Daily Taqat

عالمی مارکیٹ میں سونا مہنگا اور خام تیل سستا ہو گیا

لاہور: اوپیک اور روس کی جانب سے خام تیل کی پیداوار بڑھانے کی خبروں پر برینٹ خام تیل 3فیصد کم ہوکر 76ڈالر 44 سینٹس فی بیرل پر آگیا ، جبکہ عالمی مارکیٹ میں گزشتہ ہفتے کے مقابلے سونا 12 ڈالر مہنگا ہوگیا۔عالمی مارکیٹ میں خام تیل اور سونے کی ہفتہ وار رپورٹ کے مطابق ہفتے کے اختتام پر اوپیک اور روس کی جانب سے خام تیل کی پیداوار بڑھنے کی خبروں پر قیمتوں میں گراوٹ دیکھی گئی۔

اوپیک کے جون میں ہونے والے اجلاس میں اہم فیصلہ ہوگا۔ اس خبر پر ہفتے کے اختتام پر گزشتہ ہفتے کے مقابلے برینٹ خام تیل 2.63 فیصد سستا ہوگیا جس سے بریٹ خام تیل 2 ڈالر 7 سینٹس سستاہوکر 76 ڈالر 44 سینٹس فی بیرل پر آگیا۔دوسری جانب عالمی مارکیٹ میں سرمایہ کاروں کی جانب سے سونے کے بہتر نرخ ہونے پر خریداری کے سبب گزشتہ ہفتے کے مقابلے12 ڈالر مہنگا ہوکر 1303ڈالر فی اونس پر پہنچ گیا۔


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »