Daily Taqat

ترکمانستان میں صرف سفید گاڑیاں چلانے کا حکم

ترکمانستان کے دارالحکومت اشک آباد میں سڑکوں پر سیاہ یا گہرے رنگ کی گاڑیاں چلانے پر پابندی عائد کردی گئی۔

ایک رپورٹ کے مطابق ترکمانستان کے صدر قربان علی بردی محمدوف نے اشک آباد میں چلنے والی سیاہ یا دیگر گہرے رنگ کی گاڑیوں پر پابندی عائد کی۔

رپورٹ کے مطابق صدر کا خیال ہے کہ سفید رنگ خوش قسمتی کی نشانی ہے، لہذا شہر میں سفید یا پھر بالکل ہلکے رنگ کی گاڑیاں ہی چلائی جانی چاہئیں۔

اگر کوئی بھی شہری اشک آباد میں سفید کے علاوہ کسی گہرے رنگ کی گاڑی چلاتا ہوا پایا گیا تو پولیس اس گاڑی کو اپنی تحویل میں لے لے گی۔

جس کے بعد گاڑی کے مالک کو ایک دستاویز پر دستخط کرکے پولیس کو یہ یقین دہانی کروانی ہوگی کہ وہ گاڑی کا رنگ تبدیل کروائے گا۔

واضح رہے کہ اشک آباد کو سفید سنگ مرمر کا شہر کہا جاتا ہے، یہی وجہ ہے کہ یہ دنیا کی سب سے زیادہ سفید مرمر کی حامل عمارتوں کی فہرست میں پہلے نمبر پر ہے


Get real time updates directly on you device, subscribe now.

اپنی راہےکااظہار کریں

آپ کا ای میل ایڈریس شائع نہیں کیا جائے گا.

Translate »