ارطغرل دیکھنے کےبعد بلال اشرف کاپیغام

پاکستان ٹیلی ویژن پر یکم رمضان سے دکھائی جانے والی ترک سیریز “ارطغرل غازی ” مقبولیت کے نئے ریکارڈز قائم کررہی ہے۔ارطغرل کو پسند کرنے والوں میں معروف اداکار بلال اشرف کا نام بھی شامل ہے۔

سماجی رابطوں کی ویب سائٹ ٹوئٹرپربلال نے لکھا ” ارطغرل شاندار ہے، عظیم کہانی اور زبردست پروڈکشن” ۔

اداکار  نے اس بات پراس بات پر خوشی کا اظہار کیا کہ اس ڈرامے کو پاکستان کے مقامی دیکھنے والوں کیلئے متعارف کرایا گیا۔

بلال اشرف نے اس بات پر بھی زور دیاکہ فلم / ڈرامہ آرٹ کی ایک قسم ہے جسے سراہنے کی ضرورت ہوتی ہے، بغیر اس بات کی پرواہ کیے کہ اسے کہاں بنایا گیا تھا۔

بلال کی ٹویٹ کا آخری جملہ شاید اداکار شان شاہد کے تحفظات کے جواب میں لکھا گیا ہے، حال ہی میں شان نے سرکاری ٹی وی پر بیرونی مواد نشرکیے جانے کی مخالفت کرتے ہوئے اپنی ٹویٹ میں لکھا تھا” ہمیں اپنی تاریخ اور اس کے ہیروز کو تلاش کرنا چاہیے”۔

واضح رہے کہ پاکستان میں وزیراعظم عمران خان کی فرمائش پریکم رمضان سے ترکی کا “گیم آف تھرونز ” کہلایا جانے والا یہ ڈرامہ “دیریلیش، ارطغرل” دکھایا جارہا ہے۔ ارطغرل کی کہانی 13 ویں صدی میں سلطنت عثمانیہ کےقیام سے قبل کی ہےجس میں اسلامی فتوحات کا سلسلہ دکھایا گیا ہے۔

ارطغرل کو پاکستان میں دکھائے جانے سے قبل مخلتف زبانوں میں ڈبنگ کے بعد دنیا کے 60 ممالک میں دکھایا جاچکا ہے۔ اس کے 5 سیزن ہیں۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.