورہاہے؟ پہلے کچھ رہنماساتھ چھوڑ گئے ۔۔اور اب بیگم نسیم ولی خان ان کے خلاف دم خم سے برسر ِ پیکارہیں یعنیANP اپنی بقاء کی جنگ لڑرہی ہے اس صورت ِحال میں سرخ پوش رہنما بھی پریشان نظرآرہے ہیں
اپنے مجبو ر تقدس کے سہارے ساغر
دِ یر و کعبہ کے خدائوں سے لپٹ کر رو لوں
اب رہی بات تحریک ِ انصاف کی ۔۔اس جماعت کو حکومت کیا ملی عمران خان کا امتحان شروع ہوگیا حالانکہ تحریک ِ انصاف کو بہت سے مسائل اور مسائل سے بڑے چیلنجز وراثت میں ملے ہیں یہ صوبہ خیبر پختون خواہ دہشت گردی سے بہت زیادہ متاثرہوا اب تک شاید ہی کوئی مہینہ ایسا ہو جب اس صوبے میں کوئی دھماکہ یادہشت گردی کا کوئی واقعہ نہ ہوا ہو ماضی میں متعدد ارکان ِ اسمبلی ان واقعات میں شہیدہو چکے ہیںملکی معیشت، میٹرو بس منصوبہ، بلدیاتی انتخابات کاانعقاد، امن و امان ، عوامی مسائل ، قومی ایشو،اپوزیشن اتحاد کی احتجاجی تحریک اور اتحادی جماعتوںکی ناراضگی اس وقت تحریک ِ انصاف کیلئے وبال بنے ہوئے ہیں تحریک ِ انصاف کے وزراء مختلف مسائل میں الجھے ہوئے ہیں جبکہ پارٹی کے اندرونی اختلافات بھی موجود ہیں یہاں اس حقیقت سے بھی انکار نہیں جا سکتا کہ گذستہ عام انتخابات میں عام آدمی نے تحریک ِ انصاف کو تبدیلی کے نام پرووٹ دیا تھا اور عمران خان کے نزدیک اس تبدیلی کا مطلب چہروںکی تبدیلی نہیںبلکہ سسٹم کی تبدیلی تھا جس میں ابھی تک کوئی پیش رفت نہیں ہوئی البتہ خیبر پختون خواہ کی صوبائی حکومت نے سستے انصاف کے حصول کیلئے موبائل عدالت متعارف کروائی ہے بلا شبہ یہ پاکستان میں اپنی نو عیت کے اعتبار سے ایک اچھی روایت کاآغازہے ایسے مزید کئی اقدامات کی ضرورت ہے تاکہ عام آدمی کو بھی ریلیف مل سکے اس حکومت کو عوامی مسائل حل کرنے کیلئے ٹھوس حکمت ِ عملی تیار کرناہوگی اس وقت پرفارمنس کے حوالہ سے صوبہ خیبر پختون خواہ کی کارگذاری بالکل متاثر کن نہیںہے صوبہ بھر میں ٹوٹی سڑکیں، صفائی کی نا گفتہ بہ حالت ، گندگی کے ڈھیر، امن و امان کی سنگین صورت حال اور ترقیاتی کام نہ ہونے کا خمیازہ بلدیاتی انتخابات میں بھگتنا پڑ سکتاہے۔KPKمیں کرپشن وکمیشن مافیا کا خاتمہ،سرکاری اداروں اور محکموںمیں سیاسی مداخلت اور دبائو سے آزاد ماحول کا قیام،تھانے ،کچہری اور پٹوارخانوں سے ظلم و زیادتی کا خاتمہ ذاتی پسند نا پسندکی بجائے میرٹ پر فیصلے تحریکِ انصاف کی حکومت کی اولین ترجیحات ہونی چاہییںتاکہ تبدیلی محض نعروںتک محدود نہ رہے بلکہ حکومتی رویے اورمعاملات میں نظر بھی آئے لوگوںکو محسوس بھی ہو اگرحکومت اچھی کارکردگی،انقلابی اقدامات، بہترین عوامی پالیسیاں اور عوام کو ریلیف دینے میں کامیاب رہی تو یقینا اس سے KPKمیں عنقریب ہونیوالے بلدیاتی انتخابات میں خوشگوار اثر پڑے گا۔
حدود ِ ذات سے باہر نکل کے دیکھ ذرا
نہ کوئی غیر ،نہ کوئی رقیب لگتا ہے
