سونے کی فی تولہ قیمت میں غیرمعمولی کمی

کراچی: ملکی صرافہ مارکیٹوں میں سونے کی فی تولہ اور دس گرام قیمت میں 2500 روپے اور 2144 روپے کی غیرمعمولی کمی ہوئی ہے۔

عالمی مارکیٹ اور پاکستان کی صرافہ مارکیٹوں میں بدھ کے روز سونے قیمتوں میں غیرمعمولی کمی دیکھی گئی، بین الاقوامی بلین مارکیٹ میں فی اونس 24 قیراط سونے کی قیمت میں 31 ڈالر کی کمی ہوئی اور عالمی بازار میں سونے کی فی اونس قیمت کم ہو کر 1958 ڈالر کی سطح پرآگئی۔

دوسری جانب ملکی صرافہ مارکیٹوں میں بھی بدھ کے روز فی تولہ اور دس گرام سونے کی قیمتوں میں بالترتیب 2500 روپے اور 2144 روپے کی نمایاں کمی ہوئی۔ قیمتوں میں کمی کے نتیجے میں کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت کم ہو کر 1 لاکھ 15 ہزار 200 روپے تک آگئی جب کہ دس گرام سونے کی قیمت بھی گھٹ کر98 ہزا ر 765 روپے کی سطح پر آگئی۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.