Latest news

گلوکار علی سیٹھی امریکا کے 11 بڑے شہروں میں پرفارم کریں گے

پاکستان کے نامور گلوکار علی سیٹھی نے اپنے  مداحوں کو امریکا کے دورے کی خوشخبری سنا دی ہے، جہاں وہ مختلف 11 شہروں میں اپنی آواز کا جادو جگائیں گے۔

علی سیٹھی نے سوشل میڈیا سائٹ انسٹاگرام پر ایک پوسٹ شیئر کرتے ہوئے بتایا کہ وہ جلد ہی امریکا کا دورہ کریں گے، جہاں مخلتف شہروں میں منعقدہ کانسرٹ کا حصہ ہوں گے۔ انہوں نے بتایا کہ وہ سب سے پہلے نیوجرسی میں 22 مارچ کو پرفارم کریں گے، جس کے بعد وہ نیویارک میں منعقد دوسرے سالانہ پین ایشیاء ساؤنڈنگ فیسٹول میں لاہور بینڈ کے ساتھ پرفارم کریں گے۔

بعدازاں گلوکار بروکلین میں 23، کینیڈی سینٹر میں 31 مارچ، شکاگو میں 5 اپریل، ڈلاس میں 6 اپریل، اوکلاہوما میں 7 اپریل، کارنیگی ہال میں 11 اپریل، سنسناٹی میں 12 اپریل، سان فرانسسکو میں 19 اپریل اور ہارورڈ میں  5 مئی کو کانسرٹ کریں گے۔

 

View this post on Instagram

 

USA TOUR UNDERWAY!!! ????Come hear us @nationalsawdust + @carnegiehall + @kennedycenter + @harvard + many more cities and venues ????

A post shared by Ali Sethi (@alisethiofficial) on

واضح رہے کہ علی سیٹھی نے اپنے میوزک کیرئیر کا آغاز 2013 میں ’محبت کرنے والے‘ گانے کے کور (پرانے گانے کو نئی انداز میں گانا) کی گلوکاری سے کیا تھا۔

انہوں نے کوک اسٹوڈیو سیزن 8 میں بطور فیچر آرٹسٹ شمولیت اختیار کی، جس کے بعد خوب مقبولیت حاصل کی۔ ان کے مقبول گانوں میں ’چن کتھاں‘، ’رنجش ہی سہی‘ اور ’محبت کرنے والے‘ سرفہرست ہیں۔


اپنی راہےکااظہار کریں

آپ کا ای میل ایڈریس شائع نہیں کیا جائے گا.