دہشت گردی کے واقعات بھی KPKمیں تحریک ِ انصاف کو درپیش چیلنجزمیں سر فہرست ہے جس کیلئے مربوط حکمت ِ عملی، ٹھوس منصوبہ بندی ترتیب دینے کی اشد ضرورت ہے اس کو اہمیت دئیے بغیر امن و امان قائم نہیں ہو سکتا عوام کی جان و مال کے تحفظ کیلئے کسی رو رعائت نہیںہونی چاہیے اس وقت وزراء میں آپس کی چپقلش نے بھی مسائل پیدا کررکھے ہیں جبکہ شمالی و جنوبی وزیرستان سے نقل مکانی کرنے والوںکی آبادکاری تحریک ِ انصاف کی حکومت کو درپیش چیلنجز ہیں جس سے عہدہ برا ہونا اس حکومت کی نیک نامی کا سبب بنے گا۔ کہا جاتا ہے حکومت کرنا مخملی بستر پر سونے کا نام نہیں بلکہ یہ کانٹوں کا بچھوناہے ایک طرف حکومت عوامی توقعات پوری نہ اترے تو وہ عوام کے دل سے اتر جاتی ہے اس لئے پھونک پھونک کر قدم رکھنا پڑتاہے اس لئے کہا جا سکتاہے صوبہ خیبر پختون خواہ میں جہاں تحریک ِ انصاف کو بہت سے مسائل اور چیلنجزکا سامناہے وہاں اس کے مد مقابل ایک مضبوط اور فعال اپوزیشن بھی موجود ہے اس سے بڑھ کر مذہبی انتہا پسندی کا دور دوہ ہے KPKمیں کامیابی سے حکومت چلانے کا مطلب ہوگا تحریک ِ انصاف کو عوام نے جو بھاری مینڈیٹ دیا ہے اس میں وہ سرخرو رہی
میں نے خاک ِ نشیمن کو بوسے دئیے اور کہہ کریہ دل کو سمجھا لیا
آشیاں بنانا میرا کام تھا کوئی بجلی گرائے تو میں کیا کروں
بغور جائزہ لیا جائے تو محسوس ہوگا تحریک ِ انصاف اپنے وعدوں کے برعکس صوبہ خیبر پختون خواہ میں ابھی تک اپنا پروگرام یا حکمت ِ عملی واضح کرنے میں کامیاب نہیں ہو سکی البتہ عوام کے جذبات کو Cashکروانے کیلئے کرپشن کے خلاف مہم اور دہشت گردی کے خاتمہ کیلئے اقدامات کئے جارہے ہیں جن میں خاطر خواہ کامیابی ہوئی ہے یہ عوام کو سب کچھ اس لئے اچھا لگا ہے کہ اس حوالے سے کوئی اور جماعت تحریک ِ انصاف کی طرح ایکٹو نہیں ہے صوبہ خیبر پختون خواہ میں عوام کا دل جیتنے کیلئے بڑے انقلابی اقدامات کی ضرورت ہے جس کے لئے KPKکے وزیر ِ اعلیٰ اور تحریک ِ انصاف کی صوبائی تنظیم اور قائدین کو کچھ کرکے دکھانا ہوگا اس کے ساتھ ساتھ جو بات شدت سے محسوس کی جارہی ہے کہ آفتاب احمد شیر پائو جو ہمیشہ ایک فعال انداز سے سیاست کرنے کے عادی ہیں اب شاید وہ تحریک ِ انصاف کی کامیابیوں سے دلبرداشتہ ہوکر اب تلک خاموش ہیں انہوں نے تحریک ِ انصاف اور جمیعت العلمائے اسلام اور اے این پی کے درمیان جاری کش مکش سے فائدہ اٹھانے کی کوشش بھی نہیں کی آفتاب احمد شیر پائوکو اس تناظر میں اپنی جماعت کوایک بار پھر فعال ،متحرک اور منظم بنانے کیلئے میدان میں آنا چاہیے مذہبی اور سیاسی انتہا پسندی کے ماحول میں وہ پھر سیاسی افق پر چھا سکتے ہیں۔
افق پر دور کوئی چمکتا ہوا تارا
مجھے چراغ ِ دیار ِ حبیب لگتا ہے
بہرحال خیبر پی کے میں حکمران جماعت تحریک ِ انصاف عوام کو کچھ ڈیلیورکرنے میں کامیاب ہوگئی تو مستقبل میں حکومت محالف جماعتیں پھرچاروں شانوں چت ہوجائیں گی اس وقت حکومت زبردست پریشرمیں ہے خیبر پی کے میں مولانافضل الرحمن کو کسی طور سکون نہیں لگتا تو یہی ہے کہ وہ حکومت گرانے یا اسے ٹف ٹائم دینے کیلئے ہرحد سے گذر جانے کا عزم رکھتے ہیں وہ پہلی بار پارلیمنٹ سے باہر ہوئے ہیں ا سلئے ان کے نزدیک عمران خان کی حکومت غیرشرعی اور ناجائز ہے اور وہ عمران خان کی حکومت کے خلاف کوئی بھی حربہ استعمال کرسکتے ہیں فضل الرحمن کی اب تلک کوشش یہ رہی ہے کہ کسی طرح KPK میں تحریک ِ انصاف کی حکومت کو ٹف پائم دیا جائے ابھی تک ان کا بس نہیں چلا ورنہ وزیر اِعلیٰ محمود خان کے خلاف تحریک عدم اعتماد لائی جاچکی ہوتی اس لئے حکومت کو اپنے انتخابی وعدوںکو پورا کرنے کیلئے کچھ کرکے دکھانا ہوگا کارکردگی ہی تحریک ِ انصاف کو ہر قسم کی ہزیمت سے بچا سکتی ہے۔